ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 24 ມີນານີ້, ທ່ານ ສີຈິ້ນຜິງ ປະທານປະເທດຈີນໄດ້ເດີນທາງເຖິງເມືອງນິສປະເທດຝຣັ່ງ,ແລ້ວສືບຕໍ່ເດີນທາງໂດຍລົດຍົນໄປໂມນາໂກ,ເລີ່ມຢ້ຽມຢາມນະຄອນລັດໂມນາໂກທາງລັດຖະກິດ.
ເວລາປະມານ 12 ໂມງຂອງວັນທີ 24 ມີນານີ້ຕາມເວລາທ້ອງຖິ່ນ, ທ່ານ ສີຈິ້ນຜິງ ໄດ້ເດີນທາງໂດຍເຮືອບິນພິເສດເຖິງສະໜາມບິນນິສ. ທ່ານ ສີຈິ້ນຜິງ ພ້ອມດ້ວຍພັນລະຍາຂອງທ່ານໄດ້ຮັບການຕ້ອນຮັບຢ່າງສົມກຽດແລະຟົດຟື້ນຈາກທ່ານ ແຊກເຊີແຕນ ຫົວໜ້າລັດຖະບານ,ທັງເປັນເລຂາທິການລັດຖະບານໂມນາໂກແລະທ່ານ ກີຣ ໂຕເນລີ ລັດຖະມົນຕີກະຊວງການຮ່ວມມືແລະການພົວພັນຕ່າງປະເທດໂມນາໂກ. ທ່ານ ຊອງ ອີເວສ ເລີດີຢອງ ລັດຖະມົນຕີກະຊວງການຕ່າງປະເທດຝຣັ່ງແລະທ່ານ ຈ໋າຍຈວິ້ນ ເອກອັກຄະລັດຖະທູດຈີນປະຈຳຝຣັ່ງທັງເປັນເອກອັກຄະລັດຖະທູດຈີນປະຈຳໂມນາໂກກໍ່ໄດ້ອອກໄປຕ້ອນຮັບຢູ່ສະໜາມບິນເຊັ່ນດຽວກັນ.
ທ່ານ ສີຈິ້ນຜິງ ໄດ້ເດີນທາງຢ້ຽມຢາມໂມນາໂກຫຼັງຈາກສິ້ນສຸດການຢ້ຽມຢາມອີຕາລີທາງລັດຖະກິດ. ຫຼັງສິ້ນສຸດການຢ້ຽມຢາມໂມນາໂກ,ທ່ານ ສີຈິ້ນຜິງ ຍັງຈະຢ້ຽມຢາມປະເທດຝຣັ່ງທາງລັດຖະກິດຢູ່ນະຄອນນິສ.
ຄຳເຫັນ
0