ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານສີຈິ້ນຜິງ ປະທານປະເທດຈີນໄດ້ສົ່ງສານສະແດງຄວາມເຫັນໃຈເຖິງທ່ານໂຈໂຄ ວິໂດໂດ ປະທານາທິບໍດີອິນໂດເນເຊຍ ເພື່ອສະແດງຄວາມເຫັນໃຈກ່ຽວກັບໄພພິບັດນ້ຳຖ້ວມຢູ່ແຂວງປາປູອາ.
ທ່ານສີຈິ້ນຜິງກ່າວວ່າ: ເມື່ອບໍ່ດົນມານີ້, ແຂວງປາປູອາປະເທດອິນໂດເນເຊຍໄດ້ເກີດໄພນ້ຳຖ້ວມ ເຊິ່ງໄດ້ເຮັດໃຫ້ມີຜູ້ເສຍຊີວິດ, ບາດເຈັບ ແລະໄດ້ຮັບຄວາມເສຍຫາຍທາງດ້ານຊັບສິນຢ່າງຫຼວງຫຼາຍ. ຂ້າພະເຈົ້າຂໍຕ້າງໜ້າລັດຖະບານ, ປະຊາຊົນຈີນ ແລະໃນນາມສ່ວນຕົວສະແດງຄວາມໄວ້ອາໄລຕໍ່ຜູ້ເສຍຊີວິດໃນໄພນ້ຳຖ້ວມ ແລະສະແດງຄວາມເຫັນໃຈຕໍ່ຄອບຄົວຂອງຜູ້ເສຍຊີວິດ ແລະຜູ້ຫາຍສາບສູນຢ່າງສຸດຊຶ້ງ.
ປະຊາຊົນຈີນຮູ້ສຶກເສົ້າເສຍໃຈຕໍ່ປະຊາຊົນອິນໂດເນເຊຍທີ່ປະສົບກັບໄພນ້ຳຖ້ວມ. ຈີນເຊື່ອໝັ້ນວ່າ: ພາຍໃຕ້ການນຳພາທີ່ເຂັ້ມແຂງຂອງທ່ານໂຈໂຄ ວິໂດໂດ ປະທານາທິບໍດີອິນໂດເນເຊຍ ແລະລັດຖະບານອິນໂດເນເຊຍ, ປະຊາຊົນອິນໂດເນເຊຍຈະສາມາດຜ່ານຜ່າການປະສົບໄພຄັ້ງນີ້ ແລະຈະສາມາດສ້າງສາຄືນໃໝ່ໄດ້ຢ່າງແນ່ນອນ.
ຄຳເຫັນ
0