ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໂຄສົກອົງການຕຳຫຼວດແຫ່ງຊາດກຳປູເຈຍເປີດເຜີຍໃນວັນທີ 14 ມີນານີ້ວ່າ: ເຈົ້າໜ້າທີ່ຕຳຫຼວດສາມາດກວດຍຶດ “ກຸ້ງຝັງຢາງ” 7520 ກິໂລທີ່ນຳເຂົ້າຈາກຫວຽດນາມຢ່າງຜິດກົດໝາຍ, ປັດຈຸບັນ, ເຈົ້າໜ້າທີ່ຕຳຫຼວດກຳລັງສືບຫາຜູ້ຕ້ອງຫາທີ່ບົງການຢູ່ເບື້ອງຫຼັງ.
ໂຄສົກອົງການຕຳຫຼວດແຫ່ງຊາດກຳປູເຈຍກ່າວວ່າ: ກົມຕ້ານອາຊະຍາກຳເສດຖະກິດຂອງອົງການຕຳຫຼວດແຫ່ງຊາດໄດ້ປະສານສົມທົບກັບກົມພາສີລັດສະກັດລົດບັນທຸກ 3 ຄັນຢູ່ຫຼັກ15 ຕາມທາງຫຼວງເລກ 3 ນະຄອນຫຼວງພະນົມເປັນໃນເວລາ 3 ໂມງ 5 ນາທີຂອງວັນທີ 13 ມີນານີ້ ໂດຍສາມາດກວດຍຶດ “ກຸ້ງຝັງຢາງ” ໄດ້7520 ກິໂລທີ່ນຳເຂົ້າຈາກຫວຽດນາມຢ່າງຜິດກົດໝາຍ, ແລະກັກຂັງຜູ້ຂັບລົດບັນທຸກ 3 ຄົນ. ຕອນບ່າຍມື້ດຽວກັນ, ເຈົ້າໜ້າທີ່ຕຳຫຼວດໄດ້ເຜົາທຳລາຍກຸ້ງທີ່ຍຶດໄດ້ດັ່ງກ່າວແລ້ວ.
ຕາມຂໍ້ມູນສະແດງໃຫ້ເຫັນວ່າ: “ກຸ້ງຝັງຢາງ”ມີສີສົດໃສເກີນໄປ, ຊີ້ນແໜ້ນ, ໂຕກຸ້ງຕຸ້ຍເຕັມ, ປອກເປືອກໄດ້ງ່າຍ, ຢູ່ໃນຫົວກຸ້ງມີທາດຢາງແບບວຸ້ນເຄິ່ງໃສ. ຖ້າວ່າທາດຢາງດັ່ງກ່າວເປັນຢາງທີ່ໃຊ້ສຳລັບການຜະລິດອຸດສາຫະກຳ ກໍອາດຈະມີສານໂລຫະໜັກແລະສານທີ່ພາກໍ່ໃຫ້ເກີດພະຍາດມະເຮັງໄດ້.
ຄຳເຫັນ
0