ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ການເຈລະຈາດ້ານການຄ້າລະດັບລັດຖະມົນຕີຮອບທຳອິດລະຫວ່າງອາເມຣິກາແລະຍີ່ປຸ່ນທີ່ດຳເນີນໄປເປັນເວລາ 2 ວັນໄດ້ສິ້ນສຸດລົງຢູ່ນະຄອນຫຼວງວໍຊິງຕັນປະເທດອາເມຣິກາໃນວັນທີ 16 ເມສານີ້, ສອງຝ່າຍໄດ້ເຈລະຈາກັນກ່ຽວກັບການຄ້າສິນຄ້າປະເພດຈັບຕ້ອງໄດ້ແລະການຄ້າດີຈີຕອນ ແລະ ບັນຫາອື່ນໆ.
ຫ້ອງການກະຊວງການຄ້າອາເມຣິກາອອກຖະແຫຼງການໃນມື້ດຽວກັນວ່າ, ສອງປະເທດໄດ້ເຈລະຈາກັນກ່ຽວກັບການຄ້າສິນຄ້າປະເພດຈັບຕ້ອງໄດ້ ເຊິ່ງລວມທັງຜະລິດຕະພັນກະສິກຳ, ຂະນະດຽວກັນ, ຍັງໄດ້ເຈລະຈາກ່ຽວກັບຄວາມຈຳເປັນໃນການກຳນົດມາດຕະຖານສູງໃນຂົງເຂດການຄ້າດີຈີຕອນ.
ພາຍຫຼັງຂຶ້ນດຳລົງຕຳແໜ່ງເປັນປະທານາທິບໍດີອາເມຣິກາແລ້ວ, ທ່ານໂດໂນ ທຣຳ ໄດ້ຮຽກຮ້ອງໃຫ້ມີການເຈລະຈາກ່ຽວກັບສັນຍາການຄ້າເສລີກັບຍີ່ປຸ່ນ ເພື່ອຫຼຸດການຂາດດຸນການຄ້າຂອງອາເມຣິກາໃຫ້ໜ້ອຍລົງ. ແຕ່ຍີ່ປຸ່ນເຫັນວ່າ, ອາເມຣິກາຄວນກັບຄືນສູ່ສັນຍາຄູ່ຮ່ວມຂ້າມປາຊີຟິກ ຫຼື TPP ຄືນໃໝ່ ຈິ່ງແມ່ນທາງເລືອກທີ່ດີທີ່ສຸດສຳລັບສອງປະເທດ.
ຄຳເຫັນ
0