ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເຈົ້າໜ້າທີ່ເຂດພິເສດທີສອງລັດສານປະເທດມຽນມາຢືນຢັນໃນວັນທີ 24 ມີນານີ້ວ່າ: ຕອນບ່າຍວັນທີ 23 ມີນານີ້, ສາງເຄື່ອງແຫ່ງໜຶ່ງຂອງລັດຕົນໄດ້ເກີດເຫດລະເບີດ ສົ່ງຜົນເຮັດໃຫ້ມີຜູ້ເສຍຊີວິດ 16 ຄົນ, 40 ກວ່າຄົນໄດ້ຮັບບາດເຈັບ.
ທ່ານນີຣາງ ຫົວໜ້າພະແນກວຽກງານຕ່າງປະເທດອົງການປົກຄອງເຂດພິເສດທີສອງລັດສານປະຈຳ ນະຄອນລາຊີວ ໃຫ້ສຳພາດຕໍ່ນັກຂ່າວວ່າ: ເວລາປະມານ 17 ໂມງຂອງວັນທີ 23 ມີນານີ້, ສາງສະສົມຖັງແກັສ,ໝື້ລະເບີດທາງອຸດສາຫະກຳແລະວັດສະດຸກໍ່ສ້າງແຫ່ງໜຶ່ງຢູ່ເມືອງມອງມາວໄດ້ເກີດການລະເບີດກະທັນຫັນ ສົ່ງຜົນເຮັດໃຫ້ມີຜູ້ເສຍຊີວິດແລະບາດເຈັບເປັນຈຳນວນຫຼາຍ. ອົງການປົກຄອງທ້ອງຖິ່ນໄດ້ສຸມທຸກຄວາມພະຍາຍາມໃນການກອບກູ້ປິ່ນປົວຜູ້ບາດເຈັບແລະແກ້ໄຂວຽກງານອື່ນໆ ທັງໄດ້ດຳເນີນການສືບສວນສອບສວນຫາສາເຫດທີ່ພາໃຫ້ເກີດເຫດຄັ້ງນີ້.
ອົງການປົກຄອງທ້ອງຖິ່ນດັ່ງກ່າວໄດ້ອອກຖະແຫຼງການໃນວັນທີ 24 ມີນານີ້ວ່າ: ເຫດ ລະເບີດຄັ້ງນີ້ຮຸນແຮງຫຼາຍ ເຊິ່ງໄດ້ສ້າງຜົນເສຍຫາຍໃຫ້ແກ່ເຮືອນຊານຈຳນວນຫຼາຍ, ໃນນີ້ ມີຜູ້ໄດ້ຮັບບາດເຈັບສາຫັດ ແລະຍັງມີຫຼາຍຄົນຫາຍສາບສູນ.
ຄຳເຫັນ
0