ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 22 ພຶດສະພານີ້, ຄະນກຳມະການການເລືອກຕັ້ງທົ່ວໄປຟິລິບປິນໄດ້ເປີດເຜີຍວ່າ: ພັກຮ່ວມລັດຖະບານຟິລິບປິນໄດ້ຮັບທີ່ນັ່ງຫຼາຍກວ່າເຄິ່ງໜຶ່ງໃນສະພາຕ່ຳໃນການເລືອກຕັ້ງທົ່ວໄປກາງສະໄໝທີ່ຈັດຂຶ້ນເມື່ອບໍ່ດົນມານີ້ ແລະໄດ້ຮັບ 9 ທີ່ນັ່ງຂອງທັງໝົດ 12 ທີ່ນັ່ງໃນສະພາສູງໃນການເລືອກຕັ້ງທົ່ວໄປເຊັ່ນດຽວກັນ.
ການເລືອກຕັ້ງທົ່ວໄປກາງສະໄໝຂອງຟິລິບປິນໄດ້ຈັດຂຶ້ນໃນວັນທີ 13 ພຶດສະພາຜ່ານມາ. ຕາມຜົນການເລືອກຕັ້ງ, ໃນສະມາຊິກສະພາສູງ 12 ຄົນນັ້ນ, ມີ 4 ຄົນມາຈາກພັກພະລັງປະຊາຊົນປະຊາທິປະໄຕ ແລະມີ 5 ຄົນມາຈາກພັກປະຊາຊົນ, ພັກພະລັງປະຊາທິປະໄຕມຸສລິມ-ຄຣີສ, ພັກເພື່ອປະຊາທິປະໄຕຟິລິບປິນ ແລະພັກອື່ນໆທີ່ເປັນພັກຮ່ວມລັດຖະບານຟິລິບປິນ. ພາຍຫຼັງສຳເລັດການເລືອກຕັ້ງທົ່ວໄປກາງສະໄໝແລ້ວ, ພັກຮ່ວມລັດຖະບານໄດ້ຮັບທີ່ນັ່ງໃນສະພາສູງຫຼາຍກວ່າເຄິ່ງໜຶ່ງ. ຂະນະດຽວກັນ, ພັກຮ່ວມລັດຖະບານກໍໄດ້ຮັບທີ່ນັ່ງໃນສະພາຕ່ຳຫຼາຍກວ່າເຄິ່ງໜຶ່ງເຊັ່ນດຽວກັນ.
ການເລືອກຕັ້ງທົ່ວໄປກາງສະໄໝບໍ່ພຽງແຕ່ເລືອກຕັ້ງເອົາສະມາຊິກສະພາສູງ ແລະສະມາຊິກສະພາຕ່ຳເທົ່ານັ້ນ, ຍັງໄດ້ເລືອກເອົາເຈົ້າແຂວງຕ່າງໆ ແລະສະມາຊິກສະພາທ້ອງຖິ່ນໃນທົ່ວປະເທດ.
ຄຳເຫັນ
0