ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ການເລືອກຂອງໄທຕັ້ງຄັ້ງທຳອິດຫຼັງຈາກການເກີດລັດຖະປະຫານປີ 2014 ເປັນຕົ້ນມາໄດ້ເລີ່ມຈັດຂຶ້ນແຕ່ວັນທີ 24 ມີນານີ້, ຄະນະກຳມະການເລືອກຕັ້ງຄາດວ່າ ພົນລະເມືອງຜູ້ມີສິດເລືອກຕັ້ງ 80% ຂອງທົ່ວປະເທດໄທຈະເຂົ້າຮ່ວມການປ່ອນບັດ. ຜົນການເລືອກຕັ້ງຝ່າຍທາງການຈະປະກາດກ່ອນວັນທີ 9 ພຶດສະພາປີນີ້.
ເວລາປະມານ 8 ໂມງຂອງວັນທີ 24 ນີ້, ພົນເອກ ປຣະຍຸດ ຈັນໂອຊາ ນາຍົກລັດຖະມົນຕີໄທໄດ້ໄປຮອດສະຖານີປ່ອນບັດແຫ່ງໜຶ່ງທີ່ນະຄອນຫຼວງບາງກອກ ເພື່ອປ່ອນບັດ. ທ່ານເວົ້າຕໍ່ສື່ມວນຊົນວ່າ, ຫວັງໃຫ້ປະຊາຊົນໄທເຂົ້າຮ່ວມການປ່ອນບັດເລືອກຕັ້ງ, ໃຊ້ສິດເລືອກຕັ້ງຂອງຕົນເອງຢ່າງສົມເຫດສົມຜົນ, ສາມັກຄີກັນເຂົ້າ ພ້ອມກັນແກ້ໄຂບັນຫາທີ່ປະເທດຜະເຊີນໜ້າ.
ຂ່າວແຈ້ງວ່າ, ປັດຈຸບັນ ມີຜູ້ສະໝັກຮັບເລືອກຕັ້ງຫຼາຍກວ່າໝື່ນຄົນຂອງ 80 ພັກການເມືອງ ຈະແຂ່ງຂັນທີ່ນັ່ງສະພາຜູ້ແທນລາຊະດອນ. ທົ່ວປະເທດໄທມີພົນລະເມືອງຜູ້ມີສິດເລືອກຕັ້ງຫຼາຍກວ່າ 51 ລ້ານຄົນ, ສະຖານີປ່ອນບັດ 9 ໝື່ນກວ່າແຫ່ງຈະເປີດຕໍ່ຜູ້ມີສິດເລືອກຕັ້ງແຕ່ 8 ໂມງເຊົ້າຮອດ 5 ໂມງແລງມື້ດຽວກັນ ເຊິ່ງຜົນການປ່ອນບັດທີ່ບໍ່ເປັນຝ່າຍທາງການຈະປະກາດອອກພາຍຫຼັງ 3 ຊົ່ວໂມງທີ່ການປ່ອນບັດສິ້ນສຸດລົງ, ຜົນການເລືອກຕັ້ງທາງການຈະປະກາດອອກກ່ອນວັນທີ 9 ພຶດສະພາປີນີ້.
ຄຳເຫັນ
0