ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກິດຈະກຳສະຫຼອງບຸນກຸດຈີນຮ່ວມກັບຊາວໂປໂລຍ ທີ່ຈັດຂຶ້ນຢູ່ນະຄອນ ໂວຣສະລາຟ ປີລະຄັ້ງໄດ້ຈັດຂຶ້ນຢູ່ຫໍພິພິດທະພັນແຫ່ງຊາດ ໂວຣສະລາຟ ໃນວັນທີ 9 ກຸມພາຜ່ານມານີ້ ເຊິ່ງກົງກັບມື້ຂຶ້ນ 5 ຄ່ຳເດືອນຈຽງ ຕາມຈັນທະຄະຕິຈີນ, ຊາວເມືອງ ໂວຣສະລາຟ ໄດ້ສຳຜັດກັບວັດທະນະທຳຈີນຢ່າງໃກ້ຊິດ.
ກິດຈະກຳຄັ້ງນີ້ຈັດຂຶ້ນໂດຍສະຖາບັນຂົງຈື້ ມະຫາວິທະຍາໄລ ໂວຣສລາຟ ໂປໂລຍເປັນເຈົ້າພາບ. ທ່ານໂຄສະຊິວິດ ມາລີໂນຟສກີ ຫົວໜ້າຝ່າຍໂປໂລຍຂອງສະຖາບັນຂົງຈື້ໄດ້ເລົ່າເຖິງວັດທະນະທຳກ່ຽວກັບ ສັດປະຈຳປີຫຼືນັກສັດຕະຣະ ກໍຄືຄວາມໝາຍຂອງປີກຸນ(ປີໝູ)ສູ່ຜູ້ຊົມທີ່ຮ່ວມກິດຈະກຳຟັງ. ນອກຈາກການເລົ່າຄວາມຮູ້ວັດທະນະທຳຈີນແລ້ວ,ຍັງຈັດໃຫ້ມີການສອນພາສາຈີນ,ສິລະປະການຂຽນຕົວໜັງສື, ຫັດຖະກຳຂອດຈີນ,ການສານສາຍແຂນແລະຫ້ອງສາທິດການເຮັດໂຄມໄຟ. ຊາວເມືອງທັງຫຼາຍສາມາດສຳຜັດກັບວັດທະນະທຳຈີນດ້ວຍຕົນເອງ. ນອກນີ້, ການສະແດງສິລະປະຊົງຊາ,ວູຊູ້, ເຊີດສິງໂຕ ແລະລາຍການອື່ນໆກໍໄດ້ຮັບຄວາມນິຍົມຊົມຊອບຢ່າງຫຼວງຫຼາຍເຊັ່ນກັນ.
ທ່ານໂຄສຊິວິດ ມາລີໂນຟສະກີ ຢືນຢັນວ່າ ແຕ່ລະປີ, ຊາວໂປໂລຍໄດ້ເຂົ້າຮ່ວມກິດຈະກຳສະຫຼອງບຸນກຸດຈີນນັບມື້ນັບຫຼາຍຂຶ້ນ ເຊິ່ງສະແດງໃຫ້ເຫັນວ່າ ຊາວໂປໂລຍເລີ່ມຮັບຮູ້ແລະນິຍົມຊົມຊອບວັດທະນະທຳຈີນນັບມື້ນັບຫຼາຍຂຶ້ນ.
ຄຳເຫັນ
0