ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 14 ມີນານີ້, ທ່ານໄມ ພົມເພວ ລັດຖະມົນຕີກະຊວງການຕ່າງປະເທດອາເມຣິກາກ່າວວ່າ: ພະນັກງານທັງໝົດຂອງສະຖານທູດອາເມຣິກາປະຈຳເວເນຊູເອລາໄດ້ຖອນອອກໝົດແລ້ວໃນມື້ດຽວກັນ.
ທ່ານໄດ້ອອກຖະແຫຼງການວ່າ: ພະນັກງານເຫຼົ່ານີ້ໄດ້ຖອນອອກຈາກເວເນຊູເອລາເປັນການຊົ່ວຄາວ, ເຂົາເຈົ້າຈະສືບຕໍ່ໃຫ້ການຊ່ວຍເຫຼືອດ້ານມະນຸດສະທຳຕໍ່ປະຊາຊົນເວເນຊູເອລາ.
ວັນທີ 23 ມັງກອນນີ້, ທ່ານຈວນ ກວາຍໂດ ປະທານສະພາເວເນຊູເອລາ, ຜູ້ນຳຝ່າຍຕໍ່ຕ້ານລັດຖະບາຍເວເນຊູເອລາໄດ້ປະກາດເອົາເອງເພື່ອດຳລົງຕຳແໜ່ງເປັນ “ປະທານາທິບໍດີຊົ່ວຄາວຂອງເວເນຊູເອລາ” ເຊິ່ງເປັນທີ່ຍອມຣັບຂອງລັດຖະບານອາເມຣິກາ. ລັດຖະບານເວເນຊູເອລາໄດ້ປະກາດຕັດສາຍພົວພັນທາງການທູດກັບອາເມຣິກາໃນມື້ດຽວກັນ. ຫຼັງຈາກນັ້ນ, ອາເມຣິກາໄດ້ສັ່ງໃຫ້ພະນັກງານບໍ່ຮັບຜິດຊອບວຽກງານດ່ວນຂອງສະຖານທູດອາເມຣິກາປະຈຳເວເນຣູເອລາ ພ້ອມດ້ວຍຄອບຄົວຖອນອອກຈາກປະເທດນີ້. ວັນທີ 12 ມີນານີ້, ລັດຖະບານເວເນຊູເອລາໄດ້ອອກຖະແຫຼງການວ່າ: ເວເນຊູເອລາຕັດສິນໃຈບໍ່ເລື່ອນເວລາຕົກຄ້າງໃຫ້ພະນັກງານອາເມຣິກາສ່ວນທີ່ເຫຼືອຢູ່ໃນເວເນຊູເອລາ, ພະນັກງານເຫຼົ່ານີ້ຕ້ອງຖອນອອກຈາກປະເທດຕົນພາຍໃນ 72 ຊົ່ວໂມງນັບແຕ່ 0 ໂມງມື້ດຽວກັນ.
ຄຳເຫັນ
0