ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງກ່ອນນີ້ບໍ່ດົນ, ທ່ານຕີລິນອົງ ເອກອັກຄະລັດຖະທູດມຽນມາປະຈຳຈີນໄດ້ໃຫ້ສຳພາດຕໍ່ນັກຂ່າວວ່າ, ໃນປີ 2018 ຜ່ານມານີ້, ການຮ່ວມມືລະຫວ່າງມຽນມາ-ຈີນໃນຂອບ “ໜຶ່ງແລວໜຶ່ງເສັ້ນທາງ”ໄດ້ຮັບຄວາມຄືບໜ້າທີ່ດີ. ທ່ານກ່າວເນັ້ນວ່າ: ການຮ່ວມມືມຽນມາ-ຈີນສອດຄ່ອງກັບຜົນປະໂຫຍດຍາວນານຂອງປະຊາຊົນສອງຊາດ. ໄປຄຽງຄູ່ກັບຂໍ້ລິເລີ່ມ“ໜຶ່ງແລວໜຶ່ງເສັ້ນທາງ”ໄດ້ຮັບການຊຸກຍູ້ປະຕິບັດໃນຕົວຈິງ ເຊິ່ງຈະສ້າງຜົນປະໂຫຍດໃຫ້ແກ່ແຫ່ງຕ່າງໆໃນທົ່ວໂລກໂດຍສະເພາະການພັດທະນາເສດຖະກິດຂອງປະເທດພວມພັດທະນາ.
ທ່ານທູດທີລິນອົງໄດ້ຮັບເຊີນໃຫ້ເຂົ້າຟັງການຜ່ານບົດລາຍງານວຽກງານລັດຖະບານຂອງທ່ານຫຼີເຄີ້ສຽງ ນາຍົກລັດຖະມົນຕີຈີນໃນພິທີເປີດກອງປະຊຸມສະພາປະຊາຊົນແຫ່ງຊາດຄັ້ງທີ 2 ສະໄໝທີ 13. ທ່ານກ່າວວ່າ, ບົດລາຍງານລະບຸວ່າ, ປີ 2018 ຜ່ານມາ, ການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ໄດ້ເສີມຂະຫຍາຍບົດບາດນຳພາຢ່າງຕໍ່ເນື່ອງ, ກົນໄກຮ່ວມມືກັບປະເທດລຽບຕາມ“ໜຶ່ງແລວໜຶ່ງເສັ້ນທາງ”ໄດ້ຮັບການປັບປຸງໃຫ້ສົມບູນຂຶ້ນຢ່າງບໍ່ຢຸດຢັ້ງ, ການຮ່ວມມືດ້ານເສດຖະກິດການຄ້າແລະການແລກປ່ຽນດ້ານວັດທະນະທຳໄດ້ຮັບການເລັ່ງລັດຊຸກຍູ້ໃຫ້ກ້າວເດີນໄປໜ້າ. ຕົນເຫັນດີນຳເນື້ອໃນບົດລາຍງານດັ່ງກ່າວນີ້.
ທ່ານທູດທີລິນອົງເນັ້ນວ່າ: ມຽນມາໃຫ້ຄວາມສຳຄັນຢ່າງສູງຕໍ່ການຮ່ວມມືກັບຈີນມາໂດຍຕະຫຼອດ. ການຮ່ວມມືມຽນມາ-ຈີນສອດຄ່ອງກັບ 5 ຫຼັກການຢູ່ຮ່ວມກັນໂດຍສັນຕິ, ສອດຄ່ອງກັບຜົນປະໂຫຍດຍາວນານຂອງປະຊາຊົນສອງຊາດ, ພາຍໃຕ້ການຊຸກຍູ້ຢ່າງເຂັ້ມແຂງແລະເປັນລະບຽບຮຽບຮ້ອຍຂອງສອງຝ່າຍ, ການຮ່ວມມືສອງປະເທດຈະໄດ້ຮັບຜົນສຳເລັດໃຫຍ່ຫຼວງກວ່າເກົ່າຢ່າງແນ່ນອນ.
ຄຳເຫັນ
0