ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານອາດ ອາຊູເລ ຜູ້ອຳນວຍການໃຫຍ່ອົງການການສຶກສາ,ວິທະຍາສາດແລະວັດທະນະທຳແຫ່ງອົງການສະຫະປະຊາຊາດຫຼືອຸຍເນັສໂກໄດ້ໃຫ້ສຳພາດຕໍ່ນັກຂ່າວຈີນເມື່ອບໍ່ດົນມານີ້ວ່າ, ໃນຖານະເປັນທູດພິເສດຂອງອົງການອຸຍເນັສໂກໃນການສົ່ງເສີມການສຶກສາຂອງແມ່ຍິງແລະເດັກນ້ອຍ, ທ່ານນາງເຜິງລີ້ຢວນ ພັນລະຍາ ທ່ານສີຈິ້ນຜິງ ປະທານປະເທດຈີນໄດ້ເສີມຂະຫຍາຍບົດບາດທີ່ສຳຄັນທີ່ສຸດໂດຍສະເພາະໄດ້ປະກອບສ່ວນອັນໂດດເດັ່ນໃນການສົ່ງເສີມຄວາມສະເໝີພາບລະຫວ່າງຍິງຊາຍຜູ້ເປັນຄູອາຈານ, ການເຮັດໃຫ້ແມ່ຍິງແລະເດັກນ້ອຍສາມາດເພິ່ງຕົນເອງດ້ວຍການສຶກສາ. ອົງການອຸຍເນັສໂກໄດ້ຍ້ອງຍໍຊົມເຊີຍຕໍ່ສາຍພົວພັນຄູ່ຮ່ວມໄລຍະຍາວກັບຈີນ.
ທ່ານອາຊູເລກ່າວວ່າ: ນັບແຕ່ດຳລົງຕຳແໜ່ງເປັນທູດພິເສດມານີ້, ທ່ານສາສະດາຈານເຜິງລີ້ຢວນໄດ້ຮ່ວມມືກັບອົງການຢູເນັສໂກເພື່ອສົ່ງເສີມໃຫ້ຍິງຊາຍມີໂອກາດເທົ່າທຽມກັນໃນການຮ່ຳຮຽນ, ພັດທະນາຕົນເອງແລະໄດ້ຮັບຜົນສຳເລັດ. ທ່ານໄດ້ເປັນຜູ້ມອບລາງວັນການສຶກສາໃຫ້ແມ່ຍິງແລະເດັກນ້ອຍອຸຍເນັສໂກດ້ວຍຕົນເອງມາຫຼາຍຄັ້ງແລ້ວ ເຊິ່ງລາງວັນດັ່ງກ່າວນີ້ແມ່ນລັດຖະບານຈີນສະເໜີແລະສະໜັບສະໜູນດ້ວຍການໃຫ້ເງິນທຶນສ້າງຕັ້ງຂຶ້ນ ແລະເປັນລາງວັນພຽງໜຶ່ງດຽວໃນຂົງເຂດດັ່ງກ່າວຂອງອົງການອຸຍເນັສໂກ.
ຄຳເຫັນ
0