ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 21 ມັງກອນນີ້, ທ່ານນາງ ເທເຣຊາ ເມ ນາຍົກລັດຖະມົນຕີອັງກິດກ່າວວ່າ: ຕົນກຳລັງປຶກສາຫາລືກັບບາງພັກການເມືອງພາຍໃນປະເທດກ່ຽວກັບສັນຍາຖອນອອກຈາກສະຫະພາບເອີຣົບທີ່ຖືກລັດຖະສະພາປະຕິເສດໃນກ່ອນໜ້ານີ້ ແລະ ຈະສືບຕໍ່ເຈລະຈາກັບສະຫະພາບເອີຣົບ.
ທ່ານນາງ ເທເຣຊາ ເມ ກ່າວຢູ່ສະພາຕ່ຳອັງກິດໃນມື້ດຽວກັນວ່າ: ຕົນກຳລັງປຶກສາຫາລືກັບພັກຝ່າຍຕ່າງໆ ເຊັ່ນ: ພັກປະຊາທິປະໄຕເອກະພາບອຽກລັງເໜືອເປັນຕົ້ນ ກ່ຽວກັບບັນຫາຊາຍແດນຂອງອຽກລັງຫຼັງການຖອນອອກຈາກສະຫະພາບເອີຣົບ. ນາງກ່າວເນັ້ນວ່າ: ຕົນບໍ່ເຫັນວ່າ ຂໍ້ສະເໜີກ່ຽວກັບການເລື່ອນເວລາຖອນອອກຈາກສະຫະພາບເອີຣົບ ຈະໄດ້ຮັບການສະໜັບສະໜູນຢູ່ສະພາຕ່ຳ, ແລະການຍົກເລີກການຖອນອອກຈາກສະຫະພາບເອີຣົບ ກໍຝືນກັບຜົນການລົງປະຊາມະຕິທົ່ວປະເທດຂອງອັງກິດທີ່ຈັດຈຶ້ນໃນປີ 2016.
ວັນທີ 15 ມັງກອນນີ້, ສະພາຕ່ຳອັງກິດໄດ້ລົງຄະແນນສຽງປະຕິເສດສັນຍາຖອນອອກຈາກສະຫະພາບເອີຣົບທີ່ລັດຖະບານອັງກິດເຊັນກັບສະຫະພາບເອີຣົບໃນກ່ອນໜ້ານີ້, ແຕ່ພັກຝ່າຍຕ່າງໆ ເຊັ່ນ: ພັກປະຊາທິປະໄຕເອກະພາບອຽກລັງເໜືອ ເປັນຕົ້ນໄດ້ລົງຄະແນນສຽງບໍ່ເຫັນດີ.
ຄຳເຫັນ
0