ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ເມສານີ້, ທ່ານ ຊີ່ວທີງເຜີງ ຮອງຜູ້ບັນຊາການກອງທັບເຮືອຈີນໄດ້ກ່າວໃນກອງປະຊຸມຖະແຫຼງຂ່າວກ່ຽວກັບກິດຈະກຳກອງທັບເຮືອນາໆຊາດເພື່ອສະຫຼອງກອງທັບເຮືອຂອງກອງທັບປົດປ່ອຍປະຊາຊົນຈີນສ້າງຕັ້ງຂຶ້ນຄົບຮອບ 70 ປີໂດຍຊີ້ໃຫ້ເຫັນວ່າ: ກອງທັບເຮືອຈີນແມ່ນກອງກຳລັງເພື່ອສັນຕິພາບກອງໜຶ່ງຢ່າງສະເໝີຕົ້ນສະເໝີປາຍ,ຈະບໍ່ເປັນການຂົ່ມຂູ່ຕໍ່ປະເທດແຕ່ຢ່າງໃດ.
ທ່ານ ຊີ່ວທີງເຜີງ ກ່າວວ່າ: ຜູ້ທີ່ຮູ້ປະຫວັດສາດເປັນຢ່າງດີລ້ວນແຕ່ຮູ້ວ່າ:ຈີນໃນສະໄໝມໍ່ໄດ້ປະສົບຄວາມຍາກລຳບາກຢ່າງຫຼວງຫຼາຍ,ປະຊາຊົນຈີນຮູ້ດີກ່ຽວກັບຄວາມລ້ຳຄ່າຂອງສັນຕິພາບ. ກອງທັບເຮືອຈີນບໍ່ເຄີຍສ້າງແປວໄຟແຫ່ງສົງຄາມ,ການປັ່ນປ່ວນແລະຄວາມວຸ້ນວາຍຂຶ້ນໃນແຫ່ງໃດແຫ່ງໜຶ່ງຂອງໂລກຈັກເທື່ອ,ໄດ້ຮູ້ສັນຕິພາບ,ຮັກສາສັນຕິພາບແລະປົກປ້ອງສັນຕິພາບແຕ່ຕົ້ນຕະຫຼອດມາ.
ທ່ານ ຊີ່ວທີງເຜີງ ໃຫ້ຮູ້ວ່າ: ກອງທັບເຮືອປະຊາຊົນຈີນໄດ້ຂະຫຍາຍຕົວກວ້າງອອກ,ແລະໄດ້ໃຫ້ການບໍລິການດ້ວຍຫຼາກຫຼາຍຮູບແບບແກ່ໂລກນັບມື້ນັບຫຼາຍຂຶ້ນ.ນັບແຕ່ປີ 2008 ຮອດປັດຈຸບັນ,ຈີນໄດ້ສົ່ງກອງກຳປັ່ນປ້ອງກັນການເດີນທະເລ 32 ເທື່ອທີ່ມີຈຳນວນກຳປັ່ນ 103 ລຳ,ຍົນເຮລີກົບແຕ 69 ລຳ,ນາຍແລະພົນທະຫານ 27.000 ເທື່ອຄົນ,ເພື່ອໄປປະຕິບັດໜ້າທີ່ປົກປ້ອງການເດີນທະເລໃຫ້ແກ່ກຳປັ່ນຂອງຈີນແລະຕ່າງປະເທດຈຳນວນ 6.600 ກວ່າລຳ,ເຊິ່ງໃນນັ້ນມີຫຼາຍກວ່າເຄິ່ງໜຶ່ງແມ່ນກຳປັ່ນການຄ້າຕ່າງປະເທດ,ນອກນີ້ຍັງໄດ້ສຳເລັດໜ້າທີ່ປ້ອງກັນການຂົນສົ່ງອາວຸດເຄມີຂອງຊີຣີທາງທະເລ 20 ເທື່ອ.
ແຕ່ປີ 2010 ເປັນຕົ້ນມາ,ກຳປັ່ນໂຮງໝໍເຮີຜິງຟ່າງໂຈ່ວ (PEACE ARK)ຂອງກອງທັບເຮືອຈີນໄດ້ປະຕິບັດ “ໜ້າທີ່ແຫ່ງຄວາມກົມກຽວ” 7 ເທື່ອ,ໄດ້ໃຫ້ການບໍລິການປິ່ນປົວແບບບໍ່ເສຍຄ່າແກ່ປະຊາຊົນຈຳນວນ 2 ແສນ 3 ໝື່ນກວ່າເທື່ອຄົນຂອງ 43 ປະເທດແລະເຂດແຄວ້ນ. ປີ 2015, ກອງກຳປັ່ນປ້ອງກັນຂອງກອງທັບເຮືອຈີນຊຸດທີ 19 ໄດ້ສົ່ງພົນລະເມືອງຈີນ 621 ຄົນ ແລະພົນລະເມືອງຂອງ 15 ປະເທດ 270 ກວ່າຄົນຖອນອອກຈາກເຢແມນທີ່ເກີດສົງຄາມ. ກຳປັ່ນ 10 ລຳຂອງກອງທັບເຮືອຈີນໄດ້ປະຕິບັດໜ້າທີ່ຄົ້ນຫາແລະຊ່ວຍເຫຼືອຮ່ວມຍົນໂດຍສານຂອງບໍລິສັດການບິນມາເລເຊຍທີ່ເສຍການຕິດຕໍ່ກັບໜ້າດິນແລະອື່ນໆ. ເຊິ່ງກອງທັບເຮືອຈີນໄດ້ປົກປັກຮັກສາສັນຕິພາບຂອງໂລກແລະສະຖຽນລະພາບແລະຄວາມໝັ້ນຄົງຂອງພາກພື້ນດ້ວຍການກະທຳຕົວຈິງ.
ຄຳເຫັນ
0