蒙龙

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
亚洲文明大会专题_fororder_760x250

ຫ້ອງ​ການ​ຖະ​ແຫຼງ​ຂ່າວ​ລັດ​ຖະ​ບານ​ຈີນ​ໄດ້​ເຜີຍ​ແຜ່ “ບົດ​ບັນ​ທຶກ​ສິດ​ທິ​ມະ​ນຸດ​ອາ​ເມ​ຣິ​ກາ​ປີ 2018” ແລະ “ບົດ​ບັນ​ທຶກ​ເຫດ​ການ​ອາ​ເມ​ຣິ​ກາ​ລະ​ເມີດສິດ​ທິ​ມະ​ນຸດ​ປີ 2018”

2019-03-15 15:12:17 CRI

ວັນ​ທີ 14 ມີ​ນາ​ນີ້, ຫ້ອງ​ການ​ຖະ​ແຫຼງ​ຂ່າວ​ລັດ​ຖະ​ບານ​ຈີນ​ໄດ້​ເຜີຍ​ແຜ່ “ບົດ​ບັນ​ທຶກ​ສິດ​ທິ​ມະ​ນຸດ​ອາ​ເມ​ຣິ​ກາ​ປີ 2018” ແລະ “ບົດ​ບັນ​ທຶກ​ເຫດ​ການ​ອາ​ເມ​ຣິ​ກາ​​ດ​ລະ​ເມີດ​ສິດ​ທິ​ມະ​ນຸດ​ປີ 2018” ເພື່ອ​ເປີດ​ເຜີຍ​ສະ​ພາບ​ການ​ທີ່​ອາ​ເມ​ຣິ​ກາ​​ລະ​ເມີດສິດ​ທິ​ມະ​ນຸດ.

“ບົດ​ບັນ​ທຶກ​ສິດ​ທິ​ມະ​ນຸດ​ອາ​ເມ​ຣິ​ກາ​ປີ 2018”ໄດ້​ແບ່ງ​​ອອກເປັນ​ຄຳ​ນຳ, ສິດ​ທິ​ຂອງ​ພົນ​ລະ​ເມືອງ​ທີ່​ຖືກ​ຢຽບ​ຢ່ຳ​ເລື້ອຍໆ, ການ​ເມືອງ​​ແບບ​ໃຊ້ເງິນ​ຄຳ​ເກີດ​ຂຶ້ນ​ເລື້ອຍໆ, ຄວາມ​ຜິດ​ໂຕນ​ກັນ​ລະ​ຫວ່າງ​ຜູ້​ຮັ່ງ​ມີ​ກັບ​ຜູ້​ທຸກ​ຍາກ​ນັບ​ມື້​ນັບ​ໜັກ​ໜ່ວງ, ການ​ດູ​ໝິ່ນ​ຈຳ​ແນກ​ເຊື້ອ​ຊາດ​ນັບ​ມື້​ນັບ​ຮ້າຍ​ແຮງ, ຄວາມ​ປອດ​ໄພ​ຂອງ​ເດັກ​ນ້ອຍ​​ໜ້າເປັນ​ຫ່ວງ​ທີ່​ສຸດ, ການ​ຈຳ​ແນກທາງ​ເພດ​ເຮັດ​ໃຫ້​ຄົນ​ຕື່ນ​ຕົກ​ໃຈ, ໂສກ​ນາດ​ຕະ​ກຳ​ຂອງ​ຊາວ​ຍ້າຍ​ຖິ່ນ​ຖານ​ເກີດ​ຂຶ້ນ​ເລື້ອຍໆ ແລະ ລັດ​ທິ​ຝ່າຍ​ດຽວ​ບໍ່​ໄດ້​ຮັບ​ການ​ສະ​ໜັບ​ສະ​ໜູນ.

“ບົດ​ບັນ​ທຶກ​ສິດ​ທິ​ມະ​ນຸດ​ອາ​ເມ​ຣິ​ກາ​ປີ 2018” ລະ​ບຸ​ວ່າ, ວັນ​ທີ 13 ມີ​ນາ​ປີ 2019 ຕາມ​ເວ​ລາ​ທ້ອງ​ຖິ່ນ, ກະ​ຊວງ​ການ​ຕ່າງ​ປະ​ເທດ​ອາ​ເມ​ຣິ​ກາ​ໄດ້​ເຜີຍ​ແຜ່ “ບົດ​ລາຍ​ງານ​ສິດ​ທິ​ມະ​ນຸດ​ນາ​ນາ​ຊາດ​ປີ 2018” ໂດຍ​ໄດ້​ສືບ​ຕໍ່ຊີ້​ນິ້ວ​ຊີ້​ມື ແລະ ເວົ້າ​ຂາວ​ເປັນ​ດຳ​ຕໍ່​ສະ​ພາບ​ການ​ສິດ​ທິ​ມະ​ນຸດ​ຂອງ 190 ກວ່າ​ປະ​ເທດ​ໃນ​ໂລກ ແຕ່​ຫາກ​ບໍ່​ໄດ້​ເວົ້າ​ເຖິງ​ບັນ​ຫາ​ສິດ​ທິ​ມະ​ນຸດ​ທີ່​ໜັກ​ໜ່ວງ​ຂອງ​ປະ​ເທດ​ຕົນ​ເອງ.

“ບົດ​ບັນ​ທຶກ​ສິດ​ທິ​ມະ​ນຸດ​ອາ​ເມ​ຣິ​ກາ​ປີ 2018”  ຂຽນ​ວ່າ, ປີ 2018, ອາ​ເມ​ຣິ​ກາ​ໄດ້​ເກີດ​ຄະ​ດີ​ກ່ຽວ​ກັບ​ການ​ໃຊ້​ປືນ 57.103 ຄະ​ດີ ເຊິ່ງ​ເຮັດ​ໃຫ້ມີ​ຜູ້​ເສຍ​ຊີ​ວິດ 14.717 ​ຄົນ, ບາດ​ເຈັບ 28.172 ຄົນ, ໃນ​ນັ້ນ​ມີ​ຜູ້​ບໍ່​ເຕັມ​ກະ​ສຽນ​ອາ​ຍຸ​ເສຍ​ຊີ​ວິດ​ແລະ​ບາດ​ເຈັບ 3.502 ຄົນ. ປີ 2018, ອາ​ເມ​ຣິ​ກາ​ມີ​ຄະ​ດີ​​ເກີດ​ຂຶ້ນ​ໃນ​ໂຮງ​ຮຽນ​ທີ່ກ່ຽວ​ພັນ​ກັບ​ປືນ 94 ຄະ​ດີ ແລະ ເຮັດ​ໃຫ້​ມີ​ຜູ້​ເສຍ​ຊີ​ວິດ​ແລະ​ບ​າດ​ເຈັບ 163 ຄົນ ເຊິ່ງ​ເປັນ​ປີ​ທີ່​ເກີດ​ຄະ​ດີ​ຍິງ​ປືນ​ໃນ​ໂຮງ​ຮຽນຫຼາຍ​ທີ່​ສຸດ ແລະ ມີຜູ້​ເສຍ​ຊີ​ວິດ​ແລະ​ບາດ​ເຈັບຫຼາຍ​ທີ່​ສຸດ​ໃນ​ປະ​ຫວັດ​ສາດ.

ອີງ​ຕາມ “ບົດ​ບັນ​ທຶກ​ສິດ​ທິ​ມະ​ນຸດ​ອາ​ເມ​ຣິ​ກາ​ປີ 2018”, ອາ​ເມ​ຣິ​ກາ​ກາຍ​ເປັນ​ປະ​ເທດ​ຕາ​ເວັນ​ຕົກ​ທີ່​ມີ​ບັນ​ຫາ​ໜັກ​ໜ່ວງ​ທີ່​ສຸດ​ລະ​ຫວ່າງ​ຜູ້​ຮັ່ງ​ມີ​ກັບ​ຜູ້​ທຸກ​ຍາກ; ນະ​ໂຍ​ບາຍ​ກ່ຽວ​ກັບ​ຊາວ​ຍົກ​ຍ້າຍ​ຖິ່ນ​ຖານ​ຂອງ​ອາ​ເມ​ຣິ​ກາ​ເຮັດ​ໃຫ້​ພໍ່​ແມ່​ພີ່​ນ້ອງຫຼາຍ​ຄົນ​ພັດ​ພາກ​ຈາກ​ກັນ; ການ​ຕິດ​ຕາມ​ສອດ​ແນມ​ທາງ​ອິນ​ເຕີ​ເນັດ​ຂອງ​ອາ​ເມ​ຣິ​ກາ​ໄດ້​ເກີດ​ຂຶ້ນ​ເລື້ອຍໆ; ອາ​ເມ​ຣິ​ກາ​ໄດ້​ຖອນອ​ອກ​ຈາກ​ສະ​ພາ​ສິດ​ທິ​ມະ​ນຸດ​ອົງ​ການ​ສະ​ຫະ​ປະ​ຊາ​ຊາດ​ຢ່າງ​ບັງ​ອາດ.

ຄຳ​ເຫັນ

0