ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 21 ມີນານີ້, ທ່ານຫວງຄຸ່ນໝິງ ກຳມະການກົມການເມືອງສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກກອມມູນິດຈີນ ໄດ້ເຂົ້າຮ່ວມກອງປະຊຸມເປີດກວ້າງສະພາມົນຕີອົງການຄັງປັນຍາລະດັບສູງແຫ່ງຊາດ ແລະ ກ່າວປາໄສ ໂດຍເນັ້ນໜັກໃຫ້ຍຶດຖືເອົາແນວຄິດສີຈິ້ນຜິງກ່ຽວກັບສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ເປັນທິດຊີ້ນຳ, ກຳແໜ້ນທິດທາງໃຫ້ຖືກຕ້ອງ, ຍຶດໝັ້ນຈິດໃຈຮັກຊາດ, ຍຶດໝັ້ນການສະແຫວງຫາສັດຈະທຳຈາກຄວາມເປັນຈິງ, ສຸມໃສ່ລົງເລິກການຄົ້ນຄວ້າບັນຫາສຳຄັນ, ຍົກລະດັບໃນການປະກອບຄຳຄິດຄຳເຫັນດ້ານການບໍລິຫານປະເທດໃຫ້ສູງຂຶ້ນ ແລະ ພະຍາຍາມສ້າງອົງການຄັງປັນຍາລະດັບສູງທີ່ສອດຄ່ອງກັບຄວາມຮຽກຮ້ອງຕ້ອງການໃນຍຸກໃໝ່ຈຳນວນໜຶ່ງ ເພື່ອເສີມຂະຫຍາຍບົດບາດອັນໃຫຍ່ຫຼວງກວ່າເກົ່າໃນການພັດທະນາພາລະກິດຂອງພັກແລະລັດ.
ທ່ານຫວງຄຸ່ນໝິງ ກ່າວຕື່ມວ່າ: ນັບແຕ່ການທົດລອງສ້າງຕັ້ງອົງການຄັງປັນຍາລະດັບສູງໃນຮອບ 3 ປີຜ່ານມາ ໄດ້ຮັບຄວາມຄືບໜ້າແລະມີປະສິດທິຜົນອັນສຳຄັນ ແລະ ໄດ້ເສີມຂະຫຍາຍບົດບາດທີ່ສຳຄັນໃນການຮັບໃຊ້ວຽກງານລວມຂອງພັກແລະລັດ, ຊຸກຍູ້ການປັບປຸງລະບຽບການທາບທາມກ່ອນຈະຕັດສິນນະໂຍບາຍ, ນຳພາການສ້າງອົງການຄັງປັນຍາແບບໃໝ່, ເຕົ້າໂຮມກຳລັງຄົ້ນຄວ້າດ້ານວິທະຍາສາດໃນສັງຄົມ ແລະອື່ນໆ ທັງໄດ້ປະກອບສ່ວນອັນສຳຄັນເພື່ອການພັດທະນາພາລະກິດຂອງພັກແລະລັດ. ຄວນຍົກລະດັບຄວາມຮັບຮູ້ທາງດ້ານແນວຄິດ, ກຳແໜ້ນກົດເກນການເຮັດວຽກ, ຍຶດໝັ້ນສີສັນພິເສດຂອງຈີນ, ເນັ້ນໜັກຄວາມຮຽກຮ້ອງຕ້ອງການແບບໃໝ່ຢ່າງພົ້ນເດັ່ນ, ຊຸກຍູ້ການສ້າງອົງການຄັງປັນຍາລະດັບສູງໃຫ້ດຳເນີນຢ່າງໝັ້ນທ່ຽງແລະມີຄວາມຄືບໜ້າຂຶ້ນເລື້ອຍໆ.
ຄຳເຫັນ
0