ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ພິທີມອບ-ຮັບອຸປະກອນ IT ທີ່ສະຖານທູດຈີນປະຈຳຟິລິບປິນເປັນຜູ້ມອບ ແລະ ສຳນັກຂ່າວສານແຫ່ງຊາດຟິລິບປິນ, ສະຖານີວິທະຍຸແຫ່ງຊາດຟິລິບປິນເປັນຜູ້ຮັບ ໄດ້ຈັດຂຶ້ນໃນຕອນບ່າຍວັນທີ 13 ກຸມພານີ້ຢູ່ນະຄອນຫຼວງມະນີລາ ໂດຍມີທ່ານມາຕິນ ອັນດານາ ຫົວໜ້າໂຄສົກປະຈຳທຳນຽບປະທານາທິບໍດີຟິລິບປິນ, ທ່ານຈ້າວຈ້ຽນຫົວ ເອກອັກຄະລັດຖະທູດຈີນປະຈຳຟິລິບປິນ ພ້ອມດ້ວຍເຈົ້າໜ້າທີ່ຈາກພາກສ່ວນທີ່ກ່ຽວຂ້ອງຮັບອຸປະກອນ ແລະນັກຂ່າວຂອງສອງປະເທດເກືອບ 100 ຄົນເຂົ້າຮ່ວມ.
ທ່ານມາຕິນ ອັນດານາ ໄດ້ຕາງໜ້າສຳນັກຂ່າວສານແຫ່ງຊາດຟິລິບປິນ ແລະ ສະຖານີວິທະຍຸແຫ່ງຊາດຟິລິບປິນ ສະແດງຄວາມຂອບໃຈຕໍ່ສະຖານທູດຈີນທີ່ໄດ້ປະກອບສ່ວນໃນການຍົກລະດັບຄວາມສາມາດດ້ານດີຈີຕອນຂອງສື່ມວນຊົນຟິລິບປິນ ແລະ ການບໍລິຈາກຄັ້ງນີ້ໄດ້ສະແດງໃຫ້ເຫັນເຖິງຄວາມປາຖະໜາຂອງປະຊາຊົນສອງຊາດໃນການລົງເລິກການແລກປ່ຽນການຮ່ວມມືເຊິ່ງກັນແລະກັນ ເຊິ່ງເປັນການຂຽນປະຫວັດສາດໜ້າໃໝ່ແຫ່ງມິດຕະພາບອັນເປັນມູນເຊື້ອລະຫວ່າງສອງປະເທດ.
ຂ່າວລາຍງານຕື່ມວ່າ ອຸປະກອນ IT ທີ່ສະຖານທູດຈີນບໍລິຈາກຄັ້ງນີ້ລວມມີມືຖື, ກ້ອງຖ່າຍຮູບ, ກ້ອງຖ່າຍວີດີໂອແບບພົກພາ, ຄອບພິວເຕີໂນດບຸກ ແລະອື່ນໆ.
ຄຳເຫັນ
0