ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຄະນະຜູ້ແທນປະເພນີຄວາມເຊື່ອຖືຕາມເສັ້ນທາງສາຍໄໝທາງທະເລອາຊີຕາເວັນອອກສຽງໃຕ້ທີ່ມີທ່ານຊຸ່ນລູຮວາ ປະທານສູນເຜີຍແຜ່ໂຄສະນາວັດທະນະທຳເທບພະເຈົ້າກວນອູມາເລເຊຍເປັນຫົວໜ້າໄດ້ເດີນທາງໄປຢ້ຽມຢາມວັງທ່ຽນໂຮ້ທີ່ເປັນວັດມາຈູທີ່ເຂດທ່ອງທ່ຽວ 3 ຖະໜົນ 7 ຮ່ອມ ນະຄອນຟູໂຈ່ວແຂວງຟູຈ້ຽນ ສປ ຈີນໃນວັນທີ 13 ມີນານີ້.
ໃນການຢ້ຽມຢາມມື້ດັ່ງກ່າວ, ກ່ອນອື່ນ, ຄະນະຜູ້ແທນໄດ້ໃຕ້ທູບກາບໄຫວ້ຮູບເທບພະເຈົ້າມາຈູທີ່ຕັ້ງບູຊາໃນວັງທ່ຽນໂຮ້, ຕໍ່ມາ, ພະອາຈານ ຢາງສຽວຊຽງ ເຈົ້າອາວາດວັງທ່ຽນໂຮ້ໄດ້ຮ່ວມກັບຄະນະຜູ້ແທນຄືພະອາຈານຈາກມາເລເຊຍ, ສິງກະໂປຈັດພິທີ ສົມໂພດຮູບເທບພະເຈົ້າກວນອູອົງໃໝ່ຂອງວັງດັ່ງກ່າວ.
ທ່ານຊຸ່ນລູຮວາ ກ່າວວ່າ: ວັດທະນະທຳກວນອູໄດ້ຊຶມເຂົ້າເຖິງຈິດໃຈ “ຄວາມຈົງຮັກພັກດີ,ສິນທຳ,ຄວາມມີເມດຕາ, ຄວາມກ້າຫານ”ທີ່ມີຢູ່ໃນວັດທະນະທຳດັ້ງເດີມຂອງຈີນ, ສະມາຄົມຫຼາຍແຫ່ງຢູ່ມາເລເຊຍຕ່າງກໍໄດ້ບູຊາຮູບເທບພະເຈົ້າກວນອູ. ມື້ນີ້, ພວກເຮົາເຕົ້າໂຮມກັນເພື່ອຈັດງານສົມໂພດຮູບເທບພະເຈົ້າກວນອູ ແລະແລກປ່ຽນວັດທະນະທຳປະເພນີຄວາມເຊື່ອຖືຕາມເສັ້ນທາງສາຍໄໝທາງທະເລ.
ຫຼັງພິທີສົມໂພດ, ຄະນະຜູ້ແທນຍັງໄດ້ຢ້ຽມຊົມຫໍວາງສະແດງປະເພນີຄວາມເຊື່ອຖືທີ່ມີຮາກເຫງົ້າດຽວກັນຕາມເສັ້ນທາງສາຍໄໝທາງທະເລທີ່ຕັ້ງຢູ່ໃນວັງທ່ຽນໂຮ້ ເຊິ່ງຫໍວາງສະແດງໄດ້ສະສົມວັດຖຸພັນທີ່ເປັນປະເພນີຄວາມເຊື່ອຖືຂອງປະເທດ,ເຂດແຄວ້ນທີ່ລຽບຕາມເສັ້ນທາງສາຍໄໝທາງທະເລ ທີ່ມີຮາກເຫງົ້າດຽວກັນກັບຈີນເກືອບ 500 ອັນ.
ຄຳເຫັນ
0