ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 13 ກຸມພານີ້, ອົງການການບິນພົນລະເຮືອນຈີນໄດ້ເປີດເຜີຍສະພາບການຂົນສົ່ງໂດຍສານຢ່າງປອດໄພໃນເດືອນມັງກອນປີ 2019 ວ່າ: ເດືອນມັງກອນຜ່ານມາ, ທົ່ວຂະແໜງການບິນພົນລະເຮືອນຈີນສາມາດຂົນຜູ້ສົ່ງໂດຍສານໄດ້ 53.413.000 ເທື່ອຄົນ, ເພີ່ມຂຶ້ນ 14,9% ເມື່ອທຽບໃສ່ໄລຍະດຽວກັນຂອງປີ 2018. ໃນນີ້, ຖ້ຽວບິນຕ່າງປະເທດໄດ້ຂົນສົ່ງຜູ້ໂດຍສານໄດ້ຫຼາຍກວ່າ 6 ລ້ານເທື່ອຄົນຕໍ່ເດືອນເປັນຄັ້ງທຳອິດ ຄືບັນລຸເຖິງ 6.075.000 ເທື່ອຄົນ ເພີ່ມຂຶ້ນ 22,9%.
ເມື່ອເບິ່ງຈາກສະພາບການປະຕິບັດໜ້າທີ່ການບິນແລະສະພາບການບິນປົກກະຕິຂອງຖ້ຽວບິນພົນລະເຮືອນ, ເດືອນມັງກອນຜ່ານມາ, ສາມາດຮັບປະກັນການບິນປະເພດຕ່າງໆລວມທັງໝົດ 498.486 ຖ້ຽວ, ສະເລ່ຍແລ້ວ 16.081 ຖ້ຽວຕໍ່ມື້, ເພີ່ມຂຶ້ນ 11,05% ເມື່ອທຽບໃສ່ໄລຍະດຽວກັນຂອງປີຜ່ານມາ. ອັດຕາການບິນປົກກະຕິຂອງຖ້ຽວບິນພົນລະເຮືອນທົ່ວປະເທດບັນລຸ 83,62% ເພີ່ມຂຶ້ນ 1,57% ເມື່ອທຽບໃສ່ໄລຍະດຽວກັນຂອງປີຜ່ານມາ.
ຄຳເຫັນ
0