ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມສອງສະພາຂອງຈີນໃນປີນີ້, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ, ປະທານປະເທດ, ປະທານຄະນະກຳມະການການທະຫານສູນກາງຈີນໄດ້ແລກປ່ຽນຄວາມເຫັນກັບຜູ້ແທນສະພາປະຊາຊົນແຫ່ງຊາດ ແລະ ກຳມະການສະພາປຶກສາການເມືອງປະຊາຊົນແຫ່ງຊາດຫຼາຍເທື່ອ ເພື່ອປຶກສາຫາລືວຽກບ້ານການເມືອງ ໂດຍໄດ້ແລກປ່ຽນຄວາມເຫັນກ່ຽວກັບການສ້າງສາຄວາມສີວິໄລທາງນິເວດ, ການຫຼຸດຜ່ອນຄວາມທຸກຍາກ, ການພັດທະນາຊົນນະບົດໃຫ້ຈະເລີນ, ການປັບປຸງສະພາບແວດລ້ອມການທຸລະກິດໃຫ້ດີຂຶ້ນ ແລະ ບັນຫາຈຸດເດັ່ນອື່ນໆທີ່ຄົນທັງຫຼາຍໃຫ້ຄວາມສົນໃຈ. ຜູ້ແທນແລະກຳມະການທັງຫຼາຍກ່າວວ່າ, ຄຳປາໄສທີ່ມີຊີວິດຊີວິດຂອງທ່ານເລຂາທິການໃຫຍ່ເຮັດໃຫ້ເຂົາເຈົ້າມີຄວາມໝັ້ນໃຈເພີ່ມຂຶ້ນ ແລະ ຈະຈົດຈຳຄຳເວົ້າຂອງທ່ານເລຂາທິການໃຫຍ່ ເພື່ອເຮັດຫຼ້ອນໜ້າທີ່ໃນປີໃໝ່ຢ່າງເອົາຈິງເອົາຈັງ.
ຈີນພວມອອກແຮງຊຸກຍູ້ການສ້າງສາຄວາມສີວິໄລທາງນິເວດ, ເຂດປົກຄອງຕົນເອງມົງໂກໃນເປັນແນວປ້ອງກັນທາງນິເວດທີ່ສຳຄັນຢູ່ທາງພາກເໜືອຂອງຈີນ. ທ່ານສີຈິ້ນຜິງໄດ້ເຂົ້າຮ່ວມການຄົ້ນຄວ້າພິຈາລະນາຂອງຄະນະຜູ້ແທນເຂດມົງໂກໃນໃນສະພາປະຊາຊົນແຫ່ງຊາດຈີນຄັ້ງທີ 2 ສະໄໝທີ 13 ໂດຍທ່ານກ່າວເນັ້ນໜັກວ່າ, ຕ້ອງເພີ່ມພະລັງແຮງໃນການປົກປ້ອງລະບົບນິເວດ ແລະ ເອົາຊະນະບັ້ນຮົບສູ້ຊົນປ້ອງກັນມົນລະພິດ:
ກ່ຽວກັບເລື່ອງນີ້, ທ່ານນາງກຸ່ງມິງຈູ່ ຜູ້ແທນສະພາປະຊາຊົນແຫ່ງຊາດຈີນກ່າວວ່າ:
“ການສ້າງສາຄວາມສີວິໄລທາງນິເວດຂອງພວກເຮົາຍັງບໍ່ມີພື້ນຖານໝັ້ນຄົງພຽງພໍ, ຖ້າພວກເຮົາມີທ່າທີຫຍໍ້ທໍ້ໜ້ອຍໜຶ່ງ, ບັນຫາມົນລະພິດກໍຈະກັບຄືນມາ, ປຽບເໝືອນການພາຍເຮືອທວນນ້ຳໄຫຼ, ຖ້າບໍ່ພາຍເຮືອກໍຈະລ່ອງລອຍລົງໄປ. ສະນັ້ນ, ເວົ້າສຳລັບພວກເຮົາແລ້ວ, ການປ້ອງກັນແລະແກ້ໄຂບັນຫາມົນລະພິດແລະປັບປຸງສະພາບນິເວດບໍ່ມີທາງອື່ນໃດ, ມີແຕ່ອີງໃສ່ຄຳຊີ້ນຳຂອງທ່ານເລຂາທິການໃຫຍ່, ເຮັດວຽກຢ່າງທໍລະຫົດອົດທົນ, ຈິ່ງຈະສາມາດແກ້ໄຂບັນຫານີ້ໄດ້.”
ທ່ານເຊິນສຽວພິງ ກຳມະການສະພາປຶກສາການເມືອງປະຊາຊົນແຫ່ງຊາດຈີນມາຈາກແຂວງເຈີ້ຈ່ຽງ ທາງພາກຕາເວັນອອກຂອງຈີນ. ທ່ານກ່າວວ່າ, ພຶດຕິກຳແຫ່ງການພັດທະນາແຂວງເຈີ້ຈ່ຽງສະແດງໃຫ້ເຫັນວ່າ, ພູຂຽວນ້ຳໃສກໍແມ່ນພູເງິນພູຄຳ, ຕ້ອງຍຶດໝັ້ນເດີນຕາມເສັ້ນທາງສ້າງສາຄວາມສີວິໄລທາງນິເວດຢ່າງໝັ້ນໜຽວບໍ່ປ່ຽນແປງ.
ທ່ານເວີ້ຍໝິງເຕີ ກຳມະການສະພາປຶກສາການເມືອງປະຊາຊົນແຫ່ງຊາດ, ປະທານສະມາຄົມພັດທະນາການທະນາຄານຮົງກົງ ກ່າວວ່າ: ເສດຖະກິດສີຂຽວມີພື້ນທີ່ພັດທະນາຢ່າງໃຫຍ່ຫຼວງ, ສຳລັບຂົງເຂດການທະນາຄານແລ້ວສາມາດສະໜັບສະໜູນການສ້າງຄວາມສີວິໄລທາງລະບົບນິເວດໃຫ້ຫຼາຍຂຶ້ນກວ່າເກົ່າ. ປັດຈຸບັນ, ກອງທຶນ ຫຼື ມູນນິທິຕ່າງໆທີ່ມີຢູ່ໃນໂລກໄດ້ລົງທຶນເຂົ້າໃນຂະແໜງການຕ່າງໆ ສຳລັບທຶນທີ່ລົງທຶນເຂົ້າໃນການພັດທະນາເສດຖະກິດສີຂຽວນັ້ນຍັງບໍ່ເຖິງ 5% ສະນັ້ນ, ເສດຖະກິດສີຂຽວຂອງພວກເຮົາຍັງມີພື້ນທີ່ພັດທະນາຢ່າງໃຫຍ່ຫຼວງ.
ຂະນະທີ່ການລົບລ້າງຄວາມທຸກຍາກໃນຂັ້ນສຸດທ້າຍ ແລະ ການພັດທະນາຊົນນະບົດໃຫ້ຈະເລີນຮຸ່ງເຮືອງ ກໍເປັນວຽກງານທີ່ທ່ານສີຈິ້ນຜິງໃຫ້ຄວາມເອົາໃຈໃສ່ຫຼາຍທີ່ສຸດເຊັ່ນກັນ. ໃນຂະນະທີ່ເຂົ້າຮ່ວມການຄົ້ນຄວ້າພິຈາລະນາຮ່ວມກັບຄະນະຜູ້ແທນຈາກແຂວງເຫີໜານ ໃນກອງປະຊຸມສະພາປະຊາຊົນແຫ່ງຊາດ, ທ່ານສີຈິ້ນຜິງ ເນັ້ນໜັກວ່າ: ການຮັບປະກັນການສະໜອງຜະລິດຕະພັນກະສິກຳທີ່ສຳຄັນ ໂດຍສະເພາະແມ່ນການສະໜອງສະບຽງອາຫານນັ້ນ ແມ່ນໜ້າທີ່ສຳຄັນອັນດັບໜຶ່ງໃນການດຳເນີນຍຸດທະສາດການພັດທະນາຊົນນະບົດໃຫ້ຈະເລີນຮຸ່ງເຮືອງ. ນອກນີ້, ຍັງຕ້ອງຊຸກຍູ້ການປະຕິຮູບໂຄງປະກອບການສະໜອງດ້ານກະສິກຳ ພ້ອມກັນນັ້ນ, ຕ້ອງຊຸກຍູ້ການເຄື່ອນຍ້າຍແລະການແລກປ່ຽນຢ່າງສະເໝີພາບລະຫວ່າງຕົວເມືອງແລະຊົນນະບົດໃນປັດໄຈຕ່າງໆ ເຊັ່ນ: ຜູ້ມີຄວາມຮູ້ຄວາມສາມາດ, ທີ່ດິນ, ທຶນຮອນ ແລະອື່ນໆອີກດ້ວຍ.
ທ່ານຫຼູີສຽວໝິງ ກຳມະການສະພາປຶກສາການເມືອງປະຊາຊົນແຫ່ງຊາດ, ຮອງຫົວໜ້າສະຖາບັນນິຕິສາດ ມະຫາວິທະຍາໄລການເງິນ-ເສດຖະກິດກວາງຕຸ້ງ ກ່າວວ່າ: ຄຳເຫັນຂອງທ່ານປະທານສີຈິ້ນຜິງທີ່ກ່າວມາຂ້າງເທິງນັ້ນໄດ້ເປັນການຊີ້ທິດເຍືອງທາງໃຫ້ແກ່ການສ້າງສາຄວາມຈະເລີນຮຸ່ງເຮືອງຂອງຊົນນະບົດຢ່າງແທ້ຈິງ, ເຊື່ອວ່າພວກເຮົາຈະສາມາດບັນລຸເປົ້າໝາຍການສ້າງສາຄວາມຈະເລີນຮຸ່ງເຮືອງຂອງຊົນນະບົດໄດ້ຢ່າງແນ່ນອນຈາກການຊີ້ນຳຂອງທ່ານເລຂາທິການໃຫຍ່.
ຈີນມີເປົ້າໝາຍລົບລ້າງຄວາມທຸກຍາກໃຫ້ໝົດຕາມມາດຕະຖານໃນປັດຈຸບັນເມື່ອຮອດປີ 2020. ໃນຂະນະທີ່ທ່ານສີຈິ້ນຜິງເຂົ້າຮ່ວມການຄົ້ນຄວ້າພິຈາລະນາຮ່ວມກັບຄະນະຜູ້ແທນຈາກແຂວງກ່ານຊູ້ ທ່ານຊີ້ວ່າ: ນັບແຕ່ນີ້ເປັນຕົ້ນໄປຈົນເຖິງເວລາກຳນົດທີ່ໃຫ້ບັນລຸເປົ້າໝາຍການລົບລ້າງຄວາມທຸກຍາກໃນຂັ້ນສຸດທ້າຍຍັງເຫຼືອພຽງແຕ່ 2 ປີເທົ່ານັ້ນ, ຕ້ອງພະຍາຍາມເຮັດວຽກໃຫ້ດີຢ່າງບໍ່ລົດລະ. ການລົບລ້າງຄວາມທຸກຍາກຂັ້ນສຸດທ້າຍໄດ້ດຳເນີນມາເຖິງໄລຍະທີ່ສຳຄັນທີ່ສຸດແລ້ວ ແລະ ໄລຍະນີ້ຍິ່ງຈະຕ້ອງມີຄວາມໝັ້ນໃຈຕໍ່ການບັນລຸເປົ້າໝາຍດັ່ງກ່າວ, ຍິ່ງຈະຕ້ອງມີຄວາມຕັດສິນໃຈໃນການເຮັດວຽກ ແລະ ຮັບປະກັນໃຫ້ບັນລຸເປົ້າໝາຍໄດ້ຕາມກຳນົດເວລາ.
ທ່ານໂຮຮວ້າເມີຍ ສະມາຊິກສະພາປະຊາຊົນແຫ່ງຊາດຈີນມີຄວາມຮູ້ສຶກທີ່ເລິກເຊິ່ງໃນວຽກງານດ້ານນີ້, ນະຄອນຮານຕ່ານ ແຂວງເຮີເປີຍ ທີ່ທ່ານນາງດຳລົງຊີວິດຢູ່ນັ້ນ, ໃນຊຸມປີມໍ່ໆມານີ້ມີຫຼາຍເມືອງໄດ້ຫຼຸດພົ້ນອອກຈາກຄວາມທຸກຍາກແລ້ວ. ແຕ່ວ່າຕາມຄວາມເຫັນຂອງນາງ ນີ້ເປັນພຽງການເລີ່ມຕົ້ນເທົ່ານັ້ນ, ນາງກ່າວວ່າ:
“ການຫຼຸດພົ້ນອອກຈາກຄວາມທຸກຍາກພຽງແຕ່ວ່າເປັນການສຳເລັດໜ້າທີ່ຕາມຂັ້ນຕອນຕາມເປົ້າໝາຍລົບລ້າງຄວາມທຸກຍາກໃນປັດຈຸບັນເທົ່ານັ້ນ, ແຕ່ຫຼັງຈາກຫຼຸດພົ້ນອອກຈາກຄວາມທຸກຍາກແລ້ວ, ຄວນເຮັດແນວໃດເພື່ອປ້ອງກັນບໍ່ໃຫ້ກັບຄືນໄປສູ່ສະພາບຄວາມທຸກຍາກອີກນັ້ນຍັງເປັນວຽກງານທີ່ລຳບາກແລະໜັກໜ່ວງຫຼາຍສົມຄວນ. ສະນັ້ນຈິ່ງເວົ້າໄດ້ວ່າ ຍັງມີໜ້າທີ່ອັນໜັກໜ່ວງແລະຍັງຕ້ອງເດີນທາງຍາວໄກເພື່ອສູ້ຊົນຜ່ານຜ່າລົບລ້າງຄວາມທຸກຍາກ. ຕ້ອງປະຕິບັດຕາມຄຳຊີ້ນຳຂອງທ່ານເລຂາທິການໃຫຍ່ສີຈິ້ນຜິງທີ່ໃຫ້ສືບຕໍ່ສຳເລັດການແກ້ໄຂບັນຫາລົບລ້າງຄວາມທຸກຍາກຂອງປະຊາຊົນຜູ້ທຸກຍາກທີ່ຍັງເຫຼືອຢ່າງເຖິງຖອງ, ຕ້ອງປະຕິບັດຕົວຈິງໃຫ້ສຳເລັດເປົ້າໝາຍການຫຼຸດພົ້ນອອກຈາກຄວາມທຸກຍາກແລ້ວຍັງຕ້ອງສືບຕໍ່ປະຕິບັດໜ້າທີ່ຮັບຜິດຊອບ, ນະໂຍບາຍ,ການຊ່ວຍເຫຼືອແລະຕິດຕາມຄຸ້ມຄອງວຽກງານລົບລ້າງຄວາມທຸກຍາກ, ຕ້ອງພະຍາຍາມສູ້ຊົນຜ່ານຜ່າເພື່ອເອົາໄຊຊະນະບັ້ນຮົບລົບລ້າງຄວາມທຸກຍາກຢ່າງຮອບດ້ານຕາມກຳນົດເວລາ.”
ການທີ່ເຮັດແນວໃດເພື່ອຊຸກຍູ້ໃຫ້ເສດຖະກິດພາກເອກະຊົນພັດທະນາຢ່າງມີຄຸນນະພາບສູງກໍແມ່ນຫົວຂໍ້ທີ່ໄດ້ຮັບຄວາມສົນໃຈຫຼາຍໃນກອງປະຊຸມສອງສະພາຄັ້ງນີ້. ໃນເວລາເຂົ້າຮ່ວມການຄົ້ນຄວ້າພິຈາລະນາບົດລາຍງານວຽກງານລັດຖະບານຂອງຄະນະຜູ້ແທນແຂວງຟູຈ້ຽນ, ທ່ານສີຈິ້ນຜິງເນັ້ນວ່າ ຕ້ອງຈັດຕັ້ງປະຕິບັດນະໂຍບາຍແລະມາດຕະການຕ່າງໆໃນການຊຸກຍູ້ສົ່ງເສີມແລະສະໜັບສະໜູນການພັດທະນາເສດຖະກິດພາກເອກະຊົນ, ສ້າງສະພາບແວດລ້ອມການພັດທະນາທີ່ຍຸຕິທຳ,ໂປ່ງໃສແລະປະຕິບັດຕາມກົດໝາຍໃຫ້ແກ່ ກຳມະສິດວິສາຫະກິດທຸກປະເພດ, ສ້າງບັນຍາກາດທີ່ດີແລະເປັນປະໂຫຍດຕໍ່ການເຕີບໂຕຢ່າງປອດໃສຂອງນັກທຸລະກິດ, ຊ່ວຍວິສາຫະກິດເອກະຊົນບັນລຸການພັດທະນາດ້ວຍການປະດິດສ້າງ.
ທ່ານສີຈິ້ນຜິງເນັ້ນວ່າ: ການພັດທະນາເສດຖະກິດຮູບປະທຳຕ້ອງເຮັດທຸລະກິດຕົ້ນຕໍອັນໜຶ່ງຢ່າງຕິດແທດຕົວຈິງແລະສຸມຈິດສຸມໃສ່, ນີ້ແມ່ນໜ້າທີ່ຂອງນັກທຸລະກິດ. ທ່ານຊືເຫຼີຍ ສະມາຊິກສະພາປຶກສາການເມືອງປະຊາຊົນແຫ່ງຊາດ, ປະທານກຸ່ມບໍລິສັດໂຕເມີງເຕີເຂດປົກຄອງຕົນເອງມົງໂກໃນກ່າວວ່າ ຄຳຊີ້ນຳຂອງທ່ານສີຈິ້ນຜິງໄດ້ເຮັດໃຫ້ຕົນມີຄວາມໝັ້ນໃຈຢ່າງເຕັມສ່ວນຂຶ້ນຕື່ມອີກໃນການເຮັດທຸລະກິດຮູບປະທຳ. ພວກເຮົາຕ້ອງສຸມໃສ່ທຸລະກິດຕົ້ນຕໍ, ກັບຄືນສູ່ການພັດທະນາເສດຖະກິດຮູບປະທຳ, ສຸມໃສ່ອຸດສາຫະກຳຕົວຈິງ ແລ້ວປະດິດສ້າງໃໝ່ຢ່າງບໍ່ຢຸດຢັ້ງ, ເຮັດແນວນີ້ກໍຈະສາມາດພັດທະນາທຸລະກິດໄດ້ດີຂຶ້ນແນ່ນອນ, ຂ້າພະເຈົ້າມີຄວາມໝັ້ນໃຈຕໍ່ເລື່ອງນີ້!
ຄຳເຫັນ
0