ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 6 ກຸມພານີ້ແມ່ນມື້ຂຶ້ນ 2 ຄ່ຳເດືອນຈຽງຈັນທະຄະຕິຈີນ, ແມ່ນມື້ທີສອງຂອງບຸນກຸດຈີນ, ກິດຈະກຳສະຫຼອງບຸນກຸດຈີນຕ່າງໆທີ່ມີຊື່ວ່າ “ໜຶ່ງແລວທາງໜຶ່ງເສັ້ນທາງ ຊົມໃຊ້ຄວາມດີງາມ”ຮ່ວມກັນ ປີ 2019 ທີ່ຈັດໂດຍສະຖາບັນຂົງຈື້ມະຫາລິທະຍາໄລຟິລິບປິນໄດ້ໄຂຂຶ້ນຢ່າງເປັນທາງການຢູ່ມະຫາວິທະຍາໄລຟິລິບປິນສາຂາຕີລີແມນ.
ທ່ານໄມໂກ ລິມຕັນອະທິການບໍດີມະຫາວິທະຍາໄລຟິລິບປິນສາຂາຕີລີແມນກ່າວວ່າ, ການໄປມາຫາສູ່ກັນບົນຈິດໃຈມິດຕະພາບລະຫວ່າງຈີນ ກັບ ຟິລິບປິນໄດ້ມີປະຫວັດດົນນານມາແລ້ວ, ນັບແຕ່ການແລກປ່ຽນສິນຄ້າໃນຫຼາຍຮ້ອຍປີກ່ອນ ຈົນຮອດວັດທະນະທຳທີ່ເຊື່ອມຕໍ່ກັນໃນປັດຈຸບັນ, ວັດທະນະທຳຈີນໄດ້ຄ່ອຍໆສ້າງຜົນສະທ້ອນຕໍ່ຮີດຄອງປະເພນີ, ອາຫານການກິນ ແລະ ຄວາມຊິນເຄີຍຕ່າງໆຂອງຟິລິບປິນ. ໃນຖານະທີ່ເປັນນັກສຶກສາຂອງມະຫາວິທະຍາໄລສູງສຸດຂອງຟິລິບປິນຄວນມີແນວຄິດເປີດປະຕູ ຮ່ຳຮຽນ ແລະ ຊື່ນຊົມວັດທະນະທຳທີ່ຕ່າງກັນ.
ຂ່າວແຈ້ງວ່າ, ມາຮອດປີນີ້, ກິດຈະກຳສະຫຼອງບຸນກຸດຈີນຂອງສະຖາບັນຂົງຈື້ມະຫາວິທະຍາໄລຟິລິບປິນໄດ້ຈັດ 4 ປີຢ່າງລຽນຕິດແລ້ວ. ປີນີ້, ກ່ອນຈັດຢູ່ ມະຫາລິທະຍາໄລຟິລິບປິນສາຂາຕີລີແມນ ກໍ່ໄດ້ຈັດກິດຈະກຳ 3 ຄັ້ງຢູ່ມະຫາວິທະຍາໄລຕົວເມືອງອັນກີລີສ, ມະຫາວິທະຍາໄລມາກາຕີ ແລະ ມະຫາວິທະຍາໄລຕົວເມືອງມາບາລາກາດແລ້ວ.
ຄຳເຫັນ
0