ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ບ້ານຜີງຈ້າຍຕັ້ງຢູ່ໃຈກາງເຂດໃໝ່ກຸ້ຍອ່ານແຂວງກຸ້ຍໂຈ່ວ, ຊາວບ້ານສ່ວນຫຼາຍແມ່ນເຜົ່າປູ້ອີ່, ຖືກຂະໜານນາມວ່າ “ໃຈກາງຂອງແດນສະຫວັນກຸ້ຍໂຈ່ວ”.
ເມື່ອຍ່າງໄປຕາມຖະໜົນສາຍຫຼັກຂອງບ້ານຜີງຈ້າຍ, ທ່ານສາມາດເຫັນບໍ່ນ້ຳເກົ່າແກ່ທີ່ມີຊື່ວ່າສື “ຖິ່ງສວນ” ໝາຍຄວາມວ່າ “ຟັງສຽງບໍ່ນ້ຳ”. ຢູ່ໃກ້ບໍ່ນ້ຳສືດັ່ງກ່າວ, ນັກຂ່າວໄດ້ພົບເຫັນນາງຫຼີຫຼາຍເຢ້ຍເຊິ່ງເປັນຊາວບ້ານເຜົ່າປູ້ອີ່. ຕາມການແນະນຳ, ກ່ອນນີ້ປະມານ 4 ປີຫຼື 5 ປີ, ຜູ້ນຳອົງການປົກຄອງທ້ອງຖິ່ນເລີ່ມປະຕິບັດການກໍ່ສ້າງບ້ານຊົນນະບົດທີ່ສວຍງາມຢູ່ບ້ານຜີງຈ້າຍ, ໂດຍໄດ້ສ້າງສາລາໄມ້ກວມບໍ່ນ້ຳຂຶ້ນໃນເວລານັ້ນ. ໃນເມືອກ່ອນ, ຊາວໜຸ່ມຂອງບ້ານຜີງຈ້າຍສ່ວນຫຼາຍໄດ້ໄປເຮັດວຽກຢູ່ຕ່າງຖິ່ນ, ສ່ວນນາງຫຼີຫຼາຍເຢ້ຍພ້ອມຄອບຄົວພັດເຮັດໄຮ່ໄຖນາເພື່ອດຳລົງຊີວິດຢູ່ກັບບ້ານ. ພາຍຫຼັງບ້ານຜີງຈ້າຍສ້າງເປັນບ້ານຊົນນະບົດທີ່ສວຍງາມແລ້ວ, ໄດ້ພັດທະນາຂະແໜງການທ່ອງທ່ຽວ, ຊາວໜຸ່ມທີ່ໄປເຮັດວຽກຢູ່ຕ່າງຖິ່ນລ້ວນແຕ່ໄດ້ກັບຄືນມາບ້ານເກີດເພື່ອດຳເນີນທຸລະກິດ, ຄອບຄົວຂອງນາງຫຼີຫຼາຍເຢ້ຍກໍໄດ້ເປີດເຮືອນພັກຊົນນະບົດ.
ຄຳເຫັນ
0