ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI：ວັນທີ 8 ກຸມພານີ້ແມ່ນວັນສຸດທ້າຍທີ່ສະໝັກຊື່ເຂົ້າຮ່ວມການເລືອກຕັ້ງໃຫຍ່ຂອງໄທ, ໃນຕອນເຊົ້າວັນທີ 8 ກຸມພານີ້, ທ່ານປຣະຍຸດ ຈັນໂອຊາ, ນາຍົກລັດຖະມົນຕີໄທກ່າວວ່າ, ເຫັນດີເປັນຜູ້ສະໝັກຮັບເລືອກຕັ້ງນາຍົກລັດຖະມົນຕີພຽງຄົນດຽວທີ່ສະເໜີໂດຍພັກພະລັງປະຊາຊົນເພື່ອເຂົ້າຮ່ວມການເລືອກຕັ້ງນາຍົກລັດຖະມົນຕີຊຸດໃໝ່.
ການເລືອກຕັ້ງໃຫຍ່ຂອງໄທຈະຈັດຂຶ້ນໃນວັນທີ 24 ມີນາໜ້ານີ້. ໃນເວລາ 9 ໂມງຂອງວັນທີ 8 ກຸມພານີ້, ທ່ານປຣະຍຸດ ຈັນໂອຊາເຫັນດີນຳພັກພະລັງປະຊາຊົນທີ່ທ່ານສັງກັດນັ້ນເຊື້ອເຊີນທ່ານເປັນຜູ້ສະໝັກຮັບເລືອກຕັ້ງນາຍົກລັດຖະມົນຕີພຽງຄົນດຽວພາຍໃນພັກ, ແລະຈະຍື່ນບັນຊີລາຍຊື່ຂອງຜູ້ສະໝັກຮັບເລືອກຕັ້ງໃຫ້ຄະນະກຳມະການການເລືອກຕັ້ງແຫ່ງຊາດເພື່ອກວດສອບ, ເຊິ່ງໝາຍຄວາມວ່າທ່ານປຣະຍຸດ ຈັນໂອຊາຕົກລົງເຂົ້າຮ່ວມການເລືອກຕັ້ງນາຍົກລັດຖະມົນຕີຊຸດໃໝ່.
ມາຮອດປັດຈຸບັນ, ລວມມີ 73 ພັກການເມືອງສະໝັກຮັບເລືອກຕັ້ງສະມາຊິກລັດຖະສະພາ, ແລະມີ 18 ທ່ານເຂົ້າຮ່ວມການເລືອກຕັ້ງນາຍົກລັດຖະມົນຕີ, ລວມທັງທ່ານປຣະຍຸດ ຈັນໂອຊາ, ນາຍົກລັດຖະມົນຕີຊຸດປັດຈຸບັນແລະເຈົ້າຍິງອູບົນ ຣັດຕະນະ, ລູກສາວກົກຂອງສົມເດັດ ພູມີພົນ ອະດຸນຍະເດດ ອະດີດເຈົ້າຊີວິດໄທ, ຈະເປັນການເລືອກຕັ້ງໃຫຍ່ຄັ້ງທຳອິດທີ່ມີສະມາຊິກພະບໍລົມວົງສານຸວົງເຂົ້າຮ່ວມ. ນອກນັ້ນ, ການເລືອກຕັ້ງໃຫຍ່ຄັ້ງນີ້ຍັງເປັນການເລືອກຕັ້ງໃຫຍ່ທີ່ມີຜູ້ສະໝັກຮັບເລືອກຕັ້ງນາຍົກລັດຖະມົນຕີຫຼາຍທີ່ສຸດໃນປະຫວັດສາດຂອງໄທ.
ຄຳເຫັນ
0