ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 21 ມັງກອນນີ້, ເຈົ້າໜ້າທີ່ເຄັນຢາເປີດເຜີຍວ່າ: ຄືນວັນທີ 20 ມັງກອນນີ້ຕາມເວລາທ້ອງຖິ່ນ, ສະຖານທີ່ກໍ່ສ້າງໂຄງການ C81ຂອງກຸ່ມບໍລິສັດກໍ່ສ້າງຈົ່ງເມີຍຈ່ຽງຊີຈີນຈຳກັດປະຈຳຢູ່ເຂດກາຣິຊາປະເທດເຄັນຢາຖືກກຸ່ມປະກອບອາວຸດທີ່ບໍ່ຊາບຝ່າຍກຸ່ມໜຶ່ງຫຼອນໂຈມຕີ ເຮັດໃຫ້ຊາວບ້ານທ້ອງຖິ່ນດັ່ງກ່າວຢ່າງໜ້ອຍໜຶ່ງຄົນໄດ້ຮັບບາດເຈັບ, ແຕ່ພະນັກງານຝ່າຍຈີນປອດໄພ.
ຫົວໜ້າອົງການຕຳຫຼວດລັດກາຣິຊາເປີດເຜີຍຕໍ່ສື່ມວນຊົນໃນວັນທີ 21 ມັງກອນນີ້ວ່າ: ຢ່າງໜ້ອຍມີຊາວບ້ານໜຶ່ງຄົນໄດ້ຮັບບາດເຈັບໃນເຫດການຄັ້ງນີ້, ປັດຈຸບັນກໍລັງ ປິ່ນປົວຢູ່ໂຮງໝໍແລະມີອາການຊົງຕົວ. ກຸ່ມປະກອບອາວຸດຫຼາຍຄົນຖືກຍິງບາດເຈັບ, ເຈົ້າໜ້າທີ່ຕຳຫຼວດກຳລັງຄົ້ນຫາເພື່ອຈັບຕົວຜູ້ປະກອບອາວຸດເຫຼົ່ານີ້.
ຊາວບ້ານທ້ອງຖິ່ນທີ່ບໍ່ປະສົງອອກນາມຄົນໜຶ່ງບອກກັບນັກຂ່າວວ່າ: ຄືນວັນທີ 20 ມັງກອນນີ້, ກຸ່ມປະກອບອາວຸດປືນຍາວAK47 ປະມານ 10 ຄົນໄດ້ຈີ້ຕົວຊາວບ້ານຄົນໜຶ່ງ ທັງສັ່ງໃຫ້ລາວນຳທາງໄປສະຖານທີ່ຕັ້ມຂອງບໍລິສັດຈີນ.
ປັດຈຸບັນ, ເຈົ້າໜ້າທີ່ຕຳຫຼວດຍັງບໍ່ສາມາດສະຫຼຸບໄດ້ວ່າ ເຫດການເທື່ອນີ້ເປັນເຫດຫຼອນໂຈມຕີແບບກໍ່ການຮ້າຍຫຼືບໍ່?
ຄຳເຫັນ
0