ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນເຊົ້າວັນທີ 22 ມັງກອນນີ້, ເຂດທະເລໃກ້ແຂວງນູຊາເຕັງກາຣາຕາເວັນອອກຂອງອິນໂດເນເຊຍເກີດແຜ່ນດິນໄຫວ 6,2 ລິກເຕີ, ປັດຈຸບັນຍັງບໍ່ມີລາຍງານກ່ຽວກັບຄວາມເສຍຫາຍດ້ານຊີວິດແລະຊັບສິນ.
ເວັບໄຊກົມອຸຕຸນິຍົມ, ດິນຟ້າອາກາດແລະຟິຊິກໂລກອິນໂດເນເຊຍເປີດເຜີຍວ່າ, ແຜ່ນດິນໄຫວດັ່ງກ່າວເກີດຂຶ້ນໃນເວລາ 6 ໂມງ 59 ນາທີຕາມເວລາຈາກາຕາ, ໃຈກາງແຜ່ນດິນໄຫວຢູ່ເຂດທະເລພາກຕາເວັນຕົກສຽງໃຕ້ 103 ກິໂລແມັດຫ່າງຈາກເກາະຊຸມບາແຂວງນູຊາເຕັງກາຣາຕາເວັນອອກ, ສູນກາງແຜ່ນດິນໄຫວເລິກໄປໃນໃຕ້ດິນ 10 ກິໂລແມັດ.
ກົມອຸຕຸນິຍົມ, ດິນຟ້າອາກາດແລະຟິຊິກໂລກອິນໂດເນເຊຍໄດ້ບັນທຶກວ່າເກາະດອນແລະເມືອງທີ່ໃກ້ກັບສູນກາງແຜ່ນດິນໄຫວສາມາດຮັບຮູ້ໄດ້ເຖິງແຮງສັ່ນສະເທືອນອ່າວແຮງ. ພາຍຫຼັງເກີດແຜ່ນດິນໄຫວແລ້ວ, ຍັງໄດ້ເກີດແຮງສັ່ນສະເທືອນຕາມຫຼັງ 5,2 ລິກເຕີອີກຄັ້ງໜຶ່ງ. ກົມດັ່ງກ່າວບໍ່ໄດ້ອອກຄຳເຕືອນຄື້ນຊືນາມີຫຼັງເກີດແຜ່ນດິນໄຫວຄັ້ງນີ້.
ຄຳເຫັນ
0