ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ການຊ້ອມຮົບຮ່ວມ “ງູຈົງອາງຄຳ” ປີ 2019 ລະຫວ່າງໄທ ແລະ ອາເມຣິກາ ໄດ້ຈັດຂຶ້ນຢູ່ແຂວງພິຊະນຸໂລກ ທາງພາກເໜືອປະເທດໄທໃນວັນທີ 12 ກຸມພານີ້ ເຊິ່ງເປັນໜຶ່ງໃນການຊ້ອມຮົບທີ່ມີຂະໜາດໃຫຍ່ທີ່ສຸດໃນພາກພື້ນອາຊີປາຊີຟິກ ໂດຍມີ 29 ປະເທດເຂົ້າຮ່ວມ ແລະ ເຂົ້າສັງເກດການ. ການຊ້ອມຮົບຮ່ວມເທື່ອນີ້ຈະຈັດໄປຈົນຮອດວັນທີ 23 ເດືອນນີ້.
ການຊ້ອມຮົບຮ່ວມເທື່ອນີ້ລວມມີການບັນຊາການສູ້ຮົບ, ການຝຶກຊ້ອມສູ້ຮົບຕົວຈິງ ແລະ ການຊ່ວຍເຫຼືອທາງມະນຸດສະທຳ, ຈຳນວນຜູ້ເຂົ້າຮ່ວມການຊ້ອມຮົບມີຫຼາຍກວ່າໝື່ນຄົນ, ໃນນັ້ນ, ອາເມຣິກາໄດ້ສົ່ງທະຫານ 4.500 ຄົນເຂົ້າຮ່ວມ. ໄທ, ອາເມຣິກາ, ສິງກະໂປ, ຍີ່ປຸ່ນ, ອິນໂດເນເຊຍ, ມາເລເຊຍ ແລະ ສ.ເກົາຫຼີຈະເຂົ້າຮ່ວມລາຍການສຳຄັນຂອງການຊ້ອມຮົບເທື່ອນີ້. ຈີນ ແລະ ອິນເດຍຈະເຂົ້າຮ່ວມການຊ່ວຍເຫຼືອທາງມະນຸດສະທຳ ແລະ ມີອີກຫຼາຍປະເທດເຂົ້າຮ່ວມໃນຖານະຜູ້ສັງເກດການ.
ຄຳເຫັນ
0