ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານວະລາດີເມຍ ປາດຣີໂນ ໂລເປສ ລັດຖະມົນຕີກະຊວງປ້ອງກັນປະເທດເວເນຊູເອລາ ກ່າວໃນວັນທີ 11 ກຸມພານີ້ຢູ່ນະຄອນຫຼວງຄາຣາກາສ ວ່າ: ບໍ່ວ່າການຂວ້ຳບາດໃນລັກສະນະໃດກໍຕາມກໍບໍ່ອາດຈະເຮັດໃຫ້ເວເນຊູເອລາແຕກສະຫຼາຍໄດ້ ແລະ ກໍບໍ່ອາດຈະເຮັດໃຫ້ເວເນຊູເອລາຍອມ ຈຳນົນໄດ້. ນອກນີ້, ທ່ານຍັງຮຽກຮ້ອງໃຫ້ກອງທັບປະເທດຕົນຈົ່ງກຽມຄວາມພ້ອມໃນການສູ້ຮົບເພື່ອປະເທດຊາດ, ຕໍ່ຕ້ານການຮຸກຮານຂອງຈັກກະພັດນິຍົມແລະພະຍາຍາມຮັກສາສັນຕິພາບ.
ເພື່ອບີບບັງຄັບໃຫ້ທ່ານນີໂຄລາສ ມາດູໂຣ ປະທານາທິບໍດີເວເນຊູເອລາ ອອກຈາກຕຳແໜ່ງ ໃນໄລຍະຜ່ານມາ, ອາເມຣິກາໄດ້ໃຊ້ມາດຕະການຂວ້ຳບາດຕໍ່ເວເນຊູເອລາຮຸນແຮງຂຶ້ນເລື້ອຍໆ ໂດຍຂຶ້ນບັນຊີລາຍຊື່ຂອງບຸກຄົນທີ່ເປັນເປົ້າໝາຍຂວ້ຳບາດລວມມີເຈົ້າໜ້າທີ່ລັດຖະບານ ແລະ ເຈົ້າໜ້າທີ່ທະຫານຂອງເວເນຊູເອລາຫຼາຍຄົນ. ນອກນີ້, ທ່ານໂດໂນ ທຣຳ ປະທານາທິບໍດີອາເມຣິກາຍັງກ່າວເມື່ອບໍ່ດົນມານີ້ວ່າ: ບໍ່ປະຕິເສດທີ່ຈະໃຊ້ມາດຕະການທາງການທະຫານເພື່ອເຂົ້າແຊກແຊງເວເນຊູເອລາ.
ຄຳເຫັນ
0