ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
“ແມ່ຫຍິບເສື້ອຢ່າງລະອຽດ ໃຫ້ລູກນຸ່ງໄປເພື່ອເດີນທາງໄກ”ໃນງານອວຍພອນບຸນກຸດຈີນປີ 2015 ທ່ານສີຈິ້ນຜິງໄດ້ອ່ານບົດກະວີບົດໜຶ່ງທີ່ເຮັດໃຫ້ຄົນທັງຫຼາຍຮູ້ສຶກກະຕຸ້ນໃຈທີ່ສຸດ.
ວັນທີ 12 ທັນວາ 2016 ໃນເວລາພົບປະກັບຄອບຄົວແບບຢ່າງທົ່ວປະເທດຈີນຊຸດທີໜຶ່ງ, ທ່ານສີຈິ້ນຜິງກ່າວວ່າ, ການເຄົາລົບຜູ້ເຖົ້າ ຮັກແພງເດັກນ້ອຍ, ຜົວແກ້ວເມຍຕາ, ຜູ້ປົກຄອງລ້ຽງດູແລລູກຫຼານ, ຜູ້ເປັນລູກຫຼານມີຄວາມກະຕັນຍູ້ຕໍ່ພໍ່ແມ່, ອ້າຍນ້ອງສາມັກຄີກັນ, ສືບທອດປະເພນີອັນດີງາມ, ຄຸ້ມຄອງຄອບຄົວໃຫ້ມີລະບຽບຮຽບຮ້ອຍ, ຄຳຮູ້ມີມາລະຍາດ, ເຄົາລົບກົດໝາຍກົດລະບຽບການ, ຖືກຕ້ອງປອງດອງກັນໃນຄອບຄົວ ແມ່ນຄຸນສົມບັດອັນດີງາມຂອງຄອບຄົວຈີນມາແຕ່ດົນນານ, ເຊິ່ງໄດ້ຮັບການຈົດຈຳໄວ້ຂອງປະຊາຊົນທຸກຖ້ວນໜ້າ ແລະຊາບຊຶ້ມຢູ່ໃນນິດໃສຂອງຄົນຈີນ, ເປັນກຳລັງທາງຈິດໃຈທີ່ສຳຄັນທີ່ໃຫ້ປະຊາຊາດຈີນສືບທອດກັນໄປທຸກເຊັ່ນຄົນ.
ສົມເປັນອັນທີ່ວ່າ: ຮາກເຫງົ້າຂອງໂລກນີ້ຢູ່ນຳຄອບຄົວ, ການມີຄວາມກະຕັນຍູ້ຕໍ່ພໍ່ແມ່, ເນັ້ນຄວາມຮັກແພງກັນໃນຄອບຄົວ, ແມ່ນແນວຄິດຂອງທ່ານສີຈິ້ນຜິງກ່ຽວກັບຄອບຄົວ. ນັບແຕ່ໄຂກອງປະຊຸມໃຫຍ່ຂອງພັກກອມມູນິດຈີນຄັ້ງທີ 18 ເປັນຕົ້ນມາ, ທ່ານໄດ້ກ່າວເຖິງຫຼາຍເທື່ອກ່ຽວກັບການເຄົາລົບແລະມີຄວາມກະຕັນຍູ້ຕໍ່ຜູ້ເຖົ້າຜູ້ແກ່, ໃຫ້ຄວາມສຳຄັນຕໍ່ຄອບຄົວ, ໃຫ້ຄວາມສຳຄັນຕໍ່ການສັ່ງສອນໃນຄອບຄົວ ແລະໃຫ້ຄວາມສຳຄັນຕໍ່ການສ້າງແບບແຜນຄອບຄົວ, ແລະທ່ານກໍ່ໄດ້ປະຕິບັດຕົວຈິງຕາມແນວຄິດຂອງຕົນເອງ:
ຮູບຖ່າຍ 4 ໃບ
ຮູບຖ່າຍໃບນີ້ໄດ້ບັນທຶກໄວ້ກ່ຽວກັບທ່ານສີຈິ້ນຜິງຍ່າງເລາະກັບແມ່, ເຊິ່ງສະແດງໃຫ້ເຫັນວ່າຄວາມກະຕັນຍູ້ພໍ່ແມ່ແມ່ນຢູ່ນຳກັນຢູ່ກັບພໍ່ແມ່ຕະຫຼອດ.
ຢູ່ໃນຮູບໃບນີ້ ທ່ານສີຈິ້ນຜິງໄດ້ຍູ້ລໍ້ທີ່ພໍ່ນັ່ງ, ເລາະກັບທ່ານນາງເຜິງລີຢວນ ພັນທະຍາ ແລະລູກສາວ. ເຊິ່ງໄດ້ເປັນແບບຢ່າງໃຫ້ແກ່ພັນລະຍາແລະລູກໃນການມີຄວາມກະຕັນຍູ້ຕໍ່ຜູ້ເຖົ້າ.
ຮູບຖ່າຍສອງໃບນີ້ຕ່າງໄດ້ບັນທຶກທ່ານສີຈິ້ນຜິງກັບທ່ານນາງເຜິງລີຢວນທີ່ທ່ອງທ່ຽວຢູ່ເກາະຕົ່ງຊານແຂວງຝູຈ້ຽນ ແລະທ່ານສອນລູກສາວໃນການຂີ່ລົດຖີບໃນເວລາທ່ານເຮັດວຽກຢູ່ແຂວງຝູໂຈ່ວ.
ເຊິ່ງທັງໝົດເຫລົ່ານີ້ສະແດງໃຫ້ເຫັນວ່າ ຄອບຄົວທີ່ມີຄວາມສຸກ ເປັນທີ່ສະແຫວງຫາຂອງການນຳປະເທດ ກໍ່ເປັນຄວາມມຸ່ງຫວັງຂອງທຸກໆຄອບຄົວ.
ອາຫານຄ່ຳຄາບໜຶ່ງ
ການກະຕັນຍູ້ພໍ່ແມ່, ຮັກແພງເມຍແລະລູກຫຼານ, ໃນດ້ານນີ້ ທ່ານສີຈິ້ນຜິງແມ່ນແບບຢ່າງຂອງພວກເຮົາມາໂດຍຕະຫຼອດ. ໃນເວລາເຮັດວຽຢູ່ແຂວງເຈີຈ່ຽງ, ທ່ານສີຈິ້ນຜິງໃຫ້ສຳພາດຕໍ່ນັກຂ່າວວ່າ: ຂ້າພະເຈົ້າໂທຫາເມຍທຸກມື້, ແຕ່ງງານມາເປັນເວລາ 10 ກວ່າປີແລ້ວ, ພວກເຮົາໂທລົມກັນທຸກມື້. ປີໃດທີ່ທ່ານນາງເຜິງລີຢວນມີການສະແດງໃນງານສະຫຼອງບຸນກຸດຈີນທີ່ປັກກິ່ງ, ທ່ານສີຈິ້ນຜິງທີ່ເຮັດວຽກຢູ່ຕ່າງແຂວງນັ້ນກໍ່ຈະກັບເມືອປັກກິ່ງເພື່ອເບິ່ງລາຍການງານສະຫຼອງບຸນກຸດຈີນ ທັງຫໍ່ຂະໜົມກ້ຽວ ເພື່ອຖ້າທ່ານນາງເຜິງລີຢວນກັບຈາກການສະແດງລາຍການແລ້ວຈິ່ງກິນນຳກັນ.
ຄອບຄົວທີ່ເຕັມໄປດ້ວຍຄວາມຮັກ, ເຖິງສະມາຊິກຄອບຄົບຢູ່ຄົນລະບ່ອນ ກໍ່ຈະຫ່ວງໃຍເຊິ່ງກັນແລະກັນ. ຫຼັງກອງປະຊຸມພັກຄັ້ງທິ 18 ເປັນຕົ້ນມາ ໃນເວລາເຂົ້າຮ່ວມກິດຈະກຳການຕ່າງປະເທດທີ່ສຳຄັນ, ທ່ານນາງເຜິງລີຢວນກໍ່ຈະໄປກັບທ່ານສີຈິ້ນຜິງ ເພື່ອສະແດງໃຫ້ທົ່ວໂລກໄດ້ເຫັນປະເພນີອັນດີງາມຂອງຄອບຄົວຈີນ.
ຈົດໝາຍຈາກຄອບຄົວກ້າມໜຶ່ງ
ວັນທີ 15 ຕຸລາ 2001 ແມ່ນ ວັນເກີດຂອງທ່ານສີຈຸ້ງຊຸນ ພໍ່ຂອງທ່ານສີຈິ້ນຜິງ. ໂດຍໄດ້ຈັດໃຫ້ມີງານສະຫຼອງວັນເກີດຂຶ້ນ ແຕ່ທ່ານສີຈິ້ນຜິງ ໄລຍະນັ້ນເປັນເຈົ້າແຂວງແຂວງຝູຈ້ຽນຍ້ອນຫຍຸ້ງນຳວຽກ ຈິ່ງບໍ່ໄດ້ໄປຮ່ວມງານວັນເກີດຂອງພໍ່, ທ່ານໄດ້ສົ່ງຈົດໝາຍກ້າມໜຶ່ງໄປຍັງພໍ່ ໂດຍຂຽນວ່າ: ນັບແຕ່ລູກເກີດມາ ໄດ້ຢູ່ກັບພໍ່ແມ່ເປັນເວລາ 48 ປີແລ້ວ, ຮູ້ສຶກວ່າເຂົ້າໃຈພໍ່ແມ່ຢ່າງເລິກເຊິ່ງເໝືອນດັ່ງຄວາມຮັກແພງຕໍ່ພໍ່ແມ່ທີ່ເລິກເຊິ່ງ. ລູກຈະສືບທອດແລະຮຽນເອົາຄຸນສົມບັດອັນສູງສົ່ງຈາກພໍ່ໃຫ້ໄດ້.
ຈົດໝາຍກ້າມໜຶ່ງ ເຕັມໄປດ້ວຍຄວາມຂໍອະໄພ ແລະຄວາມເຄົາລົບນັບຖືຕໍ່ພໍ່ຂອງທ່ານສີຈິ້ນຜິງ. ຈາກຈົດໝາຍກ້າມນີ້ ພວກເຮົາໄດ້ເຫັນຄວາມຮັກຕໍ່ພໍ່ຢ່າງເລິກເຊິ່ງຂອງທ່ານ ແລະຍັງໄດ້ເຫັນຄຳສັນຍາຂອງຜູ້ສືບທອດຈິດໃຈປະຕິວັດ.
ບົດກະວີບົດໜຶ່ງ
ໃນງານອວຍພອນບຸນກຸດຈີນປີ 2015 ທ່ານສີຈິ້ນຜິງໄດ້ອ່ານບົດກອນບົດໜຶ່ງທີ່ສະແດງເຖິງຄວາມຮັກແພງຕໍ່ພໍ່ແມ່.
ໃນການປະກອບຄຳເຫັນຄັ້ງນີ້ ທ່ານໄດ້ສະເໜີອອກມາວ່າ: ບໍ່ວ່າຍຸກສະໄໝຈະປ່ຽນແປງແນວໃດ, ບໍ່ວ່າຊີວິດການເປັນຢູ່ຂອງພວກເຮົາຈະປ່ຽນແປງແນວໃດ, ພວກເຮົາລ້ວນແຕ່ຕ້ອງໃຫ້ຄວາມສຳຄັນຕໍ່ການສ້າງສາຄອບຄົວ, ໃຫ້ຄວາມສຳຄັນຕໍ່ຄອບຄົວ, ຕໍ່ການສັ່ງສອນໃນຄອບຄົວ ແລະການສ້າງແບບແຜນຂອງຄອບຄົວ…ເຮັດໃຫ້ຄອບຄົວນັບເປັນລ້ານເປັນແສນກາຍເປັນພື້ນຖານສຳຄັນທີ່ສຸດໃນການຊຸກຍູ້ການພັດທະນາຂອງປະເທດ, ຄວາມກ້າວໜ້າຂອງຊົນຊາດແລະຄວາມຖືກຕ້ອງປອງດອງທາງສັງຄົມ.
ຄຳເວົ້າຕອນໜຶ່ງ
ໃນພິທີສະຫຼອງບຸນກຸດຈີນເມື່ອວັນທີ 26 ມັງກອນ 2017 ທ່ານສີຈິ້ນຜິງໄດ້ເວົ້າດ້ວຍຄວາມຈິງໃຈ ໂດຍນຳເອົາ ສາມບໍ່ຕ້ອງ ມາສູ່ຟັງວ່າ: ບໍ່ຕ້ອງເຮັດໃຫ້ຄວາມຮັກແພງຢ່າງຈິງໃຈຂາດສະບັ້ນໄປຍ້ອນມີໄລຍະທາງຫ່າງເຫີນກັນ, ບໍ່ຕ້ອງຫຼົງລືມຄວາມຮັກແພງຢ່າງຈິງໃຈຍ້ອນຫຍຸ້ງນຳວຽກທຸກມື້, ບໍ່ຕ້ອງປະໝາດຄວາມຮັກແພງຢ່າງຈິງໃຈຍ້ອນການສູ້ຊົນຢ່າງເມື່ອຍ.
ທ່ານຍັງໄດ້ບອກວ່າ: ຄອບຄົວບໍ່ພຽງແຕ່ແມ່ນບ່ອນອາໃສຂອງຮ່າງກາຍຄົນເຮົາ, ຍັງຄວນແມ່ນບ່ອນພັກຂອງຈິດໃຮຄົນເຮົາ.
ຢູ່ຄອບຄົວ ໃຫ້ມີຄວາມກະຕັນຍູ້ຕໍ່ພໍ່ແມ່, ຢູ່ກັບປະເທດໃຫ້ມີຄວາມຈົ່ງຮັກພັກດີ.
ນີ້ຄືແນວຄິດຂອງທ່ານສີຈິ້ນຜິງກ່ຽວກັບປະເທດແລະຄອບຄົວ. ໂດຍພາຍໃຕ້ການນຳພາຂອງທ່ານສີຈິ້ນຜິງ, ຈີນທີ່ມີປະຊາກອນ 1 ຕື້ກວ່າຄົນພວມສ້າງແບບແຜນຄອບຄົວທີ່ດີງາມ ເພື່ອເພີ່ມສີສັນໃຫ້ແກ່ຊີວິດອັນດີງາມ, ທັງເປັນການຊຸກຍູ້ການບັນລຸຄວາມຈະເລີນຮຸ່ງເຮືອງແຫ່ງປະຊາຊາດຈີນ.
ຄຳເຫັນ
0