ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 22 ມີນານີ້, ພິທີລົງມືກໍ່ສ້າງທາງດ່ວນຈາກນະຄອນຫຼວງພະນົມເປັນຫາທ່າກຳປັ່ນສີຫະນຸວິນທີ່ລົງທຶນໂດຍບໍລິສັດຈີນໄດ້ຈັດຂຶ້ນຢູ່ແຂວງກຳປົງສະເປວກຳປູເຈຍ. ນີ້ແມ່ນທາງດ່ວນເສັ້ນທຳອິດຂອງກຳປູເຈຍ. ທ່ານຮຸນເຊັນ ນາຍົກລັດຖະມົນຕີກຳປູເຈຍ, ທ່ານຂົ້ງຊຽນໂຢ້ ຮອງລັດຖະມົນຕີກະຊວງການຕ່າງປະເທດຈີນໄດ້ເຂົ້າຮ່ວມພິທີດັ່ງກ່າວ.
ໃນເວລາກ່າວປາໄສ, ທ່ານຮຸນເຊັນໄດ້ສະແດງຄວາມຊົມເຊີຍຕໍ່ການລົງມືກໍ່ສ້າງທາງດ່ວນເສັ້ນທຳອິດໃນປະຫວັດສາດກຳປູເຈຍ ແລະສະແດງຄວາມຂອບອົກຂອບໃຈຕໍ່ລັດຖະບານຈີນກໍຄືປະຊາຊົນຈີນ ທີ່ໄດ້ໃຫ້ການສະໜັບສະໜູນແລະຊຸກຍູ້ການພັດທະນາພາລະກິດຕ່າງໆຂອງກຳປູເຈຍໃນໄລຍະດົນນານມານີ້. ທ່ານກ່າວຕື່ມວ່າ, ທາງດ່ວນພະນົ້ມເປັນ-ທ່າກຳປັ່ນສີຫະນຸວິນແມ່ນຜົນສຳເລັດຂອງການໄປມາຫາສູ່ກັນຢ່າງມີໄມຕີຈິດມິດຕະພາບ ແລະການຮ່ວມມືຢ່າງໃກ້ຊິດລະຫວ່າງກຳປູເຈຍແລະຈີນ.
ທ່ານຂົ້ງຊຽນໂຢ້ກ່າວປາໄສວ່າ: ຈີນເອົາໃຈໃສ່ໃນລະດັບສູງຕໍ່ການຂະຫຍາຍການພົວພັນກັບກຳປູເຈຍ ແລະຍິນດີຮ່ວມກັບກຳປູເຈຍ, ລົງເລິກຄວາມໄວ້ເນື້ອຍເຊື່ອໃຈທາງການເມືອງ, ເພີ່ມທະວີການຮ່ວມມືແບບຕ່າງຝ່າຍຕ່າງມີຜົນປະໂຫຍດ ເພື່ອບັນລຸການພັດທະນາຮ່ວມກັນ. ທ່ານກ່າວຕື່ມວ່າ, ທາງດ່ວນເສັ້ນດັ່ງກ່າວແມ່ນໂຄງການສຳຄັນພາຍໃນຂອບ “ໜຶ່ງແລວໜຶ່ງເສັ້ນທາງ” ທີ່ມີການຮ່ວມມືລະຫວ່າງຈີນແລະກຳປູເຈຍທີ່ມີຄຸນນະພາບສູງ.
ທາງດ່ວນພະນົມເປັນ-ທ່າກຳປັ່ນສີຫະນຸວິນຍາວ 190.01 ກິໂລແມັດ, ມູນຄ່າການລົງທຶນຫຼາຍກວ່າ 2 ຕື້ໂດລາສະຫະລັດ. ຫຼັງຈາກສ້າງສຳເລັດແລ້ວ, ໄລຍະເວລາການເດີນທາງຈາກພະນົມເປັນໄປຫາທ່າກຳປັ່ນສີຫະນຸວິນຈະຈາກ 5 ຊົ່ວໂມງໃນເມື່ອກ່ອນຫຼຸດລົງບໍ່ຮອດ 2 ຊົ່ວໂມງ.
ຄຳເຫັນ
0