ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
“ກົດລະບຽບຕ່າງໆຂອງກົມການເມືອງສູນກາງພັກກອມມູນິດຈີນກ່ຽວກັບການເພີ່ມທະວີແລະຮັກສາການນຳພາແບບລວມສູນເປັນເອກະພາບຂອງສູນກາງພັກ” ໄດ້ຮຽກຮ້ອງໃຫ້ບັນດາສະຫາຍກຳມະການກົມການເມືອງສູນກາງພັກຕ້ອງລາຍງານຜົນການປະຕິບັດໜ້າທີ່ຂອງຕົນຕໍ່ສູນກາງພັກ ແລະ ຕໍ່ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນໃນທຸກປີ. ໃນໄລຍະຜ່ານມາ, ບັນດາສະຫາຍກຳມະການກົມການເມືອງສູນກາງພັກ ກໍໄດ້ລາຍງານຜົນການປະຕິບັດໜ້າທີ່ຂອງຕົນຕໍ່ສູນກາງພັກ ແລະ ຕໍ່ທ່ານເລຂາທິການໃຫຍ່ສີຈິ້ນຜິງ ຕາມກຳນົດ. ຂະນະທີ່ທ່ານສີຈິ້ນຜິງ ກໍໄດ້ສຳຫຼວດກວດກາບົດລາຍງານຂອງບັນດາສະຫາຍຢ່າງຕັ້ງໜ້າ ແລະ ກ່າວເນັ້ນວ່າ: ກົມການເມືອງສູນກາງພັກຊຸດທີ 19 ຕ້ອງປະຕິບັດໜ້າທີ່ປະຫວັດສາດຂອງຕົນທີ່ພັກແລະປະຊາຊົນມອບໝາຍໃຫ້ນັ້ນໃຫ້ດີ, ຮັກສາຄຸນສົມບັດປະຈຳຕົວທີ່ແທ້ຈິງ ແລະ ຈິດໃຈປະຕິວັດຂອງຊາວກອມມູນິດໂດຍຕະຫຼອດ, ເຮັດວຽກເປັນຕົນເປັນໂຕເພື່ອພັກແລະເພື່ອປະຊາຊົນ; ບັນດາສະຫາຍກຳມະການກົມການເມືອງສູນກາງພັກຕ້ອງບຸກບືນກ້າວໜ້າ, ຜ່ານຜ່າຄວາມຫຍຸ້ງຍາກ, ກ້າແບກຫາບຄວາມຮັບຜິດຊອບ, ກ້າຕໍ່ສູ້, ປອດໃສໄຮ້ມົນທິນ, ດຸໝັ່ນຕໍ່ໜ້າທີ່ວຽກງານຂອງຕົນ ເພື່ອເປັນຕົວຢ່າງແລະເປັນແບບຢ່າງທີ່ດີຕໍ່ທົ່ວພັກ.
ຂະນະທີ່ບັນດາສະຫາຍກຳມະການກົມການເມືອງສູນກາງພັກຕ່າງກໍໄດ້ຂຽນບົດລາຍງານຜົນການປະຕິບັດໜ້າທີ່ໂດຍປິ່ນອ້ອມສະພາບການປະຕິບັດໜ້າທີ່ຂອງຕົນໃນໜຶ່ງປີຜ່ານມາ ແລະ ບົດລາຍງານດັ່ງກ່າວກໍໄດ້ຈັດຕັ້ງປະຕິບັດຢ່າງສຳເລັດຜົນຕາມຄວາມຮຽກຮ້ອງຂອງສູນກາງພັກແລະທ່ານເລຂາທິການໃຫຍ່ສີຈິ້ນຜິງຢ່າງເຂັ້ມງວດ ໂດຍເຊື່ອມໂຍງກັນລະຫວ່າງແນວຄິດ, ໜ້າທີ່ວຽກງານ ແລະ ແບບແຜນວິທີເຮັດວຽກ, ມີການສະຫຼຸບບົດຮຽນແລະຄວາມຮັບຮູ້ຢ່າງເຖິງຖອງ, ມີການກວດກາ-ແກ້ໄຂບັນຫາແລະມີມາດຕະການປັບປຸງ ທັງມີແຜນປະຕິບັດງານແລະຄວາມຄິດເຫັນອີກດ້ວຍ.
ຄຳເຫັນ
0