ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 10 ກຸມພານີ້ແມ່ນວັນພະນັກງານການຕ່າງປະເທດຂອງຣັດເຊຍ, ທ່ານວາຣາດີເມຍ ປູຕິນ, ປະທານາທິບໍດີຣັດເຊຍກ່າວໃນສານອວນພອນວ່າ, ປັດຈຸບັນນີ້ຄວາມໝັ້ນຄົງໂລກແລະລະບຽບສາກົນໄດ້ຮັບການທົດສອບຢ່າງໜັກໜ່ວງ, ລະບົບຄວບຄຸມກຳລັງຮົບແລະບໍ່ແຜ່ຜາຍນິວເຄຼຍທົ່ວໂລກໄດ້ຜະເຊີນກັບສິ່ງທ້າທາຍ, ຣັດເຊຍກຳລັງຜະເຊີນໜ້າກັບໜ້າທີ່ຢ່າງໃຫຍ່ຫຼວງໃນຂົງເຂດການຕ່າງປະເທດ, ໃນນັ້ນລວມທັງການຕັ້ງໜ້າປົກປ້ອງຫຼັກການພື້ນຖານຂອງກົດໝາຍສາກົນ, ປົກປັກຮັກສາບົດບາດທີ່ສຳຄັນຂອງອົງການສະຫະປະຊາຊາດແລະສາມັກຄີກັບປະຊາຄົມໂລກເພື່ອຮັບມືກັບການຂົ່ມຂູ່ດ້ານລັດທິການກໍ່ການຮ້າຍ. ທ່ານວາຣາດີເມຍ ປູຕິນຊີ້ໃຫ້ເຫັນວ່າ, ຣັດເຊຍຈະສືບຕໍ່ຊຸກຍູ້ຂະບວນການສັນຕິພາບຂອງຊີຣີ, ແລະມີຈຸດປະສົງເພື່ອຊຸກຍູ້ການແກ້ໄຂວິກິດການອື່ນໆດ້ວຍຊ່ອງທາງການເມືອງແລະການຕ່າງປະເທດ.
ທ່ານເຊີແກ ລາຟໂລຟ, ລັດຖະມົນຕີກະຊວງການຕ່າງປະເທດຣັດເຊຍກ່າວໃນວັນທີ 10 ກຸມພານີ້ວ່າ, ປະເທດຕາເວັນຕົກຈຳນວນໜຶ່ງທີ່ລວມທັງອາເມລິກາຖືຣັດເຊຍເປັນໜຶ່ງໃນອຸປະສັກຕົ້ນຕໍໃນການດຳເນີນການເມືອງມະຫາອຳນາດໃນທົ່ວໂລກ. ຣັດເຊຍຍິນດີດຳເນີນການປະສານງານກ່ຽວກັບບັນຫາທີ່ມີຢູ່ໃນປັດຈຸບັນນີ້, ແຕ່ວ່າການປະສານງານປະເພດນີ້ບໍ່ຄວນຖືຄຳຂາດເປັນເງື່ອນໄຂເບື້ອງຕົ້ນ.
ຄຳເຫັນ
0