ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 15 ກຸມພານີ້, ທ່ານໂດໂນທຣຳ ປະທານາທິບໍດີອາເມຣິກາໄດ້ລົງນາມໃນປະກາດແຈ້ງການໂດຍປະກາດວ່າ ເຂດຊາຍແດນພາກໃຕ້ອາເມຣິກາໄດ້ຕົກຢູ່ໃນ“ພາວະສຸກເສີນລະດັບຊາດ”. ເຊິ່ງການກະທຳດັ່ງກ່າວຂອງທ່ານໂດໂນທຣຳມີຈຸດປະສົງເພື່ອຫ້າງຫາເງິນທຶນຫຼາຍກວ່າເກົ່າເພື່ອໃຊ້ເຂົ້າໃນການກໍ່ສ້າງກຳແພງກັ້ນຊາຍແດນລະຫວ່າງອາເມຣິກາກັບແມັກຊິກໂດຍບໍ່ຕ້ອງຜ່ານລັດຖະສະພາ ເຊິ່ງຖືກສະມາຊິກພັກປະຊາທິປະໄພໃນລັດຖະສະພາຄັດຄ້ານຢ່າງຮຸນແຮງ.
ປະກາດແຈ້ງການລະບຸວ່າ: ປັດຈຸບັນ ຢູ່ເຂດຊາຍແດນພາກໃຕ້ອາເມຣິກາໄດ້ເກີດວິກິດການດ້ານຄວາມໝັ້ນຄົງຢູ່ຊາຍແດນແລະວິກິດການດ້ານມະນຸດສະທຳ ເຊິ່ງເປັນໄພຂົ່ມຂູ່ຕໍ່ຜົນປະໂຫຍດໃຈກາງດ້ານຄວາມໝັ້ນຄົງແຫ່ງຊາດຂອງອາເມຣິກາ, ສະນັ້ນ ຈິ່ງກາຍເປັນ“ ພາວະສຸກເສີນລະດັບຊາດ”.
ທ່ານທຣຳໄດ້ກ່າວໃນກອງປະຊຸມຖະແຫຼງຂ່າວຂອງທຳນຽບຂາວທີ່ຈັດຂຶ້ນໃນວັນທີ 15 ກຸມພານີ້ວ່າ: ຢາເສບຕິດ, ຜູ້ຄ້າຂາຍມະນຸດກໍຄືຜູ້ກະທຳຜິດກົດໝາຍອື່ນໆກຳລັງຮຸກຮານອາເມຣິກາ, ກຳແພງກັ້ນຊາຍແດນຈະສາມາດສະກັດກັ້ນບັນຫາເຫຼົ່ານີ້ຢ່າງບັງເກີດຜົນ, ການນຳໃຊ້ມາດຕະການດ້ານບໍລິຫານ ແຕ່ບໍ່ແມ່ນມາດຕະການດ້ານນິຕິບັນຍັດນັ້ນແມ່ນເພື່ອເລັ່ງລັດສ້າງກຳແພງໃຫ້ໄວຂຶ້ນກວ່າເກົ່າ.
ຄຳເຫັນ
0