ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ໂດຍຕອບສະໜອງຕາມຄຳເຊື້ອເຊີນຂອງສົມເດັດໂອເບີດລັດຊະການທີ 2 ປະມຸກລັດຂອງລາຊະລັດໂມນາໂກ, ທ່ານ ສີຈິ້ນຜິງ ປະທານປະເທດຈີນຈະຢ້ຽມຢາມໂມນາໂກທາງລັດຖະກິດ,ນີ້ແມ່ນປະທານປະເທດຈີນຢ້ຽມຢາມໂມນາໂກເປັນຄັ້ງທຳອິດ. ທ່ານ ໄຈຈ້ວນ ເອກອັກຄະລັດຖະທູດຈີນປະຈຳໂມນາໂກໄດ້ໃຫ້ສຳພາດຕໍ່ນັກຂ່າວ CRI ວ່າ: ການຢ້ຽມຢາມຂອງທ່ານປະທານສີຈິ້ນຜິງໃນຄັ້ງນີ້ຈະສາມາດຊຸກຍູ້ສາຍພົວພັນລະຫວ່າງສອງປະເທດຂະຫຍາຍຕົວຢ່າງໃຫຍ່ຫຼວງ,ກາຍເປັນແບບຢ່າງທີ່ດີໃຫ້ທົ່ວໂລກໄດ້ເຫັນປະເທດໃຫຍ່ແລະປະເທດນ້ອຍປະຕິບັດຕໍ່ກັນຢ່າງສະສະເໝີພາບແລະຢູ່ຮ່ວມກັນຢ່າງມີໄມຕີຈິດມິດຕະພາບ.
ທ່ານ ໄຈຈ້ວນ ກ່າວວ່າ: ໂມນາໂກແມ່ນປະເທດທີ່ພິເສດ. ສະພາບແຫ່ງຊາດຂອງສອງປະເທດມີຄວາມແຕກຕ່າງກັນຫຼາຍ. ຕົວຢ່າງວ່າ,ເນື້ອທີ່ດິນ ຂອງໂມນາໂກມີແຕ່ 2,02 ກິໂລຕາແມັດ,ແມ່ນປະເທດນ້ອຍທີ່ສຸດອັນດັບສອງໃນໂລກ. ສ່ວນເນື້ອທີ່ດິນຂອງຈີນແມ່ນໃຫຍ່ອັນດັບທີ 3 ຢູ່ໃນໂລກ. ແຕ່ນີ້ບໍ່ໄດ້ກະທົບຕໍ່ການຂະຫຍາຍສາຍພົວພັນທີ່ມີໄມຕີຈິດມິດຕະພາບລະຫວ່າງສອງປະເທດໃນໄລຍະຍາວນານມານີ້.
ທ່ານ ໄຈຈ້ວນ ກ່າວຕື່ມວ່າ: ການພົວພັນລະຫວ່າງຈີນ-ໂມນາໂກໄດ້ຮັບການຂະຫຍາຍຕົວເປັນຢ່າງດີມາໂດຍຕະຫຼອດ, ສົມເດັດໂອເບີດລັດຊະການທີ 2 ປະມຸກລັດລາຊະລັດໂມນາໂກມີມິດຕະພາບຕໍ່ຈີນຫຼາຍ,ມີຄວາມສົນໃຈແລະສະໜັບສະໜູນພາລະກິດການພັດທະນາຂອງຈີນທີ່ສຸດ,ສົມເດັດເຄີຍໄດ້ເຂົ້າຮ່ວມໂຄງການອະນຸລັກສິ່ງແວດລ້ອມຂອງຈີນຫຼາຍໂຄງການ,ທ່ານຍັງສົນໃຈຕໍ່ວຽກງານກິລາ,ເຄີຍໄດ້ຢ້ຽມຢາມຈີນ 10 ຄັ້ງ, ເດືອນກັນຍາປີ 2018 ສົມເດັດໄດ້ຢ້ຽມຢາມຈີນທາງລັດຖະກິດເປັນຄັ້ງທີ 2. ທ່ານປະທານສີຈິ້ນຜິງຢ້ຽມຢາມໂມນາໂກຄັ້ງນີ້ແມ່ນປະທານປະເທດຈີນຢ້ຽມຢາມໂມນາໂກເປັນຄັ້ງທຳອິດ,ເຊື່ອວ່າຍ່ອມຈະສາມາດຊຸກຍູ້ການຂະຫຍາຍຕົວຂອງສາຍພົວພັນລະຫວ່າງສອງປະເທດຢ່າງໃຫຍ່ຫຼວງ,ກາຍເປັນແບບຢ່າງທີ່ດີເພື່ອໃຫ້ທົ່ວໂລກທີ່ປະເທດໃຫຍ່ແລະປະເທດນ້ອຍປະຕິບັດຕໍ່ກັນຢ່າງສະເໝີພາບແລະຢູ່ຮ່ວມກັນຢ່າງມີໄມຕີຈິດມິດຕະພາບ.
ຄຳເຫັນ
0