ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເວທີປຶກສາຫາລືການຮ່ວມມືເສດຖະກິດດີຈີຕອນຈີນ-ໄທໄດ້ຈັດຂຶ້ນຢູ່ນະຄອນຄຸນມິງແຂວງຢຸນນານໃນວັນທີ 21 ມີນານີ້, ຜູ້ຕາງໜ້າຂອງສອງປະເທດໄດ້ດຳເນີນການປຶກສາຫາລືກ່ຽວກັບການຮ່ວມມືເສດຖະກິດດີຈີຕອນ,ແລະໄດ້ເຊັນສັນຍາຮ່ວມມືຫຼາຍສະບັບ.
ທ່ານ ເສີນຈ້າວໂສງ ຮອງລັດຖະມົນຕີກະຊວງອຸດສາຫະກຳແລະເຕັກໂນໂລຊີຂໍ້ມູນຂ່າວສານຈີນໄດ້ແຈ້ງສະພາບກອງປະຊຸມຄັ້ງທຳອິດໃນເວທີປຶກສາຫາລືຄັ້ງນີ້ໂດຍກ່າວວ່າ: ຈີນແລະໄທໄດ້ບັນລຸຄວາມເປັນເອກະພາບກັນໃນເບື້ອງຕົ້ນ,ສອງຝ່າຍເຫັນດີຊຸກຍູ້ການແລກປ່ຽນແລະການຮ່ວມມືໃນຂົງເຂດບໍລິຫານດ້ານດີຈີຕອນຕື່ມອີກ;ສ້າງໂຄງການໂຕແບບຂອງການຮ່ວມມືເສດຖະກິດດີຈີຕອນຈີນ-ໄທ;ສະໜັບສະໜູນວິສາຫະກິດຂອງສອງປະເທດຫາລືກ່ຽວກັບການຫຼຸດຄ່າໂທທາງໄກແລະຄ່າໃຊ້ອິນເຕີເນັດລະຫວ່າງສອງປະເທດຕື່ມອີກ;ຊຸກຍູ້ການຮ່ວມມືດ້ານອຸດສາຫະກຳ 5G;ເພີ່ມທະວີການແລກປ່ຽນແລະການຮ່ວມມືໃນການນຳໃຊ້ເຕັກນິກຄວາມປອດໄພທາງອິນເຕີເນັດລະຫວ່າງວິສາຫະກິດຂອງສອງປະເທດເປັນຢ່າງດີ,ຮ່ວມກັນຊຸກຍູ້ການສ້າງກົນໄກແລກປ່ຽນການຝຶກຄວາມປອດໄພທາງອິນເຕີເນັດລະຫວ່າງຈີນ-ອາຊຽນ;ດຳເນີນການແລກປ່ຽນແລະອົບຮົມວິຊາການກ່ຽວກັບຫົວຂໍ້ຕ່າງໆເຊັ່ນ:ການສ້າງຕົວເມືອງອັດສະລິຍະແລະຫົວຂໍ້ອື່ນໆ.
ຄຳເຫັນ
0