ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນຍຸກສະໄໝທີ່ຍິ່ງໃຫຍ່, ຕ້ອງການການຊີ້ນຳດ້ວຍແນວຄິດ; ພາລະກິດອັນຍິ່ງໃຫຍ່ຕ້ອງການການນຳພາທີ່ເປັນແກນກາງ. ເລີ່ມແຕ່ມື້ນີ້, ສະຖານີວິທະຍຸໂທລະພາບສູນກາງຈີນຈະເລີ່ມອອກອາກາດລາຍງານເຫດການຕ່າງໆໂດຍເນັ້ນຫົວຂໍ້ “ການນຳພາໃນຍຸກໃໝ່”, ສະແດງໃຫ້ເຫັນມາດຕະການທີ່ຕັ້ງໜ້າຂອງຂະແໜງການຕ່າງໆເພື່ອປະຕິບັດແນວຄິດສຳຄັນຂອງເລຂາທິການໃຫຍ່ສູນກາງພັກກອມມູນິດຈີນໃນກອງປະຊຸມສອງສະພາ, ແລະຜົນງານທີ່ໄດ້ຮັບໃນຂະບວນການປະຕິບັດທັດສະນະຄະໃໝ່ດ້ານພັດທະນາ.
ມື້ນີ້ພວກເຮົາຈະກ້າວເຂົ້າສູ່ນະຄອນຊຽງໄຮ.
ໃນເວລາເຂົ້າຮ່ວມຮັບຟັງການຄົ້ນຄວ້າພິຈາລະນາຂອງຄະນະຜູ້ແທນປະຊາຊົນຊຽງໄຮເມື່ອປີ 2017, ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນກ່າວວ່າ, ຈີນຈະບໍ່ປິດປະຕູທີ່ເປີດປະຕູສູ່ພາຍນອກ, ຈີນຍຶດໝັ້ນການເປີດປະຕູສູ່ພາຍນອກຢ່າງຮອບດ້ານ, ສືບຕໍ່ຊຸກຍູ້ການຄ້າແລະການລົງທຶນໃຫ້ສະດວກກວ່າເກົ່າແລະເປັນແບບເສລີ.
ໃນເດືອນແລ້ວນີ້, ບໍລິສັດ Tesla ໄດ້ສ້າງຕັ້ງໂຮງງານໂຮງຜະລິດລົດເກງຢູ່ເຂດລິນກາງນະຄອນຊຽງໄຮເຊິ່ງເປັນໂຮງງານຜະລິດລົດຍົນແຫ່ງທຳອິດຢູ່ນອກອາເມຣິກາຂອງບໍລິສັດດັ່ງກ່າວ, ໂດຍໄດ້ວາງແຜນຈະຜະລິດລົດຍົນໃຊ້ພະລັງໄຟຟ້າ 5 ແສນຄັນຕໍ່ປີ, ນີ້ແມ່ນໂຄງການການລົງທຶນຂອງຕ່າງປະເທດໃຫຍ່ທີ່ສຸດໃນປະຫວັດສາດຂອງຊຽງໄຮ.
ທ່ານເອລົນ ມັສກ໌ ຜູ້ອຳນວຍການທີໜຶ່ງຂອງບໍລິສັດ Tesla ກ່າວວ່າ: ຖ້າວ່າບໍ່ມີການສະໜັບສະໜູນຂອງອົງການປົກຄອງທ້ອງຖິ່ນ, ໂຄງການຂະໜາດໃຫຍ່ທີ່ສຸດຄືໂຮງງານຜະລິດລົດເກງຈະບໍ່ໄດ້ຮັບຄວາມຄືບໜ້າໄວປານນີ້, ໂຮງງານດັ່ງກ່າວຈະແມ່ນໜຶ່ງໃນໂຮງງານດີທີ່ສຸດໃນໂລກ.
ເດືອນກັນຍາປີ 2013, ເຂດການຄ້າເສລີແຫ່ງທຳອິດຂອງຈີນ--ເຂດການຄ້າເສລີຊຽງໄຮໄດ້ສ້າງຕັ້ງຂຶ້ນ. ເພື່ອປະຕິບັດຕາມແນວຄິດຂອງເລຂາທິການໃຫຍ່, ເຂດການຄ້າເສລີຊຽງໄຮໄດ້ຖືເອົາການປະດິດສ້າງລະບຽບການໃໝ່ເປັນສຳຄັນ, ໃນການປະຕິບັດແຜນການ 5 ປີມານີ້ໄດ້ເຜີຍແຜ່ຜົນງານການປະຕິຮູບ 127 ຂໍ້ຕໍ່ທົ່ວປະເທດ, ໄດ້ສະແດງໃຫ້ເຫັນບົດບາດເປັນ “ເຂດທົດລອງ” ຢ່າງຈະແຈ້ງ. ການເປີດປະຕູສູ່ພາຍນອກໄດ້ກາຍເປັນພາບທີ່ຈະແຈ້ງທີ່ສຸດຂອງຕົວເມືອງແຫ່ງນີ້, ທັງໄດ້ເຮັດໃຫ້ຊຽງໄຮມີກຳລັງແຂ່ງຂັນສາກົນຫຼາຍກວ່າເກົ່າ.
ທ່ານ ອຸນຣິສ ສະບິສຊອບເຟີ, ຜູ້ອຳນວຍການໃຫຍ່ກຸ່ມບໍລິສັດ ABB ກ່າວວ່າ: ພວກເຮົາມີໂອກາດນຳເຂົ້າເຕັກນິກອັດຕະໂນມັດແລະປັນຍາປະດິດ ຫຼື AI ສູ່ນະຄອນຊຽງໄຮ, ເຊິ່ງຈະຊ່ວຍໃຫ້ຊຽງໄຮກາຍເປັນຜູ້ນຳໃນຂະແໜງການອັດຕະໂນມັດຂອງໂລກ.
ປີ 2015, ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນຮຽກຮ້ອງໃຫ້ຊຽງໄຮເລັ່ງລັດການພັດທະນາໃຫ້ກາຍເປັນສູນປະດິດສ້າງໃໝ່ທາງດ້ານວິທະຍາສາດເຕັກນິກທີ່ມີອິດທິພົນຕໍ່ໂລກ, ເພື່ອປະຕິບັດຕາມແນວຄິດຂອງທ່ານສີຈິ້ນຜິງ, ໃນຂະບວນການກໍ່ສ້າງສູນປະດິດສ້າງໃໝ່ທາງດ້ານວິທະຍາສາດເຕັກນິກລະດັບໂລກ, ຊຽງໄຮໄດ້ເພີ່ມທະວີຄວາມສາມາດປະດິດສ້າງໃໝ່ຢ່າງບໍ່ຢຸດຢັ້ງ.
ໃນເວລາເຂົ້າຮ່ວມການຄົ້ນຄວ້າພິຈາລະນາຂອງຄະນະຜູ້ແທນປະຊາຊົນຊຽງໄຮໃນກອງປະຊຸມສອງສະພາ, ທ່ານສີຈິ້ນຜິງໄດ້ເວົ້າເຖິງ “ການປັບປຸງສັງຄົມ”. ໂດຍປິ່ນອ້ອມທິດຊີ້ນຳສຳຄັນດັ່ງກ່າວ, ອົງການປົກຄອງແລະຄະນະພັກນະຄອນຊຽງໄຮໄດ້ວາງແຜນການຕ່າງໆ, ເພື່ອເພີ່ມທະວີການກໍ່ສ້າງພື້ນຖານແລະປັບປຸງສັງຄົມແບບປະດິດສ້າງໃໝ່ຢ່າງມີລະບຽບແບບແຜນ.
ຊາວເມືອງເຂດຊຸມຊົນຮົງສູນະຄອນຊຽງໄຮກ່າວວ່າ: ພວກເຮົາໄດ້ມີອາສາສະໝັກເຂົ້າມາຊ່ວຍເຫຼືອ, ຂ້າພະເຈົ້າຮູ້ສຶກວ່າທຸກຄົນລ້ວນແຕ່ຕັ້ງໃຈປະຕິບັດໜ້າທີ່ໄດ້ດີຫຼາຍ, ບໍ່ພຽງແຕ່ຂ້າພະເຈົ້າຜູ້ດຽວທີີ່ເປັນແບບນີ້ເທົ່ານັ້ນ.
ຢູ່ນະຄອນຊຽງໄຮ, “ແຜນການເຄື່ອນໄຫວສາມປີທີ່ບໍລິຫານຕົວເມືອງຢ່າງລະອຽດ” ພວມໄດ້ຮັບການຈັດຕັ້ງປະຕິບັດຢ່າງເລິກເຊິ່ງ, ວິທີມຸ້ມຄອງດ້ວຍວິທະຍະສາດຫຼາຍກວ່າເກົ່າ, ລະອຽດແລະມີສະຕິປັນຍາກວ່າເກົ່າໄດ້ວາງອອກເທື່ອລະກ້າວ.
ທ່ານໝ໋ຊຸ່ນເລີຍ ຮອງເລຂາທິການໃຫຍ່ອົງການປົກຄອງນະຄອນຊຽງໄຮທັງເປັນປະທານຄະນະກຳມະການພັດທະນາແລະປະຕິຮູບຊຽງໄຮກ່າວວ່າ: ພວກເຮົາຕ້ອງຈຳໄວ້ໃຫ້ດີແນວຄິດສຳຄັນຂອງເລຂາທິການໃຫຍ່, ແລະຫັນເປັນກຳລັງແຮງທີ່ເຂັ້ມແຂວງເພື່ອຊຸກຍູ້ການພັດທະນາ.
ການປະຕິຮູບແລະເປີດປະຕູສູ່ພາຍນອກຄືກັນກັບການອອກເດີນທະເລອີກຄັ້ງໜຶ່ງ.
ຄຳເຫັນ
0