ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 14 ກຸມພານີ້, ສະພາຕ່ຳອັງກິດໄດ້ລົງຄະແນນສຽງຢັບຢັ້ງຍັດຕິສະບັບໜຶ່ງທີ່ທ່ານນາງເທເຣຊາ ເມ ນາຍົກລັດຖະມົນຕີອັງກິດສະເໜີໂດຍຮຽກຮ້ອງໃຫ້ລັດຖະສະພາສະໜັບສະໜູນລັດຖະບານອັງກິດເຈລະຈາກັບສະຫະພາບເອີຣົບກ່ຽວກັບການດັດແກ້ສັນຍາວ່າດ້ວຍການຖອນອອກຈາກສະຫະພາບເອີຣົບ.
ໃນເວລາລົງຄະແນນສຽງເມື່ອວັນທີ 14 ກຸມພານີ້, ສະມາຊິກສະພາທີ່ສັງກັດພັກອະນຸລັກນິຍົມ ເຊິ່ງເປັນພັກກຳອຳນາດຈຳນວນໜຶ່ງທີ່ເປັນຝ່າຍສະໜັບສະໜູນການຖອນອອກຈາກສະຫະພາບເອີຣົບນັ້ນບໍ່ອອກສຽງເນື່ອງຈາກເປັນຫ່ວງວ່າ ຍັດຕິດັ່ງກ່າວອາດຈະພາໃຫ້ອັງກິດປະຕິເສດສິ່ງທີ່ອາດເປັນໄປໄດ້ໃນການຖອນອອກຈາກສະຫະພາບເອີຣົບໂດຍບໍ່ມີສັນຍາ ແລ້ວທ່ວງດຶງເວລາຖອນອອກຈາກສະຫະພາບເອີຣົບ. ນັກວິເຄາະເຫັນວ່າ, ການລົງຄະແນນສຽງຂອງສະພາຕ່ຳອັງກິດໃນວັນທີ 14 ກຸມພານີ້ບໍ່ມີຜົນບັງຄັບໃຊ້ໃນທາງກົດໝາຍ, ແຕ່ກໍໄດ້ສະແດງໃຫ້ເຫັນວ່າ ພາຍໃນພັກອະນຸລັກນິຍົມມີຄວາມເຫັນຂັດແຍ້ງກັນຢ່າງໃຫຍ່ຫຼວງໃນບັນຫາການຖອນອອກຈາກສະຫະພາບເອີຣົບ ແລະຍັງຈະເຮັດໃຫ້ລັດຖະບານອັງກິດເສຍຄວາມໜ້າເຊື່ອຖືໃນເວລາເຈລະຈາກັບສະຫະພາບເອີຣົບ.
ຕາມແຜນການໃນປັດຈຸບັນ, ຖ້າວ່າ ອັງກິດແລະສະຫະພາບເອີຣົບບໍ່ສາມາດໄດ້ຮັບຄວາມຄືບໜ້າໃນການດັດແກ້ສັນຍາວ່າດ້ວຍການຖອນອອກຈາກສະຫະພາບເອີຣົບ, ລັດຖະສະພາອັງກິດກໍຈະຈັດການລົງຄະແນນສຽງໃນທ້າຍເດືອນນີ້ເພື່ອຕົກລົງແຜນການໃນບາດກ້າວຕໍ່ໄປ.
ຄຳເຫັນ
0