ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 9 ກຸມພານີ້, ຢູ່ເກາະພູເກັດປະເທດໄທໄດ້ເກີດອຸບັດຕິເຫດເຮືອຕຳກັນສອງລຳ ເຮັດໃຫ້ມີນັກທ່ອງທ່ຽວຈີນ 10 ຄົນໄດ້ຮັບບາດເຈັບ ເຊິ່ງໄດ້ຮັບການປິ່ນປົວໃນປັດຈຸບັນນີ້ ແລະບໍ່ມີຄວາມສ່ຽງທີ່ຈະເຖິງແກ່ຊີວິດ.
ສື່ມວນຊົນໄທໄດ້ລາຍງານວ່າ: ໃນເວລາ 13 ໂມງ 45 ນາທີຂອງວັນທີ 9 ກຸມພານີ້, ເຈົ້າໜ້າທີ່ຕຳຫຼວດພູເກັດໄດ້ເປີດເຜີຍວ່າ ມີເຮືອດ່ວນທີ່ບັນທຸກນັກທ່ອງທ່ຽວຈີນ 10 ຄົນ (ລວມທັງເດັກນ້ອຍ 2 ຄົນ) ໄດ້ເກີດອຸບັດຕິເຫດຕຳກັນກັບເຮືອຂົນສົ່ງນ້ຳມັນເວລາກັບຄືນຈາກເກາະພີພີຂອງແຂວງກຣະບີ ເຊິ່ງເຮັດໃຫ້ມີນັກທ່ອງທ່ຽວຈີນ 10 ຄົນໄດ້ຮັບບາດເຈັບ. ເຈົ້າໜ້າທີ່ທີ່ກ່ຽວຂ້ອງຂອງເກາະພູເກັດໄດ້ສົ່ງໃຫ້ໜ່ວຍກູ້ໄພ ແລະເຈົ້າໜ້າທີ່ແພດໄປເຂດປະສົບໄພໂດຍໄວ ແລະມີປະຊາຊົນທ້ອງຖິ່ນໃຫ້ການຊ່ວຍເຫຼືອນັກທ່ອງທ່ຽວທີ່ໄດ້ຮັບບາດເຈັບ ແລະນຳສົ່ງໂຮງໝໍ. ຂ່າວລາຍງານວ່າ: ຂາຂອງຜູ້ຂັບເຮືອດ່ວນທີ່ເກີດອຸບັດຕິເຫດໄດ້ຮັບບາດເຈັບຢ່າງໜັກໜ່ວງ ແລະຍັງມີແອດເຮືອ 1 ຄົນໄດ້ຮັບບາດເຈັບ. ຕຳຫຼວດທ້ອງຖິ່ນພວມສືບສວນຫາສາເຫດຂອງການເກີດອຸບັດຕິເຫດດັ່ງກ່າວ.
ຄຳເຫັນ
0