黄理春

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
第二届一带一路高峰论坛专题_fororder_760250banner

ສ.ເກົາ​ຫຼີ​ແລະ​ອາ​ເມ​ຣິ​ກາ​ໄດ້​ເຊັນ​ສັນ​ຍາ​ແບ່ງ​ປັນ​ຄ່າ​ປ້ອງ​ກັນ​ຂອງ​ທະ​ຫານ​ອາ​ເມ​ຣິ​ກາ​ປະ​ຈຳ​ສ.ເກົາ​ຫຼີ​ສະ​ບັບ​ທີ 10

2019-02-11 15:02:27 cri

ວັນ​ທີ 10 ກຸມ​ພາ​ນີ້, ຜູ້​ຕາງ​ໜ້າສ.ເກົາ​ຫຼີ​ແລະ​ອາ​ເມ​ຣິ​ກາ​ໄດ້​ເຊັນ “ສັນ​ຍາ​ພິ​ເສດໃນ​ການ​ແບ່ງ​ປັນ​ຄ່າ​ໃຊ້​ຈ່າຍ​ໃນ​ວຽກ​ງານ​ປ້ອງ​ກັນ” ສະ​ບັບ​ຮ່າງ​ທີ 10 ຢູ່​ນະ​ຄອນ​ຫຼວງ​ເຊ​ອູນ​ປະ​ເທດສ.ເກົາ​ຫຼີ. ຕາມ​ສັນ​ຍາ​ສະ​ບັບ​ດັ່ງ​ກ່າວ, ປີ 2019 ສ.ເກົາ​ຫຼີ​ຈະ​ແບກ​ຫາບ​ຄ່າ​ໃຊ້​ຈ່າຍ​ໃນ​ວຽກ​ງານ​ປ້ອງ​ກັນ​ຂອງ​ທະ​ຫານ​ອາ​ເມ​ຣິ​ກາ​ປະ​ຈຳ​ສ.ເກົາ​ຫຼີ​ປະ​ມານ 924 ລ້ານ​ໂດ​ລາ​ສະ​ຫະ​ລັດ. ສັນ​ຍາ​ດັ່ງ​ກ່າວ​ຕ້ອງ​ຜ່ານ​ການ​ອະ​ນຸ​ມັດ​ຈາກ​ລັດ​ຖະ​ສະ​ພາສ.ເກົາ​ຫຼີ​​ສາ​ກ່ອນ​ຈິ່ງຈະ​ມີ​ຜົນ​ບັງ​ຄັບ​ໃຊ້.

ຕາມ​ຂ່າວ​ຂອງ​ກະ​ຊວງ​ການ​ຕ່າງ​ປະ​ເທດ ສ.ເກົາ​ຫຼີ, ສ.ເກົາ​ຫຼີ​ແລະ​ອາ​ເມ​ຣິ​ກາ​ໄດ້​ບັນ​ລຸ​ຄວາມ​ເຫັນ​ເປັນ​ເອ​ກະ​ພາບ​ກັນ​ໂດຍ​ຜ່ານກອງ​ປະ​ຊຸມ​ທາງ​ການ 10 ​ຄັ້ງ​ແລະ​ການ​ປຶກ​ສາ​ຫາ​ລື​ຢ່າງ​ໃກ້​ຊິດ​ທາງ​ການ​ທູດ​ຫຼາຍ​ຊ່ອງ​ທາງ. ສັນ​ຍາ​ດັ່ງ​ກ່າວ​ມີ​​ຜົນ​ບັງ​ຄັບ​ໃຊ້​ໃນ​ໄລ​ຍະ 1 ປີ, ກ່ອນ​​ເຊັນສັນ​ຍາ​ສະ​ບັບ​ໜ້າ​, ສ.ເກົາ​ຫຼີ​ແລະ​ອາ​ເມ​ຣິ​ກາ​ສາ​ມາດ​ປຶກ​ສາ​ຫາ​ລື​ເພື່ອ​ຕົກ​ລົງ​ວ່າ​ຈະ​ແກ່​ຍາວ​ເວ​ລາ​ຂອງ​ສັນ​ຍາ​ສະ​ບັບ​ນີ້​ຫຼື​ບໍ່.

ສ.ເກົາ​ຫຼີ​ແລະ​ອາ​ເມ​ຣິ​ກາ​ໄດ້​ເຊັນ “ສັນຍາພິ​ເສດ​ໃນ​ການ​ແບ່ງ​ປັນ​ຄ່າ​​ໃຊ້​ຈ່າຍ​ໃນ​ວຽກ​ງານປ້ອງ​ກັນ” ຄັ້ງ​ທຳ​ອິດ​ໃນ​ປີ 1991, ສັນ​ຍາ​ສະ​ບັບ​ທີ 9 ທີ່​ລົງ​ນາມ​ໃນ​ປີ 2014 ໄດ້​ໝົດ​ອາ​ຍຸ​ໃນ​ວັນ​ທີ 31 ທັນ​ວາ​ປີ​ຜ່ານ​ມາ.

ຄຳ​ເຫັນ

0