黎明

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
2019年两会专题

ອັງກິດ​ແລະອີ​ຢູບັນລຸ​ຂໍ້​ຕົກລົງ​ກ່ຽວ​ກັບ​ການດັດ​ແກ້​ສັນຍາ​ການ​ຖອນ​ອອກ​ຈາກອີ​ຢູ

2019-03-13 16:31:39 CRI

ທ່ານ​ເດ​ວິດ ລິ​ດິງຕັນ ລັດຖະມົນຕີ​ປະຈຳ​ຫ້ອງວ່າການ​ຄະນະ​ລັດຖະບານອັງກິດ​ກ່າວ​ໃນ​ວັນ​ທີ 11 ມີນາ​ນີ້ວ່າ: ອັງກິດ ​ແລະ ອີ​ຢູ​ໄດ້​ບັນລຸ​ຂໍ້​ຕົກລົງ ​ໂດຍ​ເຫັນ​ດີດັດ​ແກ້​ສັນຍາ​ການ​ຖອນ​ອອກ​ຈາກ​ອີ​ຢູ​ແບບ​ມີຂໍ້​ຜູກ​ພັນ​ທາງ​ດ້ານ​ກົດໝາຍ.

​ ທ່ານ​ລິ​ດິງຕັນ ກ່າວ​ຕໍ່​ສະພາ​ຕ່ຳ​ອັງກິດໃນ​ວັນ​ດັ່ງກ່າວວ່າ: ການ​ດັດ​ແກ້ຫຼ້າສຸດຈະ​ເປັນ​ການ​ເພີ່ມ​ທະວີ​ແລະປັບປຸງ​ສັນຍາ​ການ​ຖອນ​ອອກ​ຈາກ​ອີ​ຢູທີ່​ລັດຖະບານ​ອັງກິດ​ແລະ​ອີ​ຢູ​ໄດ້​ເຊັນ​ກັນ​ກ່ອນ​ໜ້າ​ນີ້. ຂະນະ​ທີ່​ເນື້ອ​ໃນ​ການ​ດັດ​ແກ້​ໄດ້​ກ່ຽວ​ພັນ​ເຖິງ​ບັນຫາ​ຊາຍ​ແດນ​ອຽກລັງ​ທີ່​ອ່ອນ​ໄຫວ ​ໂດຍ​ຈະ​​ໄດ້ປ້ອງ​ກັນບໍ່​ໃຫ້​ຕົກ​ຢູ່​ໃນ​ສະພາບ​ທີ່​ເຂດ​​ອຽກລັງ​ເໜືອ​ຂອງ​ອັງກິດ​ຍັງ​ລວມຕົວ​ຢູ່​ໃນ​ອີ​ຢູ​ໂດຍ​ບໍ່​​ໄດ້​ຈຳກັດ​ເວລາສິ້ນ​ສຸດຂອງ​ໄລຍະ​ຂ້າມ​ຜ່ານ​ການ​ຖອນ​ອອກ​ຈາກ​ອີ​ຢູ.

ສະພາ​ຕ່ຳ​ອັງກິດ​ໄດ້​ກຳນົດ​ຈັດການ​ລົງ​ຄະ​ແນນ​ສຽງ​ຄັ້ງທີ 2 ຕໍ່​ສັນຍາ​ການ​ຖອນ​ອອກ​ຈາກ​ອີ​ຢູ​ໃນ​ວັນ​ທີ 12 ມີນາ​ນີ້ ​ແລະ ຖ້າຍັງ​ບໍ່​ສາມາດ​ຜ່ານ​ການ​ຮັບຮອງ​ໄດ້ ກໍ​ຈະ​ໃຫ້​ສະພາ​ຕ່ຳ​ດຳ​ເນີນ​ການລົງ​ຄະ​ແນນ​ສຽງ​ເພື່ອ​ຕົກລົງ​ວ່າ​ຈະ​ຖອນ​ອອກ​ຈາກ​ອີ​ຢູ​​ແບບ​ບໍ່​ມີ​ສັນຍາຫຼືບໍ່. ຖ້າ​ການ​ຖອນ​ອອກ​ຈາກ​ອີ​ຢູ​ແບບ​ບໍ່​ມີ​ສັນຍາ​ກໍ​ຖືກ​ຢັບຢັ້ງອີກ, ສະມາຊິກ​ລັດຖະສະພາ​ຈະ​ສືບ​ຕໍ່​ລົງ​ຄະ​ແນນ​ສຽງ​ເພື່ອ​ຕົກລົງ​ວ່າ​ຈະ​ເລື່ອນ​ເວລາ​ການ​ຖອນ​ອອກ​ຈາກ​ອີ​ຢູຫຼືບໍ່.

ຫາງ​ສຽງ​ເຫັນ​ວ່າ ອັງກິດ​ແລະ​ອີ​ຢູ​ໄດ້​ບັນລຸ​ຂໍ້​ຕົກລົງ​ກ່ຽວ​ກັບ​ການ​ດັດ​ແກ້​ສັນຍາ ຈະ​​ເຮັດ​ໃຫ້ການ​ລົງ​ຄະ​ແນນ​ສຽງ​ຂອງລັດຖະ​ສະພາສາມາດຜ່ານ​ການ​ຮັບຮອງ​ນັ້ນມີຄວາມ​ອາດ​ເປັນ​ໄປ​ໄດ້ສູງ​ຂຶ້ນ ​ແລະ ຫຼຸດຄວາມ​ສ່ຽງທີ່​ອັງກິດຈະ​ຖອນ​ອອກ​ຈາກ​ອີ​ຢູ​ແບບ​ບໍ່​ມີ​ສັນຍາ.

ຄຳ​ເຫັນ

0