ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 12 ມີນານີ້, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ, ປະທານປະເທດ, ປະທານຄະນະກຳມະການການທະຫານສູນກາງຈີນໄດ້ເຂົ້າຮ່ວມກອງປະຊຸມຄົບຄະນະຜູ້ແທນການທະຫານແລະຕຳຫຼວດທົ່ວກຳລັງປະອບອາວຸດໃນກອງປະຊຸມສະພາປະຊາຊົນແຫ່ງຊາດຈີນຄັ້ງທີ 2 ສະໄໝທີ 13 ໂດຍກ່າວເນັ້ນວ່າ, ປີນີ້ແມ່ນປີທີ່ສຳຄັນໃນການສ້າງສາສັງຄົມທີ່ອີ່ມໜຳສຳລານຢ່າງຮອບດ້ານໃຫ້ສຳເລັດ ແລະ ບັນລຸເປົ້າໝາຍສູ້ຊົນຮ້ອຍປີເຫດການທີໜຶ່ງຂອງຈີນ, ທັງແມ່ນປີບຸກທະລຸແຫ່ງການສ້າງສາກອງທັບແລະຕຳຫຼວດທົ່ວກຳລັງປະກອບອາວຸດໃຫ້ເຂັ້ມແຂງຕາມແຜນການ 5 ປີຄັ້ງທີ 13 ເພື່ອບັນລຸເປົ້າໝາຍປີ 2020 ແຫ່ງການປ້ອງກັນຊາດແລະສ້າງສາກອງທັບ, ທົ່ວກອງທັບຕ້ອງມີຈຸດຢືນສູງແຫ່ງການບັນລຸຄວາມໃຝ່ຝັນຂອງຈີນ ແລະ ສ້າງກອງທັບໃຫ້ເຂັ້ມແຂງ, ຮັບຮູ້ຄວາມສຳຄັນແລະຄວາມເລັ່ງດ່ວນແຫ່ງການຈັດຕັ້ງປະຕິບັດແຜນການ 5 ປີຄັ້ງທີ 13 ຢ່າງຈະແຈ້ງ, ມີມານະຈິດເຂັ້ມແຂງ, ກ້າຫ້ານຮັບໜ້າທີ່ທີ່ຖືກມອບໝາຍ, ບຸກໜ້າບືນຕົວ, ອອກແຮງຈັດສັນກຳລັງເພື່ອຈັດຕັ້ງປະຕິບັດຕາມແຜນການ 5 ປີຄັ້ງທີ 13 ເພື່ອຮັບປະກັນການເຮັດຫຼ້ອນໜ້າທີ່ຕາມເວລາກຳນົດ.
ທ່ານສີຈິ້ນຜິງກ່າວເນັ້ນວ່າ, ທົ່ວກອງທັບຕ້ອງລົງເລິກເຊື່ອມຊຶມຄວາມຕັດສິນໃຈແລະເນື້ອໃນຈິດໃຈຊີ້ນຳຂອງສູນກາງພັກ, ຈັດຕັ້ງປະຕິບັດເນື້ອໃນຈິດໃຈກອງປະຊຸມວຽກງານການທະຫານຂອງຄະນະກຳມະການການທະຫານສູນກາງ, ຝຶກຝົນຫຼໍ່ຫຼອມກຽມພ້ອມສູ້ຮົບຢ່າງຮອບດ້ານ, ເດັດດ່ຽວປົກປັກຮັກສາອະທິປະໄຕ, ຄວາມໝັ້ນຄົງ, ແລະ ຜົນປະໂຫຍດດ້ານການພັດທະນາຂອງປະເທດຊາດ, ປົກປັກຮັກສາຄວາມໝັ້ນຄົງທາງສັງຄົມ, ກອງທັບຕ້ອງຕັ້ງໜ້າສະໜັບສະໜູນການພັດທະນາເສດຖະກິດສັງຄົມ ແລະ ການສ້າງສາຄວາມສີວິໄລທາງນິເວດຂອງທ້ອງຖິ່ນ, ການຮັບໜ້າທີ່ກູ້ໄພທີ່ອັນຕະລາຍແລະຮີບດ່ວນຕ່າງໆ, ຕ້ອງເຮັດຫຼ້ອນໜ້າທີ່ຊ່ວຍເຫຼືອບ້ານທຸກຍາກແລະປະຊາຊົນຜູ້ທຸກຍາກຕາມການຈັດສັນ.
ຄຳເຫັນ
0