ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 24 ມີນານີ້, ຄະນະກຳມະການການເລືອກຕັ້ງຂອງໄທໄດ້ປະກາດຜົນການນັບບັດເລືອກຕັ້ງໃນເບື້ອງຕົ້ນວ່າ: ພັກພະລັງປະຊາລັດທີ່ສະໜັບສະໜູນທ່ານ ປຣະຍຸດ ຈັນໂອຊາ ນາຍົກລັດຖະມົນຕີໄທຊຸດປັດຈຸບັນໄດ້ຮັບບັດເຫັນດີຫຼາຍກວ່າໝູ່ເປັນການຊົ່ວຄາວໃນການເລືອກຕັ້ງສະພາຜູ້ແທນລາຊະດອນໄທທີ່ຈັດຂຶ້ນໃນມື້ດັ່ງກ່າວ.
ຜົນການນັບບັດຈາກຄະນະກຳມະການການເລືອກຕັ້ງໄທທີ່ປະກາດໂດຍຜ່ານການຖ່າຍທອດສົດທາງອິນເຕີເນັດສະແດງໃຫ້ເຫັນວ່າ: ນັບມາຮອດເວລາ 22 ໂມງຂອງວັນທີ 24 ມີນານີ້ຕາມເວລາທ້ອງຖິ່ນ,ຫຼັງຈາກໄດ້ນັບບັດເລືອກຕັ້ງກວມ 92% ໃນທົ່ວປະເທດແລ້ວ, ພັກພະລັງປະຊາລັດໄດ້ຮັບຄະແນນສຽງເຫັນດີປະມານ 7,5 ລ້ານບັດ ເປັນອັນດັບ 1; ພັກເພື່ອໄທເຊິ່ງເປັນພັກຕໍ່ຕ້ານລັດຖະບານຊຸດປັດຈຸບັນໄດ້ຮັບຄະແນນສຽງ 7,04 ລ້ານບັດ ເປັນອັນດັບທີ 2 ແລະ ພັກອະນາຄົດໃໝ່ທີ່ຕໍ່ຕ້ານລັດຖະບານຊຸດປັດຈຸບັນໄດ້ຮັບຄະແນນສຽງເຫັນດີ 5,16 ລ້ານບັດ ເປັນອັນດັບທີ3; ສ່ວນພັກປະຊາທິປັດຊຶ່ງເປັນພັກໃຫຍ່ດັ້ງເດີມໄດ້ຮັບຄະແນນສຽງເຫັນດີປະມານ 3,19 ລ້ານບັດ,ເປັນອັນດັບທີ 4.
ຂ່າວແຈ້ງວ່າ: ຄະນະກຳມະການການເລືອກຕັ້ງຂອງໄທຈະປະກາດຜົນການເລືອກຕັ້ງທີ່ບໍ່ເປັນທາງການຂອງການນັບບັດເລືອກຕັ້ງ 95% ໃນວັນທີ 25 ມີນານີ້. ສ່ວນຜົນການເລືອກຕັ້ງທາງການຈະປະກາດກ່ອນວັນທີ 9 ພຶດສະພາປີນີ້.
ຄຳເຫັນ
0