ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທຳນຽບຂາວອາເມຣິກາໄດ້ອອກຖະແຫຼງການໃນວັນທີ 14 ກຸມພານີ້ວ່າ ປະທານາທິບໍດີ ໂດໂນ ທຣຳ ຈະລົງນາມໃນດຳລັດຈັດສັນງົບປະມານຂອງລັດຖະບານ ແລະ ຈະນຳໃຊ້ເຄື່ອງມືທາງການບໍລິຫານ ລວມທັງປະກາດພາວະສຸກເສີນໃນຂອບເຂດທົ່ວປະເທດ ເພື່ອສະກັດກັ້ນວິກິດການທີ່ເປັນໄພຕໍ່ຄວາມໝັ້ນຄົງແຫ່ງຊາດແລະມະນຸດສະທຳຢູ່ຕາມຊາຍແດນປະເທດຕົນ.
ການນຳໃຊ້ອຳນາດບໍລິຫານເພື່ອປະກາດພາວະສຸກເສີນໃນຂອບເຂດທົ່ວປະເທດ ຈະເຮັດໃຫ້ທ່ານໂດໂນ ທຣຳບໍ່ຜ່ານລັດຖະສະພາ ແລະ ນຳໃຊ້ງົບປະມານສະຫະລັດທີ່ໄດ້ຮັບການອະນຸມັດແລ້ວນັ້ນເພື່ອສ້າງກຳແພງກັ້ນຕາມຊາຍແດນ. ໃນໄລຍະຜ່ານມາ, ທຳນຽບຂາວໄດ້ກ່າວຫຼາຍເທື່ອແລ້ວວ່າຈະນຳໃຊ້ມາດຕະການດັ່ງກ່າວເພື່ອໃຫ້ໄດ້ງົບປະມານສ້າງກຳແພງກັ້ນຕາມຊາຍແດນ.
ເນື່ອງຈາກທຳນຽບຂາວແລະພັກດີໂມເກຣດ ມີຄວາມຂັດແຍ້ງກັນຢ່າງໜັກໜ່ວງໃນບັນຫາການຈັດສັນງົບປະມານເພື່ອສ້າງກຳແພງກັ້ນຕາມຊາຍແດນອາເມຣິກາ-ເມັກຊິກ ແລະ ບໍ່ສາມາດບັນລຸຄວາມເຫັນເປັນເອກະພາບໃນຍັດຕິການຈັດສັນງົບປະມານດັ່ງກ່າວໄດ້ຢ່າງທັນການ ສົ່ງຜົນເຮັດໃຫ້ອົງການລັດຖະບານຈຳນວນໜຶ່ງ ເຊັ່ນ: ກະຊວງຮັກສາຄວາມໝັ້ນຄົງດິນແດນ, ກະຊວງການຕ່າງປະເທດ, ກະຊວງການເງິນ ແລະອື່ນໆຂອງອາເມຣິກາໄດ້ປິດການເຮັດວຽກນັບແຕ່ວັນທີ 22 ທັນວາປີຜ່ານມາ ແລະ ຍືດເຍື້ອມາເປັນເວລາ 35 ວັນ ເຊິ່ງເປັນໄລຍະປິດການເຮັດວຽກຂອງສະຫະລັດອາເມຣິກາຍາວທີ່ສຸດໃນປະຫວັດສາດຂອງປະເທດ.
ຄຳເຫັນ
0