ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສື່ມວນຊົນອິນເດຍລາຍງານໃນວັນທີ 9 ກຸມພານີ້ວ່າ: ເຫດການດື່ມເຫຼົ້າປອມທີ່ເກີດຂຶ້ນຢູ່ລັດອູຕາ ປຣາເດັສ ແລະລັດອູຕາຄານ ຂອງອິນເດຍໃນເມື່ອບໍ່ດົນມານີ້ໄດ້ເຮັດໃຫ້ມີຜູ້ເສຍຊີວິດແລ້ວເກືອບ 90 ຄົນ.
ຂ່າວລາຍງານວ່າ: ຢູ່ເຂດຊາຮາຮານປົວ ຂອງລັດອູຕາ ປຣາເດັສ ມີ 46 ຄົນເສຍຊີວິດຍ້ອນດື່ມເຫຼົ້າປອມ ແລະເຂດຣົວກີ ຂອງລັດອູຕາຄານມີຜູ້ເສຍຊີວິດ 20 ຄົນ. ນອກນີ້, ຢູ່ເຂດອື່ນໆຂອງສອງລັດດັ່ງກ່າວຍັງມີຜູ້ເສຍຊີວິດອີກປະມານ 20 ຄົນ. ແຕ່ວ່າ ຈຳນວນຜູ້ເສຍຊີວິດດັ່ງກ່າວນີ້ຍັງບໍ່ທັນໄດ້ຮັບການຢືນຢັນຈາກພາກສ່ວນທາງການຂອງອິນເດຍເທື່ອ.
ຂ່າວແຈ້ງຕື່ມວ່າ: ຫຼັງເກີດເຫດດື່ມເຫຼົ້າປອມແລ້ວ, ເຈົ້າໜ້າທີ່ອິນເດຍໄດ້ເພີ່ມທະວີການປາບປາມການຜະລິດແລະຈຳໜ່າຍເຫຼົ້າປອມ. ມາຮອດປັດຈຸບັນໄດ້ຈັບຜູ້ຖືກສົງໄສກະທຳຜິດຢ່າງໜ້ອຍ 30 ຄົນ ແລະສາມາດກວດຍຶດເຫຼົ້າປອມໄດ້ຫຼາຍກວ່າ 400 ລິດ, ເຈົ້າໜ້າທີ່ອົງການປົກຄອງແລະເຈົ້າໜ້າທີ່ຕຳຫຼວດທ້ອງຖິ່ນຫຼາຍສິບຄົນຖືກສັ່ງໂຈະໃນການປະຕິບັດໜ້າທີ່ເພື່ອຮັບການສືບສວນແລະສອບສວນ.
ຄຳເຫັນ
0