ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ອົງການລັດຖະບານກຳປູເຈຍໄດ້ເປີດເຜີຍບົດລາຍງານສະບັບໜຶ່ງໃນວັນທີ 11 ກຸມພານີ້ວ່າ ໃນປີຜ່ານມາ, ນັກທ່ອງທ່ຽວຕ່າງປະເທດເຂົ້າໄປທ່ຽວກຳປູເຈຍບັນລຸເຖິງ 6.200.000 ເທື່ອຄົນ ເພີ່ມຂຶ້ນ 11% ເມື່ອທຽບໃສ່ປີ 2017. ໃນນີ້, ນັກທ່ອງທ່ຽວຈີນໄດ້ເພີ່ມຂຶ້ນຢ່າງຫຼວງຫຼາຍ ໂດຍໄດ້ບັນລຸເຖິງ 2 ລ້ານເທື່ອຄົນ ເພີ່ມຂຶ້ນ 70% ເມື່ອທຽບໃສ່ປີ 2017.
ປີ 2019 ເປັນ “ປີວັດທະນະທຳແລະທ່ອງທ່ຽວຈີນ-ກຳປູເຈຍ”. ອີງຕາມແຜນປະຕິບັດງານຂອງສອງຝ່າຍ ພາກສ່ວນວັດທະນະທຳແລະທ່ອງທ່ຽວຂອງສອງປະເທດຈະຈັດກິດຈະກຳແລກປ່ຽນວັດທະນະທຳແລະທ່ອງທ່ຽວຫຼາຍຄັ້ງໃນປີນີ້ ເພື່ອຊຸກຍູ້ການແລກປ່ຽນວັດທະນະທຳ ແລະ ການເຊື່ອມສາຍພົວພັນທາງຈິດໃຈຂອງປະຊາຊົນສອງຊາດ, ສົ່ງເສີມການຍົກລະດັບການຮ່ວມມືລະຫວ່າງຂະແໜງການທ່ອງທ່ຽວຂອງສອງປະເທດ ແລະ ເປີດກວ້າງການໄປມາຫາສູ່ກັນລະຫວ່າງປະຊາຊົນ.
ກຳປູເຈຍໄດ້ກຳນົດເປົ້າໝາຍດຶງດູດນັກທ່ອງທ່ຽວຕ່າງປະເທດໃຫ້ໄດ້ເຖິງ 7 ລ້ານເທື່ອຄົນເມື່ອຮອດປີ 2020 ໃນນີ້ຈະຕ້ອງດຶງດູດນັກທ່ອງທ່ຽວຈີນໃຫ້ໄດ້ເຖິງ 3 ລ້ານເທື່ອຄົນ.
ຄຳເຫັນ
0