ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ພາຍຫຼັງສະຫະພາບເອີຣົບໄດ້ຍົກເລີກການຫຼຸດພາສີຕໍ່ຜະລິດຕະພັນນຳເຂົ້າຈາກກຳປູເຈຍ, ທ່ານຮຸນແຊນ ນາຍົກລັດຖະມົນຕີກຳປູເຈຍໄດ້ເປີດເຜີຍທາງເວັບໄຊລັດຖະບານໃນວັນທີ 12 ກຸມພານີ້ວ່າ: ກຳປູເຈຍບໍ່ຍອມມອບສິດອະທິປະໄຕເພື່ອແລກກັບການຊ່ວຍເຫຼືອ.
ທ່ານກ່າວວ່າ: ກຳປູເຈຍມີສະພາບການເມືອງຢ່າງໝັ້ນທ່ຽງ, ມີສັນຕິພາບ, ໄດ້ຖອນອອກຈາກສະຖານະພາບປະເທດທີ່ມີລາຍຮັບຕ່ຳ ແລະຈະກາຍເປັນປະເທດມີລາຍຮັບປານກາງສູງເມື່ອຮອດປີ 2030, ຈະກາຍເປັນປະເທດທີ່ພັດທະນາແລ້ວເມື່ອຮອດປີ 2050. ກຳປູເຈຍຈະບໍ່ຍອມມອບເອກະລາດ ແລະອະທິປະໄຕແຫ່ງຊາດໃຫ້ໃຜ. ກຳປູເຈຍຈະກາຍເປັນປະເທດເພື່ອນມິດທີ່ດີກັບທຸກປະເທດທີ່ມີຄວາມເຊື່ອໝັ້ນວ່າກຳປູເຈຍຈະພັດທະນາຢ່າງບໍ່ຢຸດຢັ້ງ ແລະບໍ່ເຂົ້າແຊກແຊງການເມືອງພາຍໃນກຳປູເຈຍ.
ວັນທີ 11 ກຸມພານີ້, ສະຫະພາບເອີຣົບໄດ້ປະຕິບັດຂັ້ນຕອນການຍົກເລີກການຫຼຸດພາສີຕໍ່ຜະລິດຕະພັນນຳເຂົ້າຈາກກຳປູເຈຍຢ່າງເປັນທາງການດ້ວຍຂໍ້ອ້າງທີ່ວ່າກຳປູເຈຍບໍ່ມີສິດທິມະນຸດ ແລະສິດທິແຮງງານ.
ຄຳເຫັນ
0