ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຂ່າວສານສູນກາງເກົາຫຼີລາຍງານໃນວັນທີ 14 ກຸມພານີ້ວ່າ ອົງການຈັດຕັ້ງທາງສັງຄົມຂອງ ສປປ ເກົາຫຼີ, ສ.ເກົາຫຼີ ແລະ ຢູ່ຕ່າງປະເທດ ໄດ້ຮ່ວມກັນຈັດກິດຈະກຳຕ່າງໆເພື່ອຕ້ອນຮັບບຸນປີໃໝ່ ແຕ່ວັນທີ 12-13 ກຸມພານີ້ຢູ່ພູກືມກາງ ແຫຼ່ງທ່ອງທ່ຽວ ສປປ ເກົາຫຼີ ໂດຍຜູ້ຕາງໜ້າຂອງບັນດາຝ່າຍໄດ້ຮຽກຮ້ອງໃຫ້ເລັ່ງລັດຈັດຕັ້ງປະຕິບັດຖະແຫຼງການເໜືອໃຕ້ ເພື່ອຊຸກຍູ້ສາຍພົວພັນລະຫວ່າງເໜືອໃຕ້ໃຫ້ສືບຕໍ່ພັດທະນາມີຄວາມຄືບໜ້າ.
ໃນກອງປະຊຸມຜູ້ຕາງໜ້າບັນດາຝ່າຍທີ່ໄດ້ຈັດຂຶ້ນກ່ອນນັ້ນ, ຜູ້ເຂົ້າຮ່ວມກອງປະຊຸມໄດ້ກ່າວເນັ້ນວ່າ: ຕ້ອງຊຸກຍູ້ໃຫ້ທົ່ວຊົນຊາດເລັ່ງລັດຈັດຕັ້ງປະຕິບັດ “ຖະແຫຼງການປານມູນຈອມ” ແລະ “ຖະແຫຼງການຮ່ວມພຽງຢາງກັນຍາ” ຄັ້ງປະຫວັດສາດ ເພື່ອສຸມໃສ່ຊຸກຍູ້ສາຍພົວພັນລະຫວ່າງເໜືອໃຕ້ກໍຄືພາລະກິດທ້ອນໂຮມປະເທດຊາດເຂົ້າເປັນເອກະພາບນັ້ນໃຫ້ມີການປ່ຽນແປງທີ່ເປັນຂີດໝາຍແຫ່ງຍຸກສະໄໝອີກຄັ້ງໃໝ່.
ຂ່າວລາຍງານຕື່ມວ່າ ຫຼັງກອງປະຊຸມດັ່ງກ່າວ ຍັງໄດ້ຈັດກິດຈະກຳຕ່າງໆອີກ ເຊັ່ນ: ກອງປະຊຸມປະທານຄະນະກຳມະການປະສົມຊົນເຜົ່າເພື່ອການລົງມືປະຕິບັດຕົວຈິງຖະແຫຼງການຮ່ວມ 15 ມິຖຸນາ, ການພົບປະປຶກສາຫາລືລະຫວ່າງບັນດາອົງການຈັດຕັ້ງທາງສັງຄົມ ແລະ ງານຊຸມນຸມກ່າວຄຳສາບານຍາມຕາເວັນຂຶ້ນ.
ຄຳເຫັນ
0