ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານຫວາງຜິງຖັງ ເປັນເລຂາພັກຜູ້ທີໜຶ່ງຂອງບ້ານລົງສວນ ຕາແສງ ມິງເຢ້ ເມືອງອ່ານທູ ກິ່ງແຂວງປົກຄອງຕົນເອງເຜົ່າເກົາຫຼີຢຽນປ່ຽນ ແຂວງຈີລິນ ເຊິ່ງແມ່ນຫ້ອງຄົ້ນຄວ້ານະໂຍບາຍສູນກາງຈີນແຕ່ງຕັ້ງທ່ານໄປປະຕິບັດໜ້າທີ່ຢູ່ບ້ານດັ່ງກ່າວ. ເດືອນກັນຍາປີ 2017, ເມື່ອທ່ານຜະເຊີນໜ້າກັບຄອບຄົວທຸກຍາກ 23 ຄອບຄົວໃນທັງໝົດ 72 ຄອບຄົວຂອງບ້ານແຫ່ງນີ້ເປັນເທື່ອທຳອິດ, ທ່ານຄິດບໍ່ອອກແລະບໍ່ຮູ້ວ່າຈະເຮັດແນວໃດເພື່ອນຳພາຊາວບ້ານຫຼຸດພົ້ນອອກຈາກຄວາມທຸກຍາກ.
ໄປພ້ອມໆກັບການດຳລົງຊີວິດແລະເຮັດວຽກໃນບ້ານເປັນເວລາດົນນານ, ເລຂາຫວາງຜິງຖັງພົບວ່າ ທຸກໆຄອບຄົວໃນບ້ານລົງສວນຕ່າງກໍເຮັດເຂົ້າໜົມຈືນເປັນ ອາດເວົ້າໄດ້ວ່າເປັນອາຫານທີ່ມີເອກະລັກພິເສດຂອງທ້ອງຖິ່ນ. ເພິ່ນຈິ່ງຄິດວ່າ ຫາກເຮັດໃຫ້ເຂົ້າໜົມຈືນນ້ອຍໆນີ້ຫັນເປັນອຸດສາຫະກຳທີ່ມີສີສັນພິເສດຂອງບ້ານຊິບໍ່ດີກວ່າບໍ? ທ່ານຫວາງຜິງຖັງກໍເລີຍພັດທະນາການຜະລິດເຂົ້າໜົມຈືນໃຫ້ເປັນອຸດສາຫະກຳຂອງໂຄງການຫຼຸດຜ່ອນຄວາມທຸກຍາກຂອງບ້ານລົງສວນ, ເດືອນກໍລະກົດປີ 2018, ໄດ້ຫ້າງຫາເງິນທຶນສ້າງຕັ້ງໂຮງງານເຂົ້າໜົມຈືນລົງສວນຂຶ້ນ, ແລະລົງມືຜະລິດຢ່າງເປັນທາງການໃນເດືອນພະຈິກປີດຽວກັນ, ນັບມາຮອດເດືອນມັງກອນປີ 2019 ນີ້, ຍອດມູນຄ່າການຈຳໜ່າຍໄດ້ບັນລຸເຖິງ 620.000 ຢວນ.
ໂຮງງານຜະລິດເຂົ້າໜົມຈືນກວມເນື້ອທີ່ທັງໝົດ 670 ຕາແມັດ ເຊິ່ງໄດ້ສ້າງວຽກເຮັດງານທຳໃຫ້ຊາວບ້ານ 30 ກວ່າຄົນ, ໃນນີ້ລວມທັງຄອບຄົວທຸກຍາກ 11 ຄອບຄົວ. ປັດຈຸບັນ, ໂຮງງານເຂົ້າໜົມຈືນສາມາດຜະລິດເຂົ້າໜົມຈືນໄດ້ 500 ກວ່າກິໂລ, ຕົ້ນຕໍແມ່ນສົ່ງໄປຂາຍຢູ່ນະຄອນຫຼວງປັກກິ່ງ, ກຳແພງນະຄອນຊຽງໄຮ, ກຳແພງນະຄອນທຽນສິນແລະຕົວເມືອງໃຫຍ່ແຫ່ງອື່ນໆ. ເຂົ້າໜົມຈືນທຳມະດາ ໄດ້ຫັນມາເປັນອຸດສາຫະກຳເສົາຄ້ຳຂອງໂຄງການຫຼຸດຜ່ອນຄວາມທຸກຍາກຕາມເປົ້າໝາຍຂອງບ້ານລົງສວນ, ເຊິ່ງບໍ່ພຽງແຕ່ໄດ້ແກ້ໄຂບັນຫາການສ້າງລາຍຮັບໃຫ້ຊາວບ້ານເທົ່ານັ້ນ, ຍັງໄດ້ຊຸກຍູ້ສົ່ງເສີມຄວາມສາມັກຄີປອງດອງຂອງຊາວບ້ານອີກດ້ວຍ.
ຄຳເຫັນ
0