ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນເຊົ້າວັນທີ 23 ມີນານີ້, ຢູ່ວິນລາມາດາມາທີ່ຊານເມືອງນະຄອນຫຼວງໂຣມ, ລັດຖະບານສອງປະເທດຈີນ-ອີຕາລີໄດ້ເຊັນບົດບັນທຶກຊ່ວຍຈຳຄວາມເຂົ້າໃຈກັນກ່ຽວກັບການຮ່ວມກັນຊຸກຍູ້ການສ້າງ “ໜຶ່ງແລວໜຶ່ງເສັ້ນທາງ” ໂດຍມີທ່ານສີຈີ້ນຜິງ ປະທານປະເທດຈີນ ແລະ ທ່ານກິວຊິບີ ຄອນເຕ ນາຍົກລັດຖະມົນຕີອີຕາລີຮ່ວມກັນເປັນສັກຂີພິຍານຂອງພິທີເຊັນບົດບັນທຶກດັ່ງກ່າວ. ອີຕາລີກາຍເປັນປະເທດທຳອິດໃນກຸ່ມ G7 ທີ່ເຊັນເອກະສານຮ່ວມມືທີ່ກ່ຽວຂ້ອງກັບປະເທດຈີນ, ເຮັດໃຫ້ການຮ່ວມມືໃນຂອບ “ໜຶ່ງແລວໜຶ່ງເສັ້ນທາງ” ເປີດກວ້າງຕື່ມອີກ.
ອີງຕາມປະກາດແຈ້ງການຮ່ວມຈີນ-ອີຕາລີ, ສອງຝ່າຍຮັບຮູ້ວ່າ ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ມີກຳລັງແຮງບົ່ມຊ້ອນອັນໃຫຍ່ຫຼວງໃນດ້ານການຊຸກຍູ້ໃຫ້ສອງຝ່າຍເຊື່ອມຈອດກັນ, ຍິນດີເຮັດໃຫ້ຂໍ້ລິເລີ່ມ “ໜຶ່ງແລາວໜຶ່ງເສັ້ນທາງ” ກັບ ເຄືອຂ່າຍຄົມມະນາຄົມຂົນສົ່ງໃນບໍລິເວນເອີລົບ ແລະ ໂຄງການອື່ນໆເຊື່ອມຕໍ່ເຊິ່ງກັນແລະກັນ ເພື່ອລົງເລິກການຮ່ວມມືໃນຂົງເຂດທ່າກຳປັ່ນ, ການຈໍລະຈອນສິນຄ້າ ແລະ ການຂົນສົ່ງທາງທະເລ.
ນັບແຕ່ທ່ານສີຈີ້ນຜິງສະເໜີຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ໃນປີ 2013 ເປັນຕົ້ນມາ, ປະເທດ ແລະ ອົງການຈັດຕັ້ງສາກົນທີ່ເຊັນເອກະສານຮ່ວມມືກ່ຽວກັບ “ໜຶ່ງແລວໜຶ່ງເສັ້ນທາງ” ກັບຈີນມີຫຼາຍກວ່າ 150 ປະເທດ ແລະ ອົງການຈັດຕັ້ງ.
ປັດຈຸບັນ, ຈີນແມ່ນຄູ່ການຄ້າໃຫຍ່ອັນດັບທີໜຶ່ງຂອງອີຕາລີຢູ່ອາຊີ, ອີລາລີແມ່ນຄູ່ການຄ້າໃຫຍ່ອັນດັບທີຫ້າ ແລະ ປະເທດແຫຼ່ງລົງທຶນໂດຍກົງອັນດັບທີຫ້າຂອງຈີນຢູ່ສະຫະພາບເອີລົບ. ປີ 2018, ຍອດມູນຄ່າການຄ້າລະຫວ່າງສອງປະເທດບັນລຸຫຼາຍກວ່າ 50 ຕື້ໂດລາ, ການລົງທຶນເຊິ່ງກັນແລະກັນຫຼາຍກວ່າ 20 ຕື້ໂດລາ. ສອງປະເທດເຊັນເອກະສານຮ່ວມມືໃນການສ້າງ “ໜຶ່ງແລວໜຶ່ງເສັ້ນທາງ” ຈະເປີດຊ່ອງຫວ່າງກວ້າງຂວາງກວ່າເກົ່າໃນແກ່ການຮ່ວມມືຢ່າງຕິດແທດຕົວຈິງລະຫວ່າງຈີນ-ອີຕາລີ.
ຄຳເຫັນ
0