ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານເຜິງຊືທວນ ທີ່ປຶກສາວັດທະນະທຳສະຖານທູດຈີນປະຈຳຫວຽດນາມປະກອບຄຳເຫັນໃນກິດຈະກຳ
ກິດຈະກຳແລກປ່ຽນວັດທະນະທຳສຳນັກຂົງຈື້ລະຫວ່າງຊາວໜຸ່ມຈີນ-ຫວຽດນາມພາຍໃຕ້ຫົວຂໍ້ “ມາລະຍາດແລະດົນຕີບູຮານຕາມຄວາມໄຝ່ຝັນ”ໄດ້ຈັດຂຶ້ນຢູ່ມະຫາວິທະຍາໄລຮ່າໂນ້ຍຫວຽດນາມໃນຕອນບ່າຍວັນທີ 24 ມີນານີ້. ກິດຈະກຳຄັ້ງນີ້ເປັນໜຶ່ງໃນກິດຈະກຳຕ່າງໆທີ່ປິ່ນອ້ອມສັບປະດາແມ່ນ້ຳລ້ານຊ້າງ-ແມ່ນ້ຳຂອງຄັ້ງທີ 2. ໃນກິດຈະກຳຄັ້ງນີ້ ມີຊາວໜຸ່ມຈີນ-ຫວຽດນາມປະມານ 300 ຄົນໄດ້ອ່ານຕຳລາບູຮານ, ຟັງດົນຕີບູຮານ, ຟ້ອນລຳ ເພື່ອເພີ່ມມິດຕະພາບໃນກິດຈະກຳການແລກປ່ຽນວັດທະນະທຳດ້ານມາລະຍາດແລະດົນຕີບູຮານສຳນັກຂົງຈື້.
ທ່ານດູນາມຈົງ ຮອງຫົວໜ້າກົມອາຊີຕາເວັນອອກສຽງເໜືອກະຊວງການຕ່າງປະເທດຫວຽດນາມປະກອບຄຳເຫັນໃນກິດຈະກຳ
ກິດຈະກຳຄັ້ງນີ້ມີວິທະຍຸໂທລະພາບກວາງຊີຈີນ,ມະຫາວິທະຍາໄລຮ່າໂນ້ຍຫວຽດນາມແລະມະຫາວິທະຍາໄລສ້າງຄູນານນິ່ງຈີນເປັນເຈົ້າພາບຮ່ວມກັນຈັດຂຶ້ນໂດຍປິ່ນອ້ອມຫົວຂໍ້ “ວັດທະນະທຳມາລະຍາດບູຮານແລະດົນຕີບູຮານສຳນັກຂົງຈື້” ເຊິ່ງໄດ້ສະແດງໃນຫຼາຍລາຍການເຊັ່ນ ການບັນເລັງດົນຕີບູຮານ 《ພູສູງແລະນ້ຳໄຫຼ》,ບົດຟ້ອນແບບຮູບຮານທີ່ມີຊື່ວ່າ《ຮັກຕະຫຼົກຍ້ອນວ່າວ》,ອ່ານກະວີບູຮານ《ກ່ວນຈວີ່》, ການສະແດງເພງພື້ນເມືອງກວນໂຮ້ຫວຽດນາມ ແລະລາຍການອື່ນໆ ເຮັດໃຫ້ຊາວໜຸ່ມຈີນ-ຫວຽດນາມທີ່ເຂົ້າຮ່ວມກິດຈະກຳໄດ້ຮ່ວມກັນສຳຜັດກັບຄວາມມີຊີວິດຊີວາຂອງວັດທະນະທຳມາລະຍາດບູຮານແລະດົນຕີບູຮານສຳນັກຂົງຈື້. ນອກນີ້, ກິດຈະກຳດັ່ງກ່າວຍັງໄດ້ຈັດໃຫ້ມີການສາທິດສິລະປະການຕັດເຈ້ຍດັ້ງເດີມ, ການແຕ້ມໜ້າກາກງິ້ວປັກກິ່ງ, ການສານຂອດຈີນ ກໍຄືການຂຽນຕົວອັກສອນບູຮານຫວຽດນາມແລະອື່ນໆເພື່ອໃຫ້ຊາວໜຸ່ມສອງປະເທດຈີນ-ຫວຽດນານໄດ້ແລກປ່ຽນແລະຖອດຖອນບົດຮຽນເຊິ່ງກັນແລະກັນຈາກການສຳຜັດກັບວັດທະນະທຳດັ້ງເດີມແຕ່ລະປະເທດ.
ນັກສຶກສາມະຫາວິທະຍາໄລສ້າງຄູນານນິງສະແດງບົດຟ້ອນບູຮານ《ຮັກຕະຫຼົກຍ້ອນວ່າວ》
ນັກສຶກສາຈີນທີ່ຮຽນຢູ່ມະຫາວິທະຍາໄລຮ່າໂນ້ຍຫວຽດນາມອ່ານ ກະວີບູຮານ《ກ່ວນຈວີ່》
ຄຳເຫັນ
0