ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໂດຍຕອບສະໜອງຕາມຄຳເຊີນຂອງສົມເດັດໂອເບັດລັດຊະການທີ 2 ປະມຸກລັດຂອງລາຊະລັດໂມນາໂກ, ວັນທີ 24 ມີນານີ້ ທ່ານສີຈິ້ນຜິງ ປະທານປະເທດ ສປຈີນ ໄດ້ຢ້ຽມຢາມໂມນາໂກ ເຊິ່ງເປັນການຢ້ຽມຢາມໂມນາໂກເປັນຄັ້ງທຳອິດຂອງປະມຸກລັດປະເທດຈີນນັບແຕ່ສອງປະເທດສ້າງສາຍພົວພັນທາງກການທູດເມື່ອປີ 1995 ເປັນຕົ້ນມາ. ການຢ້ຽມຢາມຄັ້ງນີ້ໄດ້ສົ່ງສັນຍານອອກມາຄື: ປະເທດບໍ່ວ່ານ້ອຍໃຫຍ່, ບໍ່ວ່າຈະຢູ່ໃກ້ຫຼືໄກກັນ, ລ້ວນແຕ່ສາມາດກາຍເປັນຄູ່ຮ່ວມທີ່ສະເໝີພາບກັນ, ມີມິດຕະພາບຕໍ່ກັນແລະຮ່ວມມືກັນແບບຕ່າງຝ່າຍຕ່າງມີຜົນປະໂຫຍດໄດ້ເຊັ່ນກັນ.
ເມື່ອທຽບກັບປະເທດຈີນທີ່ມີເນື້ອທີ່ກວ້າງ 9 ລ້ານ 6 ແສນກວ່າກິໂລຕາແມັດ, ລາຊະລັດໂມນາໂກທີ່ຢູ່ແຄມທະເລເມຕີເຕລາເນ ແລະມີຊາຍແດນຕິດກັບ ຝລັ່ງນັ້ນມີເນື້ອທີ່ກວ້າງພຽງແຕ່ 2,02 ກິໂລຕາແມັດເທົ່ານັ້ນ,ເປັນປະເທດທີ່ມີເນື້ອທີ່ດິນໜ້ອຍທີ່ສຸດອັດດັບສອງໃນໂລກ. ໃນຖານະເປັນປະເທດທຶນນິຍົມທີ່ພັດທະນາຢ່າງສູງ, ໂມນາໂກໄດ້ປປປະຕິບັດນະໂຍບາຍພັດທະນາເສດຖະກິດທີ່ມມີຄວາມຫຼາກຫຼາຍ, ມີມູນຄ່າເພີ່ມສູງແລະບໍ່ມີມົນລະພິດ, ໂດຍຖືຂະແໜງການກາຊິໂນ, ການທ່ອງທ່ຽວແລະການທະນາຄານເປັນຫຼັກ, ລາຍໄດ້ສະເລ່ຍຕາມຫົວຄົນບັນລຸເຖິງ 1 ແສນ 7 ໝື່ນເງິນເອີໂລ ແມ່ນໜຶ່ງໃນບັນດາປະເທດທີ່ມີລາຍໄດ້ສະເລ່ຍຕາມຫົວຄົນສູງສຸດໃນໂລກ.
ປີ 2018 ຢູ່ນະຄອນຫຼວງປັກກິ່ງ, ໃນເວລາພົບປະເຈລະຈາກັບສົມເດັດໂອເບັດລັດຊະຊການທີ 2 ທີ່ໄປຢ້ຽມຢາມ, ທ່ານສີຈິ້ນຜິງເຄີຍກວ່າວ່າ, ຈີນ ແລະໂມນາໂກເຖິງວ່າຢູ່ຫ່າງໄກກັນ, ສະພາບແຫ່ງຊາດແຕກຕ່າງກັນຫຼາຍກໍ່ຕາມ, ແຕ່ສອງປະເທດຍຶດໝັ້ນຕ່າງເຄົາລົບເຊິ່ງກັນແລະກັນ, ປະຕິບັດຕໍ່ກັນຢ່າງສະເໝີພາບກັນ, ຮ່ວມມືກັນຢ່າງໄດ້ຮັບຜົນປະໂຫຍດນຳກັນ, ເຮັດໃຫ້ການພົວພັນສອງຝ່າຍໄດ້ຂະຫຍາຍນຕົວເປັນຢ່າງດີ. ເມື່ອຫວນຄືນການຂະຫຍາຍຕົວແຫ່ງການພົວພັນທາງການທູດລະຫວ່າງຈີນ-ໂມນາໂກໃນຕະຫຼອດ 20 ກວ່າປີນີ້ເຫັນວ່າ, ນີ້ຖືເປັນແບບຢ່າງແຫ່ງການຮ່ວມມືແບບທີ່ອວ່າຍໜ້າໄປສູ່ອະນາຄົດແລະມີການປະດິດສ້າງໃໝ່ລະຫວ່າງປະເທດທີ່ພັດທະນາແລະປະເທດທີ່ພວມພັດທະນາ.
ເຊັ່ນວ່າ, ເມື່ອປີ 2012 ຂະແໜງການໂທລະຄົມຂອງໂມນາໂກໄດ້ຮ່ວມມືກັບບໍລິສັດຫວາເວີຍແລ້ວ, ເດືອນກັນຍາ 2018 ຂະແໜງການໂທລະຄົມໂມນາໂກໄດ້ເຊັນສັນຍາຮ່ວມມືດ້ານ 5G ກັບບໍລິສັດຫວາເວີຍ ເຮັດໃຫ້ໂມນາໂກຈະກາຍເປັນປະເທດທຳອິດໃນໂລກທີ່ປົກຫຸ້ນໄປດ້ວຍເຄືອຂ່າຍ 5G ເຊິ່ງການຮ່ວມມືຫຼ້າສຸດດັ່ງກ່າວຈະຊ່ວຍຊຸກຍູ້ໃຫ້ລາຊະລັດໂມນາໂກໄດ້ຮັບຄວາມຄືບໜ້າຢ່າງວ່ອງໄວໃນການສ້າງເປັນ ສມັດຊິດທິ.
ໂມນາໂກຍັງແມ່ນບ່ອນທ່ອງທ່ຽວທີ່ມີຊື່ສຽງໃນທົ່ວໂລກ, ທ່ານປະທານສີຈິ້ນຜິງເຫັນດີເຫັນພ້ອມນຳການອະນຸລັກສິ່ງແວດລ້ອມແລະການພັດທະນາແບບສີຂຽວຂອງໂມນາກາ ເຊິ່ງທ່ານຫວັງວ່າຈະປິ່ນອ້ອມຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ຫາລືແລະລົງເລິກການຮ່ວມມືລະຫວ່າງຈີນ-ໂມນາໂກໃນຂົງເຂດອະນຸລັກສິ່ງແວດລ້ອມ, ຮັບມືກັບການປ່ຽນແປງຂອງດິນຟ້າອາກາດ, ພະລັງງານທີ່ບໍ່ມີມົນລະພິດ, ການຫຼຸດການລະບາຍກາກບ່ອນດີອອກຊິດ, ການປົກປ້ອງສັດປ່າ ແລະຂົງເຂດອື່ນໆ. ຕາມຂ່າວແຈ້ງວ່າ, ໃນໄລຍະທ່ານສີຈິ້ນຜິງຢ້ຽມຢາມໂມນາໂກ, ສອງຝ່າຍຈີນ-ໂມນາໂກຈະເຊັນສັນຍາກ່ຽວກັບການຮ່ວມມືໃນດ້ານການອະນຸລັກສິ່ງແວດລ້ອມ.
ໃນຖານະເປັນປະເທດທີ່ພວມພັດທະນາທີ່ໃຫຍ່ທີ່ສຸດຂອງໂລກ, ຈີນໄດ້ວາງເປົ້າໝາຍພັດທະນາໄລຍະໃກ້, ໄລຍະກາງແລະໄລຍະຍາວໄກ ທີ່ເນັ້ນເຖິງທັດສະນະການພັດທະນາໃໝ່ຄື: ປະດິດສ້າງ, ປະສານສົມທົບ, ສີຂຽວ, ເປີດກວ້າງ ແລະຊົມໃຊ້ຮ່ວມກັກນ. ເວົ້າສຳລັບຈີນແລ້ວ ໂມນາໂກເຖິງຈະເປັນປະເທດນ້ອຍກໍ່ຕາມ, ແຕ່ມີຄວາມເຄົາລົບຕໍ່ທຳມະຊາດແລະປະຫວັດສາດໃນຂະບວນການພັດທະນາ, ແລະຈໍ່ຕົວເປັນທັດສະນະພັດທະນາຕົວເມືອງທີ່ມີເອກະລັກພິເສດຂອງຕົນ, ໃນດ້ານນີ້ ຈີນຄວນຮ່ຳຮຽນແລະຖອດຖອນບົດຮຽນ. ທັງໝົດເຫຼົ່ານີ້ໄດ້ສ້າງຊ່ອງຫວ່າງອັນກວາງຂວາງໃຫ້ແກ່ສອງຝ່າຍດຳເນີນການຮ່ວມມືໃນດ້ານເສດຖະກິດສີຂຽວ, ການອະນຸລັກສິ່ງແວດລ້ອມ, ການບໍລິການດ້ານການທະນາຄານ, ການພັດທະນາແບບຍືນຍົງ, ກາກກນທ່ອງທ່ຍວ ແລະການແລກປ່ຽນດ້ານວັດທະນະທຳແລະບຸກຄະລາກອນເປັນຕົ້ນ.
ຂົງຈື້ ນັກປາດບູຮານຈີນເຄີຍກ່າວວ່າ, ໃນເວລາຄົບຄ້າກັບໝູ່, ຄວນເຫັນເຖິງທ່າແຮງແລະຈຸດດີຂອງໝູ່, ຄວນເຫັນໃຈແລະມີຄວາໂອບເອື້ອຍອາລີຕໍ່ຈຸດອ່ອນຂອງເພື່ອນ, ເຮັດແນວນີ້ຈະເປັນເພື່ອນກັນໄດ້ຢ່າງຍາວນານ. ບົນພື້ນຖານທີ່ຕ່າງເຄົາລົບເຊິ່ງກັນແລະກັນ, ຢູ່ຮ່ວມກັນຢ່າງສະເໝີພາບກັນແລະຮ່ວມມືກັນຕ່າງຝ່າຍຕ່າງໄດ້ຮັບຜົນປະໂຫຍດ, ຈີນແລະໂມນາໂກ ຍ່ອມຈະກາຍເປັນແບບຢ່າງແຫ່ງການໄປມາຫາສູ່ກັນລະຫວ່າງປະເທດທີ່ພວມພັດທະນາທີ່ໃຫຍ່ທີ່ສຸດ ແລະປະເທດທີ່ພັດທະນາທີ່ສຸດ.
ຄຳເຫັນ
0