ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 8 ກຸມພານີ້ ທ່ານນີໂກລາສ ມາດູໂລ ປະທານາທິບໍດີເວເນຊູເອລາໄດ້ກ່າວວ່າບໍ່ຮັບເອົາຖະແຫຼງການຂອງກອງປະຊູມໜ່ວຍຕິດຕໍ່ພົວພັນສາກົນກ່ຽວກັບບັນຫາເວເນຊູເອລາທີ່ເປີດເຜີຍໃນມື້ຜ່ານມາ. ທ່ານກ່າວວ່າ, ການຈັດການເລືອກຕັ້ງປະທານາທິບໍດີຄືນໃໝ່ບໍ່ແມ່ນເລື່ອງບູລິມະສິດຂອງລັດຖະບານເວເນຊູເອລາ, ທ່ານຮຽກຮ້ອງໃຫ້ອາເມລິກາຍົກເລີກການປິດລ້ອມແລະການຂວ້ຳບາດທາງການທະນາຄານຕໍ່ເວເນຊູເອລາໃນທັນທີ.
ກອງປະຊູມໜ່ວຍຕິດຕໍ່ພົວພັນສາກົນກ່ຽວກັບບັນຫາເວເນຊູເອລາໄດ້ຈັດຂຶ້ນຢູ່ນະຄອນຫຼວງມົງເຕວິດີໂອ ປະເທດອູຣູໄກວໃນວັນທີ 7 ກຸມພານີ້, 10 ກວ່າປະເທດຂອງທະວີບອາເມລິກາລາຕີແລະສະຫະພາບເອີລົບໄດ້ເຂົ້າຮ່ວມ, ກອງປະຊຸມໄດ້ອອກຖະແຫຼງການໂດຍຮຽກຮ້ອງໃຫ້ແກ້ໄຂບັນຫາເວເນຊູເອລາດ້ວຍວິທີສັນຕິພາບ, ຂະນະດຽວກັນກໍທວງໃຫ້ເວເນຊູເອລາຈັດການເລືອກຕັ້ງປະທານາທິບໍດີໂດຍໄວເທົ່າຈະໄວໄດ້.
ວັນທີ 8 ກຸມພານີ້ ທ່ານມາດູໂລກ່າວໃນກອງປະຊຸມຖະແຫຼງຂ່າວວ່າ, ທ່ານບໍ່ຮັບເອົາຖະແຫຼງການສະບັບນີ້, ເຊິ່ງໄດ້ສະແດງໃຫ້ເຫັນຫຼັກໝັ້ນບໍ່ທ່ຽງທຳຂອງປະເທດຈຳນວນໜຶ່ງຕໍ່ເວເນຊູເອລາ. ແຕ່ທ່ານກ່າວວ່າ, ຍິນດີຕ້ອນຮັບຄະນະຜູ້ແທນ ທີ່ແຕ່ງໂດຍກອງປະຊູມໜ່ວຍຕິດຕໍ່ພົວພັນສາກົນກ່ຽວກັບບັນຫາເວເນຊູເອລາ ແລະແລກປ່ຽນກັບຄະນະຜູ້ແທນຢ່າງເລິກເຊິ່ງ.
ຄຳເຫັນ
0